Rom borey batagaa 6:22 - Songhai de Gao Bible

²² Amma sohõ war sawalandi ka hun zunubu ra ka tee Irkoy baɲɲa, nafaa kaŋ war ga duu a ga war ka koy henanyan here, de benantaa manʼti kala hunayan abadantaa.

Rom borey batagaa 6:22 ပူးပေါင်းရင်းမြစ်များ

Šintinoo 50:17

‹Wa nee Isufi se kaŋ ay gʼa wiri a ga a ma nga armey hooyanoo nda ngey zunuboo yaafa i se, zama goy futu no i nʼa tee ma ne!› Adiši sohõ ni baabaa Koyoo tamey hooyanoo yaafa i se!» Kaŋ Isufi maa šenney wey kul, a hẽe.

Ayuba 1:8

Abadantaa nee Šaytan se: «Ni dii ay tamoo Ayuba wala? Nga cine sii laboo ga, aru no kaŋ ga laadir a ga šerre. A ga hunbur Irkoy, a ga nga boŋ moorandi ifutu.»

Zaburey 143:12

Ni borohennataraa ra, nʼga agay iberey benandi, nʼgʼay hundoo torrokey kul derandi, zama ay manʼti kala ni tamoo.

Zaburey 86:2

Ay hunaroo hawgay, zama ay manʼti kala ni ganakaw! Ni kaŋ ti ay Koyoo, ay hallasi, agay, ni tamoo, agay kaŋ nʼay boŋ talfi ni ga!

Zaburey 92:14

I ga hima nda tuuri kaŋ dumandi Abadantaa hugoo ra, i ga zay ka boosu ir Koyoo hugoo batumawey ra.

Kabuyaney 23:10

May no ma hin ka Yakuba kaŋ ga hima nda labutaasi kabu, ka ba Izirayel zamna taacaa affoo hinnaa har? Yala ya buu nda takaa kaŋ nda boro šerrantey ga buu, yala ay kokoroo ma hima nda ngi wanoo.»

Matiyu 13:40

Sanda takaa kaŋ nda subu laalaa ga dunbandi ka tonandi nuune ra ka tee boosu, takaa din da no ma tee zamanoo benantaa ra.

Matiyu 13:43

Waatoo din boro šerrantey ga nere ngi Baabaa Irkoy Laamaa ra sanda waynaa. Boro kaŋ goo nda haŋa ma haŋajer!»

Matiyu 19:29

De mo boro kul kaŋ na nga hugey naŋ, wala nga armey, wala nga woymey, wala nga baabaa, wala nga ɲaa, wala nga izey, wala nga faarey ay maaɲoo maaganda se, boraa ga duu nga cine zangu (100), a ga hunayan abadantaa tubu.

Matiyu 25:46

Wey ga koy zukandi abadantaa ra, amma boro šerrantey ga koy hunayan abadantaa ra.›»

Yehiya 15:16

Manʼti war kʼay suuba, amma agay ka war suuba ka war daŋ hala war ma koy, war ma hin ka izeyaŋ tee sanda tuuri kabe, war izey ma duumi hala haya kaŋ war nʼa wiri Baabaa Irkoy ga ay maaɲoo ga, a mʼa noo war se.

Yehiya 15:2

Tuuri kabe kul kaŋ goo ay ga kaŋ si ize tee, a gʼa dunbu, amma wey kaŋ ga ize tee, a gʼi henanandi hala i ma ize tee ka tonton.

Yehiya 4:36

hegaykaa ga duu banaw, a ga faari-izey marga hunayan abadantaa se. Woo ra boro hinkaa kaŋ ti dumakaa nda hegaykaa ga ɲaali cere bande.

Yehiya 8:32

Woo ra war ga cimoo bay, de cimoo ga war sawal.»

Rom borey batagaa 6:14

Zunubu si kaa ka duu war ga hini, zama war sii Musa ašariyaa hinoo cire, war sii kala anneemaa hinoo cire.

Rom borey batagaa 6:18

War sawalandi ka hun zunubu ra, war tee šerretaray se baɲɲayaŋ.

Rom borey batagaa 6:21

Macin ti nafaa kaŋ war duu a waatoo din? Sohõ war ga haw nda ey, zama ngi benantaa manʼti kala buuyan.

Rom borey batagaa 7:25

Albarka ma bara Irkoy se Isa Almasihu ir Koyoo albarkaa ra. Adiši agay hunday ga goy Irkoy ašariyaa se nda ay lakkaloo, amma ay hundi-ibaayoo si goy kala zunubu se.

Rom borey batagaa 7:4

War mo takaa din da, agʼarmey, Musa ašariyaa ga war dii bukaw Almasihu kunturoo albarkaa ra, hala war ma tee boro tana wane kaŋ tun bukawey ra hala ir ma hayayaŋ tee kaŋ goo nda nafaw Irkoy se.

Rom borey batagaa 8:2

Zama Irkoy Hundoo hinoo kaŋ ga hunayan noo Almasihu Isa albarkaa ra na ni sawal ka ni kaa zunubu nda buuyan hinoo cire.

Korent borey bataga 1na 7:22

zama baɲɲa kaŋ ir Koyoo nʼa cee mma tee borcin ir Koyoo albarkaa ra. Takaa din da, borcin kaŋ ciyandi mma tee Almasihu baɲɲaa.

Korent borey bataga 2to 3:17

ka gar «ir Koyoo» manʼti kala Irkoy Hundoo, de mo nongu kaŋ ra ir Koyoo Hundoo goo, borcintaray goo no din.

Galati borey batagaa 1:10

Aywa, sohõ adamize alhormaa wala Irkoy alhormaa no ay gʼa ceeci? Wala mo adamizey se ay ga ceeci ya kan? Nda ya mma ceeci hala sohõ ka kan adamizey se, ay si tee Almasihu tamoo.

Galati borey batagaa 5:13

Agʼarmey, war, war mana ciyandi kala sawalyan se, amma war masi sawalyanoo tee haya kaŋ ga kate war ma dira hundi-ibaayi ra, war ma cere alhaadimay baji ra.

Galati borey batagaa 5:22

Amma hayaa kaŋ Irkoy Hundoo gʼa hay ti: baji, ɲaali, alaafiya, suuri, borohennataray, binehennay, allaahidutaray,

Efez borey batagaa 5:9

Zama hayaa kaŋ gaay gʼa hay manʼti kala: borohennataray dumi kul, nda šerretaray, nda cimi.

Filipi borey batagaa 1:11

ka too met nda šerretaraa kaŋ Isa Almasihu gʼa noo. A ma tee Irkoy daržaa nda nga saabuyanoo se.

Filipi borey batagaa 4:17

Manʼti haya no ay ga ceeci, woo kaŋ ay gʼa ceeci manʼti kala war naanaa gomnoo ma boobo, a ma bayandi war se.

Kolos borey batagaa 1:10

Woo ra war dira takaa ga sawa nda ir Koyoo, a ga kan a se nongoo kul here. Teegoy henna dumi kul ga garandi war ra, war ga koy jine Irkoy bayraa ra.

Kolos borey batagaa 4:12

Epafras kaŋ ti war affoo, Almasihu [Isa] tamoo no, a ga war foo. A ga tangam Irkoy ŋaarayyan ra war se hala war ma tabati ka tee boroyaŋ kaŋ timme nda hakiika Irkoy ibaayoo ra.

Tit batagaa 1:1

Agay Pol kaŋ ti Irkoy tam nda Isa Almasihu diyaw, ay sanbandi hala Irkoy boro suubantey ma naanay, i ma cimoo bay kaŋ ga koy Irkoy ganayanoo bande.

Eberewey batagaa 12:14

Wa ceeci alaafiya ma bara war nda borey kul game, nda henanyan, bila henanyan boro kul si dii ir Koyoo.

Žak batagaa 1:1

Agay Žak kaŋ ti Irkoy nda ir Koyoo Isa Almasihu tam ka batagaa woo sanba ka Izirayel alkabiila woy cindi hinkaa (12) kaŋ say-say foo.

Piyer bataga 1na 1:9

zama war goo ma too war naanaa guwoo ga, maanaa [war] hundey hallasiroo.

Piyer bataga 1na 2:16

Wa tee borcinyaŋ bila nda war ma borcintaraa din tee haya kaŋ ga laalay daabu. Wa goy sanda Irkoy tamyaŋ.

Bangandiroo 7:13

Boro beerey affoo na šennoo zaa ka nee ya ne: «Borey wey kaŋ ga darbay beeri kaarawey goo, mayyaŋ no, man ra i hun?»