Rom borey batagaa 8:31 - Songhai de Gao Bible

³¹ Macin no ir ma nee hayey wey ga? Nda Irkoy goo ir bande, may no ma kay kʼir gandu?

Rom borey batagaa 8:31 ပူးပေါင်းရင်းမြစ်များ

Šintinoo 15:1

Hayey wey banda ga, Abadantaa na šenni har Ibirim se bangayyan ra ka nee a se: «Masi hunbur haya kul, Ibirim! Agay no ma tee ma ne koray. Ni sufuraa ga hanse ka beeri.»

Kokoyey 1na 8:57

Yala Abadantaa, ir Koyoo ma cindi ir bande sanda takaa kaŋ nda a cindi ir baabey bande, a masʼir naŋ, a masʼir fur.

Kokoyey 2to 6:16

Alyasu nʼa zaabi ka nee: «Masi hunbur, zama borey kaŋ goo ir bande boobo nda ngi borey.»

Taarikey 1na 19:15

Waatoo kaŋ Amoŋ borey dii kaŋ Siiri borey zuru, ngi mo zuru hala ngi ma hun Abišay ra kaŋ ti Žowab armaa, i huru koyraa ra. Žowab hun wongoo ra, a koy Žerizalem.

Taarikey 1na 5:22

I na boro boobo wii, zama wongoo woo mana hun kala Irkoy do. I goro ngi gorodogey ra. I cindi no din hala waatoo kaŋ ra i nʼi dii ka koy ganda tanayaŋ ra.

Zaburey 118:6

Abadantaa goo ay bande, ay si hunbur, macin no boro ga hin kʼa tee ya ne?

Zaburey 46:11

A nee: «Wa kay, war ma bay kaŋ agay ti Irkoy! Ay hinoo goo gandawey boŋ, a goo laboo boŋ.»

Zaburey 46:7

Gandawey ga kaati, kokoytarawey ga zinji-zinji, Irkoy jindoo fatta, laboo ga menne.

Zaburey 56:11

Irkoy sabboo se ay ga nga šennoo saabu, Abadantaa sabboo se ay ga nga šennoo saabu.

Zaburey 56:4

Han kaŋ ay hunbur, agay, ay gʼay naanaa daŋ ni ra.

Zaburey 56:9

Nʼgʼay cee diraa kabu, ay mundawey daŋ ni hunbaroo ra, i kul nka mana hantumandi ni citaaboo ra wala?

Kabuyaney 14:9

Hayaa kaŋ no ti war masi ture Abadantaa ga, war masi hunbur gandaa din borey, zama ir gʼi tee loomo foo. Ngi hawgaykaa hun i bande, ir binde, Abadantaa goo ir bande, war masi hunbur ey.»

Matiyu 1:23

«Nga ne, hondiyaa ga gunde zaa, a ga izʼaru hay, i ga maaɲoo daŋ Emanuwel» kaŋ maanaa ti «Irkoy goo ir gamey ra».

Rom borey batagaa 3:5

Amma nda ir šerretaray jaŋaa ga Irkoy šerretaraa cebe, macin no ir ma nee? Irkoy nka si šerre waati kaŋ a ga nga futayyanoo doori? – Adamize takaa nda ay ga šelaŋ. –

Rom borey batagaa 4:1

Ibirahima kaŋ ti ir hayragoo gaaham here, ir ma nee, macin no a duu a?

Alhukumoo 33:29

Ni duu gomni, Izirayel! May no ma hima nda ni, jama kaŋ Abadantaa nʼa hallasi nda nga koraa nda nga takuba daržantaa? Ni iberey ga kaa ka ngi boŋ yeeti ganda ma ne, nʼga ngi hodaddawey taama-taama.»

Žozuwe 10:42

Žozuwe na kokoyey wey kul dii, ka ngi gandawey dii waati follokaa ra, zama Abadantaa, Izirayel Koyoo ga wongu Izirayel se.

Yehiya bataga 1na 4:4

War, ay zankey, war mana hun kala Irkoy ga, war hin taari annabey, zama Boraa kaŋ goo war ra bisa boraa kaŋ goo aduɲɲa ra.

Samiyel 1na 14:6

Žonataŋ nee goykaa kaŋ ga nga wongu jinawey zaa se: «Kaa, ir ma bisa ka koy hala jofolowey wey wongu-izey gorodogoo ra. A ga hin ka tee Abadantaa ma faaba ir ga, zama haya kul si hin ka Abadantaa ganji a ma faaba, nda a baa a ma tee boro boobo wala a ma tee boro kaccu.»