Rom borey batagaa 6:21 - Songhai de Gao Bible

²¹ Macin ti nafaa kaŋ war duu a waatoo din? Sohõ war ga haw nda ey, zama ngi benantaa manʼti kala buuyan.

Rom borey batagaa 6:21 ပူးပေါင်းရင်းမြစ်များ

Kokoyey 1na 2:26

Woo banda ga, kokoyoo nee sargari juwalkaa Abiyatar se: «Koy Anatot ni faaroo ra, ni mma hima ka wiiyandi, amma ay si ni wii hõ, zama nʼnʼir Koyoo, Abadantaa sundukoo zaa ka dira ay baabaa Dawda jine, zama mo farawoo kul kaŋ duu ay baabaa, ni mo duu a ra.»

Ezra 9:6

Ay nee: «Ay haw, ay Koyoo, ay si hin kʼay boŋoo jer ni, ay Koyoo here, ir laybey boobo hala i bisa ir boŋey ga, ir tooɲerey boobo ka too hala beenaa ra.

Ayuba 33:27

A ga don adamizey jine ka nee: ‹Ay na zunubu tee, ay na haya šerrantaa šiirandi, ya na duu zukandoo kaŋ nda ay ga hima.

Ayuba 40:4

«Agay manʼti baffoo, cin no ay ga hin kʼa har ni jine? Ay gʼay kaboo daŋ ay miɲoo ga.

Ayuba 42:6

Woo maaganda se, ay tun a ga, ay gʼay boŋ yeeti ganda ka goro labu nda boosu ra.»

Zaburey 73:17

hala waatoo kaŋ ay too Irkoy nongu henanantaa ra, nga ra, ay na ngi kokoroo bay.

Yaasawey 1:31

woo se, i ga duu ngi dira takaa alhakoo, ngi boŋ hoyrawey gʼi kungu.

Yaasawey 14:12

A ga hin ka tee adamize ma tammahã kaŋ nga goo fondoo šerrante ga, ka gar kokoroo ti fondo kaŋ ga koy buuyan here.

Yaasawey 16:25

A ga hin ka tee adamize ma tammahã kaŋ nga goo fondo šerrante ga, ka gar kokoroo ti fondo kaŋ ga koy buuyan here.

Rom borey batagaa 1:32

Ba kaŋ i ga Irkoy šerretaraa bay kaŋ ti borey kaŋ ga hayey wey dumey tee ga hima nda buuyan, woo kul, i ga teegoyey wey tee, de mo a ga kan i se ngi ga dii borey gʼi tee.

Rom borey batagaa 5:12

Woo se takaa kaŋ nda boro folloku ka kate zunubu ma huru aduɲɲa ra, zunubu mo kate buuyan. Takaa woo nda buuyan ga too adamizey kul do, zama i kul na zunubu tee.

Rom borey batagaa 6:16

War nka si bay kaŋ boraa kaŋ se war ga tee baɲɲa ka goy a se ka haŋajer a se, boraa kaŋ se war ga haŋajer baɲɲaa ti war? A ma tee zunubu buuyan se, wala haŋajeryan šerretaray se.

Rom borey batagaa 6:23

Zunubu banaa manʼti kala buuyan, amma Irkoy anneemaa nooyanoo kaŋ a gʼa noo yaada manʼti kala hunayan abadantaa kaŋ ga duwandi Almasihu Isa ir Koyoo albarkaa ra.

Rom borey batagaa 7:5

Zama waatoo kaŋ ir goo ir hundi-ibaayey ra, boonay zunubantey kaŋ ašariyaa nʼir tuti ir mʼi tee, i ga goy ir gaahamoo nongey ra ka hayayaŋ tee kaŋ ga koy buuyan here.

Rom borey batagaa 8:13

Zama nda war ga dira nda hundi-ibaayi, war ga buu, amma nda war ga Hundoo ka gaaham teegoyey wii, war ga huna.

Rom borey batagaa 8:6

Hundi-ibaayi miileyanoo manʼti kala buuyan, Irkoy Hundoo miileyanoo manʼti kala hunayan nda alaafiya.

Korent borey bataga 2to 4:2

Ir wanji hayey ga kaŋ ga teendi tuguyan ra kaŋ ti haawi hayayaŋ. Ir si dira carmay ra, ir si Irkoy meešennoo barmay. Ir mma cimoo har a ga kaaray, hala boro foo kul mʼir saabu Irkoy jine.

Korent borey bataga 2to 7:11

Zama nga ne, war binemarayyanoo hunday kaŋ sawa nda Irkoy ibaayoo mana kate kala war ma duu ka hayey tee nda cahãyan nda ɲaali, nda faasayan beeri, nda binetunyan beeri, nda hunburay beeri, nda faajiyan beeri, nda gaabandiyan beeri, nda ba zukandiyan beeri. Nongoo kul here war cebe kaŋ war ga henan hayaa woo ra.

Alhukumoo 17:6

Boro kaŋ ga hima nda buuyan ga wiiyandi seede hinka wala ihinza šennoo ga. A si wiiyandi seede folloku šennoo ga.

Alhukumoo 21:22

«Nda aru na zunubu tee kaŋ ga hima nda buuyan, de a wiiyandi, nʼnʼa deeji bundu ga,

Filipi borey batagaa 3:19

Ngi kokoroo ti dereroo. Ngi gundey ti ngi koyoo. Hayaa kaŋ gʼi haawandi nda i ga bolsay. I si hongu kala aduɲɲa hayey hinne.

Eberewey batagaa 10:29

De war ga hongu macin ti zukandoo kaŋ nda boraa ga hima kaŋ na Irkoy Izʼaroo kaynandi, ka amaanaa kuroo kaŋ nʼa henanandi tee yaada, ka Irkoy Hundi tamallantaa wow?

Eberewey batagaa 6:8

Amma nda a ga karji nda ngorfu hay, a sii nda nafaw, a mana mooru laaliyan, de nga kokoroo ti a ma tonandi.

Žak batagaa 1:15

Woo banda ga, nda boonay futaa zandi, a ga zunubu hay, nda zunuboo nin, a ga buuyan hay.

Žak batagaa 5:20

war ma bay kaŋ boro kaŋ kate zunubante kaŋ dere fondaa ga, boraa ga hundoo hallasi buuyan ra, a na zunubu boobo daabu.

Piyer bataga 1na 4:17

Zama waatoo too kaŋ ra ciitoo ga šintin nda Irkoy hugoo, ka gar nda a šintin nda ir, macin no borey kaŋ mana haŋajer Irkoy Alhabar Boryaa se ga ti a suba?

Yehiya bataga 1na 2:28

Sohõ, zankey, wa duumi Almasihu ra, nga kaayanoo ga, waati kaŋ a ga kaa ka bangay, ir lakkaley ma kani, ir masi haw a jine.

Bangandiroo 16:6

Zama i na Irkoy boro henananteyaŋ nda annabiyaŋ kurey doori. Nʼnʼi noo kuri i mʼa haŋ, i ga hima nda a.»

Bangandiroo 20:14

Buuyanoo nda alaahara warrandi guusu beeroo ra kaŋ ra nuune ga dii: guusu beeroo kaŋ ra nuune ga dii ti buuyan hinkantoo.