Rom borey batagaa 6:14 - Songhai de Gao Bible

¹⁴ Zunubu si kaa ka duu war ga hini, zama war sii Musa ašariyaa hinoo cire, war sii kala anneemaa hinoo cire.

Rom borey batagaa 6:14 ပူးပေါင်းရင်းမြစ်များ

Sargarey 25:41

Waatoo din a ma hun ni do, nga nda nga izey, a ma yee nga alaayan beeroo do, nga baabey mayrawey ra.

Matiyu 1:21

A ga izʼaru hay, de ma maaɲoo daŋ Isa (maanaa ‹ir Koyoo ti hallasiyan›), zama nga no ma nga jamaa hallasi ngi zunuboo ra.»

Yehiya 1:14

Šennoo tee boro, a goro ka waati tee ir game. Ir na nga daržaa guna sanda Izʼaru bajja folloku daržaa kaŋ hun Baabaa Irkoy do. A ga too nda anneema nda cimi.

Yehiya 1:17

Zama Musa bande ašariyaa kaa, Isa Almasihu bande anneemaa nda cimoo kaa.

Yehiya 8:36

Adiši nda Izʼaroo na war sawal, nda cimi war ga sawalandi.

Rom borey batagaa 11:6

Nda a teendi ka sawa nda nga anneemaa, manʼti teegoy kʼa tee koyne. Nda manʼti woo, anneemaa manʼti anneemaa koyne.

Rom borey batagaa 4:16

Woo ka kate, allaahidoo mana zandi kala naanaa maaganda se, hala a ma sawa nda Irkoy anneemaa, a ma hakiika Ibirahima hayroo kul se. Manʼti wey kaŋ ga dira ašariyaa bande hinne, amma borey mo kaŋ duu ir kul baabaa kaŋ ti Ibirahima naanaa.

Rom borey batagaa 5:17

Boro folloku zunuboo ka kate buuyanoo ma laama, de borey kaŋ duu anneema beeroo nda šerretaray nooyanoo ga laama hunayan ra Isa Almasihu albarkaa ra.

Rom borey batagaa 5:18

Aywa, takaa kaŋ nda laybu folloku kate borey kul ma zukandi, takaa din da goy šerrante folloku ga kate borey kul ma tee boro šerrante, i ga duu hunaroo.

Rom borey batagaa 6:12

Adiši zunubu masi laama war gaaham bukawey ra, a masi war hangandi gaaham boonawey.

Rom borey batagaa 6:15

Adiši macin? Ir ma zunubu tee, zama ir sii ašariyaa hinoo cire, Irkoy anneemaa hinoo cire ir goo? Abada!

Rom borey batagaa 8:12

Adiši agʼarmey, hundi-ibaayi garaw sii ir ga soko ir ma dira nda hundi-ibaayi.

Rom borey batagaa 8:2

Zama Irkoy Hundoo hinoo kaŋ ga hunayan noo Almasihu Isa albarkaa ra na ni sawal ka ni kaa zunubu nda buuyan hinoo cire.

Galati borey batagaa 3:23

Kaŋ naanaa waatoo mana kaa, ir manʼti kala ašariyaa kasa-izey, ir daabandi hala naanaa fondaa cebandiyanoo ga.

Galati borey batagaa 4:21

Wʼay bayrandi, war kaŋ baa war ma goro ašariyaa hinoo cire, war si haŋajer ašariyaa se wala?

Galati borey batagaa 5:18

Amma nda Irkoy Hundoo no ma war gongu, war sii ašariyaa hinoo cire.

Tit batagaa 2:14

Nga kaŋ na nga boŋ noo ir maaganda se, kʼir kaa goy futu kul cire, kʼir henanandi ka tee nga boŋ jama cere-cerantaa kaŋ ga durkutu goy henna teeyan bande.

Eberewey batagaa 8:10

Amaanaa kaŋ ay gʼa zaa Izirayel hugoo borey se zaarey wey banda ga, war Koyoo kʼa har, ay gʼay ašariyawey daŋ lakkaley ra, ay gʼi hantum biney mo ga. Ay ga tee ngi Irkoy, i ga tee ay jamaa.