Rutti 4:11 - Songhai de Gao Bible

¹¹ Alwakiiley kaŋ cindi no din nda alžamaa kul tuuru Bowazu se ka nee: «Ir ga seede. Ir gʼa ŋaaray Abadantaa ga, a ma albarka daŋ woyoo ra kaŋ ni ne kʼa zaa. A ma tee Rašel nda Leya cine kaŋyaŋ ti Izirayel hugoo borey kul ɲaa! Ni almanoo ma boobo koyra-izoo ra kaŋ se i ga nee Efrata. De Abadantaa ma ni maaɲoo mo jer Betelehem koyraa ra.

Rutti 4:11 ပူးပေါင်းရင်းမြစ်များ

Šintinoo 23:10

Eferoŋ goo Heti borey gamey ra. Eferoŋ Heti boraa na Ibirahima zaabi Heti borey nda borey kul kaŋ kaa koyraa miɲoo ga, jiney ra, ka nee:

Šintinoo 24:60

I gaara Rebeka se, i nee: «Ir woymaa, yala ma tee boro zenberyaŋ hala cee zenber woyyaŋ se hayraa. De mo ni hayroo ma nga iberey koyrawey taa.»

Šintinoo 29:16

Woo kaa ka gar kaŋ Labaŋ goo nda ize woy hinka, ijinaa maaɲoo ti Leya, ihinkantoo maaɲoo ti Rašel.

Šintinoo 29:25

Subbaahoo ra, nga ne, Leya no. Yakuba nee Labaŋ se: «Cin ti woo nʼnʼa tee ya ne! Ni bay Rašel se ay goy ma ne? Cin se nʼnʼay darga?»

Šintinoo 29:32

Leya tee boro hinka, a na izʼaru foo daŋ aduɲɲa ra. A na maaɲoo daŋ Rubeŋ (maanaa «wa guna izʼaru»). A nee: «Zama Abadantaa dii ay naajoo. Sohõ ay kurɲoo ga baa agay.»

Šintinoo 35:23

Leya izʼarey ti: Yakuba ize jinaa kaŋ ti Rubeŋ, nga banda ga, Simewoŋ, nda Lewi, nda Žuda, nda Isakar, nda Zabuloŋ.

Šintinoo 35:24

Rašel izʼarey ti: Isufi nda Benžameŋ.

Kokoyey 1na 21:8

Žezabel na batagayaŋ hantum Akab maaɲoo ga ka Akab tammaasaa daŋ i ga. Koyraa kaŋ ra Nabot goo nda goray, a na batagawey sanba boro beerey nda borciney se.

Taarikey 1na 2:51

nda Salmuni kaŋ na Betelehem koyraa sinji, nda Haref kaŋ na Bet-Gader koyraa sinji.

Zaburey 132:6

Ir maa Abadantaa sundukoo šennoo Efrata koyraa ra, ir duu a Yar koyraa hawsawey ra.

Yaasawey 14:1

Woy lakkalkoyni ga nga hugoo cin, woy lakkal jaŋante ga nga hugoo kayri.

Yaasawey 31:23

Nga kurɲoo ga bayrandi jamaa margadogoo ra waati kaŋ nga nda gandaa boro beerey ga goro.

Matiyu 2:6

‹Ni, Betelehem kaŋ goo Žude gandaa ra, šikka sii kaŋ ni manʼti Žude koyra ɲaŋey kul ikaccaa, zama jineboro foo ga hun ni ra kaŋ gʼay jamaa Izirayel kur.›»

Alhukumoo 25:7

Nda aroo woo si baa nga ma nga albora woyoo zaa wande, albora woyoo ga žigi ka koy koyraa miɲoo ga boro beerey do ka nee i se: ‹Agay alboraa wanji ka nga armaa maaɲoo tunandi Izirayel ra, a wanji ka nga alborataraa goyoo tee ya ne.›

Alhukumoo 25:9

woo ga, albora woyoo ga man nga albora boro beerey jine, a ga nga albora aroo taami cala foo kaa, de a ga tufa ndumoo ga. A ga nee: ‹Hayaa ne kaŋ boro gʼa tee aru se kaŋ wanji ka nga armaa hugoo kayandi.›

Rutti 1:2

Aroo woo maaɲoo ti Elimelek, wandoo maaɲoo ti Nawomi, izʼaru hinkaa maaɲey ti Mahiloŋ nda Kiliyoŋ. Ngi koyra-izoo maaɲoo ti Efrata kaŋ goo Betelehem, Žuda gandaa ra. I cindi Mowab hawsaa ra.