Rutti 1:6 - Songhai de Gao Bible

⁶ Hanoo kaŋ Nawomi maa kaŋ Abadantaa hinna nga gandaa borey ga ka heraa sanbu i ga, Nawomi soola ka hun Mowab ka yee nga koyra žeenaa ra, nga nda nga nzura woy hinkaa.

Rutti 1:6 ပူးပေါင်းရင်းမြစ်များ

Šintinoo 21:1

Abadantaa mana dirɲa Sarata, sanda takaa kaŋ nda a nʼa har, a nʼa noo hayaa kaŋ a bay ka nee nga gʼa tee a se.

Šintinoo 28:20

Yakuba na meefur foo zaa ka nee: «Nda Irkoy goo ay bande, nda a nʼay hawgay fondaa kaŋ ra ay goo ma dira ra, nda a nʼay noo ŋaayan kaŋ ay gʼa ŋaa, nda bankaarayyaŋ kaŋ ga huru ay ga,

Šintinoo 48:15

A gaara Isufi se jina, a nee: «Yala Irkoy kaŋ fondaa ra ay hayragey Ibirahima nda Isiyaka dira, yala Irkoy kaŋ nʼay kur za ay huru aduɲɲa ra hala hõ,

Šintinoo 50:25

Woo banda ga, Isufi na Izirayel izey žeendi ka nee: «Waati kaŋ Irkoy hongu war, war mʼay birey ka žigi ka hun ne.»

Zaburey 102:14

Nʼga tun, nʼga tamalla Siyoŋ koyraa se, zama waatoo ti woo kaŋ ra nʼga alhormo tee a se, waatoo kaŋ kayandi ti woo.

Zaburey 111:5

A na ŋaayan noo borey se kaŋ ga hunbur a, a ga hongu nga amaanaa hala abada.

Zaburey 132:15

Ay ga albarka daŋ nga almanoo ra, ay ga nga talkey kungandi nda ŋaayan.

Zaburey 145:15

Naata ra, borey kul moɲey ga bere ni here, ni no mʼi noo ngi ŋaahayaa nga waatoo ra.

Zaburey 146:7

A ga ciiti dunbu borey kaŋ ga kankam se, a ga heraykoyney noo ŋaayan, Abadantaa ga kasa-izey feeri.

Zaburey 147:14

A ga alaafiya tabatandi ni gandaa ra, a ga ni kungandi nda alkama henna.

Fattaroo 3:16

Koy ma Izirayel boro beerey marga, ma nee i se: ‹Abadantaa, war baabey Koyoo, Ibirahima Koyoo, Isiyaka Koyoo, Yakuba Koyoo bangay ya ne, a nee: “Ay dii war, ay ga haya bay kaŋ goo war ga Misira.”›

Fattaroo 4:31

Jamaa naanay. Waatoo kaŋ i maa kaŋ Abadantaa ɲeli Izirayel borey ga, a dii ngi torraa, i gunguma ka sujudu.

Yaasawey 30:8

Ay moorandi zanba nda taari šenni, masʼay tee talka, masʼay tee almankoyni, ay noo de ay meehunaa,

Matiyu 6:11

Ir noo ir hõ zaaroo meehunaa.

Luka 1:68

«Albarka ma bara ir Koyoo se kaŋ ti Izirayel Koyoo, zama a na nga jamaa hawgay, a nʼa sawal.

Luka 19:44

I ga ni say, ni nda ni izey kaŋ game ni goo. I si tondi foo naŋ affoo boŋ, zama mana waatoo bay kaŋ Irkoy kaa ni do ka ni faaba.»

Timote bataga 1na 6:8

Adiši nda ir goo nda haya kaŋ ir gʼa ŋaa nda haya kaŋ nda ir ga daabu, a ga hima kʼir wasa.

Piyer bataga 1na 2:12

War ma dira nda taka henna borey kaŋ si Irkoy bay jine, hala waati kaŋ i ga war maaɲey hasara ka nee kaŋ war manʼti kala goy futu teekawyaŋ, i ma Irkoy beerandi war goy henney kaŋ i ga dii ey sabbu se han kaŋ a kaa i do.

Rutti 1:5

Woo banda ga, Mahiloŋ buu, Kiliyoŋ buu. Nawomi hinne ka cindi, a jaŋ kurɲoo, a jaŋ izey.

Rutti 1:7

I na fondaa zaa cere bande ka dira ka koy Žuda gandaa ra.

Samiyel 1na 2:21

Abadantaa mana dirɲa Anna, a tee boro hinka, a na izʼaru hinza nda ize woy hinka daŋ aduɲɲa ra. Samiyel ga tonton ka beeri Abadantaa moɲey cire.