Rom borey batagaa 7:15 - Songhai de Gao Bible

¹⁵ Hayaa kaŋ ay gʼa tee, ay si faham a se, zama manʼti hayaa kaŋ ay ga baa yʼa tee no ay gʼa tee, hayaa kaŋ ay ga konna no ay gʼa tee.

Rom borey batagaa 7:15 ပူးပေါင်းရင်းမြစ်များ

Kokoyey 1na 8:46

Nda i na zunubu tee ma ne, zama boro sii no kaŋ si zunubu tee, nda ni futu i ga kʼi daŋ ngi iberey kabey ra kaŋ hin ey, ka koy nda ey ngi gandaa ra kʼi daŋ tamtaray, a ma tee iberi ganda mooro wala imaana,

Zaburey 1:6

Zama Abadantaa ga boro šerrantey fondaa hawgay, amma boro laaley fondaa gʼi ka koy halaciyan ga.

Zaburey 101:3

Ay si haya futu kul daŋ ay moɲey cire. Ay ga konna teegoy laaley kaŋ borey kaŋ hun fondaa boŋ gʼi tee, i masi man agay.

Zaburey 119:104

Ni hayey kaŋ nʼnʼi har gʼay noo lakkal, woo se ay ga konna taari fondo kul.

Zaburey 119:113

Ay ga konna adamize bine hinkakoyney, ay ga baa ni ašariyaa.

Zaburey 119:128

Woo se, ay ga hayey kul dii šerrante kaŋ nʼnʼi har, ay ga konna taari fondo kul.

Zaburey 119:163

Ay ga konna taari, ay garsaka a se, ay ga baa ni ašariyaa.

Zaburey 119:32

Ay ga zuru ni yaamarey fondaa bande, zama nʼnʼay lakkaloo feeri.

Zaburey 119:40

Nga ne, ay ga hayey boonay kaŋ nʼnʼi har, ay hunandi ni šerretaraa ra!

Zaburey 19:12

Agay hunday, ni tamoo, nʼgʼay cawandi nda ey, boro kaŋ gʼi dii, nga nafaa ga boobo.

Zaburey 36:4

Nga meešenney manʼti kala ifutu nda zanba, ka ihenna tee sii nda a se addalil.

Zaburey 65:3

Ni kaŋ ga haŋajer ŋaarayrey se, hundikoyni kul ga kaa ni do.

Zaburey 97:10

War kaŋ ga baa Abadantaa, wa konna ifutu! A ga nga ganakey hunaroo hawgay, a gʼi kaa boro laaley kabey ra.

Yaasawey 13:5

Boro šerrante si baa taari šenni, boro futu ga borey kaynandi ka nga boŋ haawandi.

Yaasawey 8:13

Ka hunbur Abadantaa manʼti kala ka konna ifutu, boŋ beerandi, nda bolsay, nda fondo futu, nda deenebeeray, wey, ay ga konna ey.

Waazukaa 7:20

Adamize šerrante sii laboo ga kaŋ ga ihenna tee bila zunubu.

Luka 11:48

War takaa ga cebe kaŋ war baabey teegoyey ga kan war se. Ngi, i na annabey wii, war, war ga ngi saarawey cin kʼi kayandi.

Yehiya 15:15

Ay si nee war se tam koyne, zama tam si hayaa bay kaŋ nga koyoo gʼa tee. Ay nee war se ay cerey, zama haya kul kaŋ ay maarʼa ay Baabaa Irkoy do, ay nʼa bayrandi war se.

Rom borey batagaa 12:9

Almunafikitaray masi bara baji ra. Wa konna ifutu, wa gaabandi ihenna ga.

Rom borey batagaa 14:22

Naanaa kaŋ goo ma ne, a dii ni boŋ se Irkoy jine. Boraa duu gomni kaŋ si nga boŋ ciiti nda a kayandi ka haya tee.

Rom borey batagaa 7:16

Adiši nda hayaa kaŋ ay si bagʼa no ay gʼa tee, ay yadda ašariyaa ga, ay yadda kaŋ a ga boori.

Galati borey batagaa 5:17

Zama hayey kaŋ boro hundi-ibaayoo gʼi boonay si kan Irkoy Hundoo se, takaa din da hayey kaŋ ga kan Irkoy Hundoo se si kan hundi-ibaayi se. Haya hinkaa woo si cere zaa, taka kaŋ ra war masi duu ka hayey tee kaŋ war ga baa war mʼi tee.

Timote bataga 2to 2:19

Woo kul, Irkoy asaasu gaabantaa ga cindi. Silbaa kaŋ goo asaasoo ga: «Ir Koyoo ga borey bay kaŋ ti nga wane.» Silbay faa mo ti: «Boro kul kaŋ ga Irkoy maaɲoo cee, boraa ma mooru goy futu.»

Eberewey batagaa 1:9

Šerretaray no ma kan ma ne, nʼga konna ifutu. Woo se Irkoy, ni Koyoo na ni yon nda ɲaali jii, ka baa ni ka bisa ni hangasiney.»

Žak batagaa 3:2

zama cee booboyaŋ ir kul ga kaŋ. Boro kaŋ si dere nga šennoo ra manʼti kala boro kaŋ tee ka timme. A goo nda mo nga gaahamoo kul se hini.

Žud batagaa 1:23

Wʼi hallasi kʼi kaa nuunaa ra. Borey jerey, wa hinna i ga, amma nda hunburay: war masi too ba ngi bankaaraa ga kaŋ ngi hundi-ibaayoo nʼa žiibandi.