Rom borey batagaa 8:24 - Songhai de Gao Bible

²⁴ Zama ir hallasi, amma naatayan ra, naata kaŋ boro ga dii a manʼti naata: may no ma naata haya ga kaŋ a duu a?

Rom borey batagaa 8:24 ပူးပေါင်းရင်းမြစ်များ

Zaburey 146:5

Boraa duu gomni kaŋ Yakuba Koyoo ti nga faabakaa, kaŋ naataa goo Abadantaa, nga Koyoo ra.

Zaburey 33:18

Nga ne, Abadantaa moɲey sii kala borey ga kaŋ ga hunbur a, i ga kabu nga borohennataraa ga.

Zaburey 33:22

Abadantaa, yala ni borohennataraa ma bara ir ga, sanda takaa kaŋ nda ir ga ni batu!

Yaasawey 14:32

Boro laala, goy futaa no mʼa kaŋandi, boro šerrante ga duu nongu kaŋ ra a ga nga boŋ tugu ba nga buuyanoo ra.

Rom borey batagaa 12:12

Wa ɲaali naataa ra, wa zarabi muɲe. Wa gaabandi Irkoy ŋaarayyan ga.

Rom borey batagaa 15:13

Irkoy kaŋ ti Naatakoyoo ma war too nda ɲaali kul nda alaafiya naanayyanoo albarkaa ra, hala war naataa ma boobo Hundi Henanantaa gaaboo albarkaa ra.

Rom borey batagaa 15:4

Zama haya kul kaŋ bay ka hantumandi mana hantumandi kala ir cawandiyanoo se, hala muɲeyanoo nda bineyaynandiroo kaŋ Citaaboo gʼa noo mʼir noo naataa.

Rom borey batagaa 4:18

Nongoo kaŋ ra naatayan sii, a naanay ka nga naataa daŋ no din. Woo ra a tee dumi boobo se baaba, sanda takaa kaŋ nda a hantumandi ka nee: «Takaa woo no ni hayroo booboyanoo ga ti a.»

Rom borey batagaa 5:2

Irkoy anneemaa woo kaŋ ra ir goo, ir mana huru a ra kala [naanaa albarkaa ra]. Ir ga bolsay Irkoy daržaa naataa ra.

Rom borey batagaa 8:20

Takaroo yee haya yaada cire, manʼti ngi ibaayoo no, boraa kaŋ nʼi daŋ a cire kʼa tee, amma naata goo.

Korent borey bataga 1na 13:13

Haya hinzaa kaŋ ga cindi ne: naanay, nda naata, nda baji, amma hayey wey kul ibeeroo manʼti kala baji.

Korent borey bataga 2to 4:18

Ir sʼir moɲey kanji hayey kaŋ ir ga dii ey ga, wey kaŋ si diyandi ga ir gʼir moɲey kanji, zama hayey kaŋ boro ga dii ey manʼti kala waati kayna hayayaŋ, wey kaŋ boro si dii ey manʼti kala haya abadanteyaŋ.

Korent borey bataga 2to 5:7

Zama naanay nda ir ga dira, manʼti woo kaŋ ir moɲey ga dii a nda ir ga dira.

Galati borey batagaa 5:5

Ir hunday naataa goo kaŋ Irkoy Hundoo albarkaa ra ir ga duu šerretaray. Ir gʼa batu nda naanay.

Kolos borey batagaa 1:23

Amma kala war ma tabati naanaa ra, war ma gaabandi, war masi Alhabar Boryaa naataa naŋ kaŋ war maarʼa kaŋ waazandi takaroo kul kaŋ goo aduɲɲa ra se kaŋ se agay Pol, ay tee goykaw.

Kolos borey batagaa 1:27

Ngi se Irkoy baa nga ma sirroo woo daržaa beeriyanoo bayrandi gandawey ra. Sirroo ti: Almasihu goo war game, woo ti naataa kaŋ war ga duu daržaa.

Kolos borey batagaa 1:5

naataa kaŋ jisandi war se beenaa ra maaganda se. Naataa no kaŋ war maarʼa cimoo šennoo ra kaŋ ti Alhabar Boryaa.

Tesalonik borey bataga 1na 5:8

Amma ir kaŋ ti zaaroo waney, ir ma hin ir boŋ, ir ma naanaa nda bajoo tee guuru darbay kʼa daŋ ir jindey ra, hallasiroo naataa ma tee ir guuru fuulaa.

Tesalonik borey bataga 2to 2:16

Ir Koyoo Isa Almasihu hunday nda ir Baabaa Irkoy kaŋ baa ir, de a nʼir noo bineyaynay abadante nda naata henna nga anneemaa albarkaa ra

Tit batagaa 3:7

A nʼa tee hala nga anneemaa kaŋ nʼir tee boro šerranteyaŋ ra, ir ma hunayan abadantaa tubu kaŋ ti ir naataa.

Eberewey batagaa 11:1

Naanayyan manʼti kala ma hakiika kaŋ naataa kaŋ ni duu a šikka sii a ra, hayey kaŋ nʼsi dii ey ti cimi.

Piyer bataga 1na 1:21

Nga albarkaa ra war naanay Irkoy kaŋ nʼa tunandi bukawey ra kʼa noo darža taka kaŋ ra war naanaa nda war naataa ma bara Irkoy ra.

Piyer bataga 1na 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. Nga tamalla beeroo ra a nʼir hayandi taaga naata hunante se Isa Almasihu kaŋ tun bukawey ra albarkaa ra.

Yehiya bataga 1na 3:3

Boro kul kaŋ naataa woo goo a ra ga nga boŋ henanandi, sanda takaa kaŋ nda Almasihu ga henan.