Rutti 2:12 - Songhai de Gao Bible

¹² Ay ga Abadantaa ŋaaray kaŋ ti Izirayel Koyoo. A ma ni bana. A ma ni noo nga sufuraa, nga kaŋ fatawey cire ni kaa ka talfi.»

Rutti 2:12 ပူးပေါင်းရင်းမြစ်များ

Zaburey 17:8

Ay lakkal sanda ni mootondoo, ay tugu ni fatawey biyoo cire,

Zaburey 19:11

Ngi alkadaroo bisa wura, ba wura alhakiika, i ga kan nda yuu, ba yuwoo kaŋ ga doo ka hun ayu tejoo ra.

Zaburey 36:7

Ni šerretaraa ga hima nda tondi hondey kaŋ ga kuu nda tondi hondey kul, ni ciitey ga hima nda guusu beeri. Abadantaa, nʼga adamizey nda adabbawey hallasi.

Zaburey 57:1

Donkey boŋkoynoo ka woo don. Takaa kaŋ nda a ga doonoo woo don se i ga nee «Masʼa halaci.» Woo ti Dawda bayti foo. A mana doonoo woo don kala waatoo kaŋ ra a ga zuru Sawul jine ka koy tugu tondi horboo ra.

Zaburey 58:11

Boro šerrantaa ga ɲaali, zama a dii kaŋ Irkoy faasa nga se, a ga nga cewey ɲumay boro laaley kuroo ra.

Zaburey 61:4

Zama ni ti nongoo kaŋ ra ay gʼay boŋ talfi, ni manʼti kala soorohugu kuku gaabante kaŋ ga kay agay iberoo jine.

Zaburey 63:7

Waati kaŋ ay hongu ni ay kanidogoo ra, cijinoo kuuroo kul ra, ay ga miile ni ga.

Zaburey 91:4

A ga ni gum nda nga fatawey hinbirey, nʼga duu nongoo kaŋ ra nʼga tugu nga fatawey cire, nga laadirtaraa manʼti kala koray beeri nda guuru darbay.

Yaasawey 11:18

Boro laala ga nga boŋ noo alman kaŋ gʼa zanba, boro kaŋ ga šerretaray duma ga duu banaw cimi.

Yaasawey 23:18

zama kokoray goo a ra, ni naataa si dere.

Matiyu 23:37

«Žerizalem, Žerizalem kaŋ ga annabey wii, a ga tondi ka borey warra kʼi wii kaŋ sanbandi a ga. Cee marje ay baa ya ni izey marga sanda takaa kaŋ nda gorgo ga nga izey marga nga fatawey cire, amma war wanji!

Matiyu 5:12

Wa binekaanay, war ma hanse ka ɲaali, zama war ga duu sufuray beeri beenaa ra. Takaa woo da nda i na annabey gurzugay kaŋ kaa war jine.»

Matiyu 6:1

«Wa war boŋ hawgay, war masi cebe borey se kaŋ boro šerranteyaŋ ti war. Nda war na woo tee, war si duu sufuray war Baabaa Irkoy do kaŋ goo beenaa ra.

Luka 6:35

Amma war, wa baa war iberey, wa haya henna tee i se. Wa garaw borey se bila nda war ma hongu kaŋ a ga yee war ga. Woo ra war ga duu sufuray beeri, de war ga tee Koy Jerantaa izey, zama nga ti anneemantaa gomnimuney nda boro laaley se.

Kolos borey batagaa 2:18

War masi naŋ boro kul ma war ganji war ma duu jalaa kaŋ ga duwandi konkošaa ra, kaŋ ti boro ma nga boŋ ibaayoo tee ka tee sanda nga mma nga boŋ yeeti ganda ka almalaykey gana, ka huru haya ra kaŋ a dii a bangayyan ra, a ga too nda hew yaada nda nga hundi-ibaayoo miileyanoo.

Timote bataga 2to 1:18

Ir Koyoo mʼa noo a ma duu Irkoy do tamallaa zaari koraa din hane. Nʼga bay ka bisa boro kul alhaadimaa kaŋ a nʼa tee Efez.

Timote bataga 2to 4:8

Za sohõ da šerretaray fuulaa jisandi ya ne kaŋ ir Koyoo, ciitikaw šerrantaa gʼa noo ya ne nga hanoo hane. Manʼti agay hinne se, a gʼa noo borey kul se kaŋ ga baa nga bangayyanoo.

Eberewey batagaa 11:26

A dii kaŋ kaynandoo kaŋ i nʼa tee Almasihu se goo nda gomni beeri ka bisa Misira almanoo, zama a si dii kala sufuraa.

Eberewey batagaa 11:6

Bila naanayyan boro si hin ka kan Irkoy se. Boro kaŋ man Irkoy, kala a ma naanay kaŋ Irkoy ga bara, de mo a ga borey bana kaŋ gʼa ceeci.

Eberewey batagaa 6:10

Irkoy manʼti boro kaŋ si šerre, a si dirɲa war goyoo nda bajoo kaŋ war nʼa tee a se ka nga boro henanantey alhaadimay, de mo war gʼi alhaadimay hala hõ.

Rutti 1:16

Rutti nee Nawomi se: «Masʼay gaabi ya hun ni bande, ka yee ay do. Nongu kul kaŋ ra nʼga koy, nga ra ay ga koy. Nongu kaŋ ra nʼga goro, nga ra ay ga goro. Ni dumoo ga tee ya ne dumi. Koyoo kaŋ nʼgʼa gana ga tee ya ne Koy.

Rutti 2:11

Bowazu nee a se: «I na takaa kul filla ya ne kaŋ nʼnʼa tee ni nzura woyoo se ni kurɲoo buuyanoo banda ga. Ay ga bay kaŋ ni hun ni baabaa nda ni ɲaa do, nda ni gandaa ra, ka kaa dumi waani do kaŋ mana bay kʼa bay.

Rutti 2:13

Rutti nee a se: «Aru beeroo, ni tee ya ne boro henna. Nʼnʼay binoo yaynandi. Šenni henney kaŋ nʼnʼi har ya ne, nʼay binoo daŋ, agay kaŋ si too ba ni goykey affoo.»

Rutti 4:15

Zankaa woo ga ni hunaroo noo addalil. A ga ni faaba ni ženyanoo ra, zama ni nzura woyoo kaŋ ga hanse ka baa ni ka duu ma ne izoo woo. Ni nzuraa woo bisa ma ne izʼaru boro iyye.»

Samiyel 1na 24:19

Hõ, ni cebe kaŋ gomni no nʼga tee ya ne, Abadantaa nʼay daŋ ni kaboo ra, amma manʼay wii.

Samiyel 1na 24:20

Nda boro duu ni iberoo, nga naŋ a ma koy yaada nga fondaa ra wala? Yala Abadantaa ma ni bana gomnoo woo kaŋ nʼnʼa tee ya ne hõ se.