Rom borey batagaa 5:11 - Songhai de Gao Bible

¹¹ Manʼti woo hinne, ir ga bolsay nda Irkoy, ir Koyoo Isa Almasihu albarkaa, nga kaŋ sohõ a nʼir nda Irkoy waafakandi.

Rom borey batagaa 5:11 ပူးပေါင်းရင်းမြစ်များ

Zaburey 104:34

Yala ay miileyanoo ma kan a se! Agay, ay ga ɲaali nda Abadantaa.

Zaburey 149:2

Yala Izirayel ma ɲaali nda nga Takakaa! Yala Siyoŋ koyraa izey ma yafarhã nda ngi kokoyoo!

Zaburey 32:11

Boro šerrantey, wa ɲaali nda Abadantaa, wa yafarhã! Wa ɲaali kaatiyaŋ tee, war kul kaŋ biney ga šerre!

Zaburey 43:4

Ay ga koy Irkoy sargari tonadogoo here, Irkoy here kaŋ ti ay ɲaaloo nda ay yafarhãa, Irkoy, ay Koyoo, ay ga ni saabu ay kuntijoo ga!

Luka 1:46

Woo banda ga, Maryama nee: «Ay hundoo gʼir Koyoo jer,

Yehiya 1:12

Amma borey kul kaŋ nʼa dii, kaŋ naanay maaɲoo, a nʼi noo hini i ma tee Irkoy izeyaŋ,

Rom borey batagaa 11:15

Nda Irkoy nʼi yala ka nga nda aduɲɲa waafakandi, waati kaŋ a yadda i ga koyne, macin no ma tee? Hayaa kaŋ ga tee manʼti kala borey hunayanoo buuyan banda ga.

Rom borey batagaa 2:17

Ni kaŋ ga Alyahuudu maa goo, nʼga ni boŋ kul fur ašariyaa ga, nʼga fooma nda Irkoy,

Rom borey batagaa 5:1

Sohõ Irkoy gʼir dii boro šerrante naanaa albarkaa ra. Ir Koyoo Isa Almasihu na alaafiya daŋ ir nda Irkoy game.

Rom borey batagaa 5:10

Nda waatoo kaŋ ir ga tee Irkoy iberi, nga Izʼaroo buuyanoo nʼir waafakandi. Soko sohõ kaŋ ir nda a waafaku, nga Izʼaroo hunaroo gʼir hallasi.

Rom borey batagaa 5:3

Manʼti woo hinne, ir ga bolsay mo ir zarabey ra, zama ir ga bay kaŋ zarabi ga muɲeyan hay.

Rom borey batagaa 8:23

Manʼti nga hinne, amma ir hunday mo kaŋ duu Irkoy Hundoo nooyan jina-jinawey, ir ga taabi ir kuneheroo ra, kʼir ize kanbaritaraa batu, ir gaahamoo sawalyanoo.

Rom borey batagaa 9:10

Manʼti woo hinne, Rebeka mo duu ize hinka kaŋ kul ti ir hayragoo Isiyaka izeyaŋ.

Korent borey bataga 1na 10:16

Waati kaŋ ir gʼir Koyoo ŋaahayaa ŋaa, poti albarkantaa kaŋ nda ir ga albarka daŋ Irkoy se, borey kaŋ ga haŋ nda a, manʼti i nka tee affoo Almasihu kuroo bande wala? Takulaa kaŋ ir gʼa dunbu, borey kaŋ gʼa ŋaa, manʼti i nka tee affoo Almasihu gaahamoo bande wala?

Korent borey bataga 2to 8:19

Manʼti woo hinne, naarumaa kaŋ ir goo mʼa tee faabaroo fondaa ra, Egilizey hunday kʼa suuba a ma hanga ir bande. Ir si diraa woo tee kala ka darža daŋ ir Koyoo ga, kʼir anniya hennaa cebe.

Galati borey batagaa 4:9

Amma sohõ war ga Irkoy bay, wala hunday sohõ ir ma nee Irkoy ga war bay. Taka foo war ga war boŋ yeeti haya buunayaŋ kaŋ sii nda nafaw cire kaŋyaŋ se war ga baa war ma tee tam koyne?

Galati borey batagaa 5:22

Amma hayaa kaŋ Irkoy Hundoo gʼa hay ti: baji, ɲaali, alaafiya, suuri, borohennataray, binehennay, allaahidutaray,

Filipi borey batagaa 3:1

Aywa agʼarmey, wa ɲaali nda ir Koyoo. Ay si fara ka haya follokey hantum war se, zama haya no kaŋ ga kay war se.

Filipi borey batagaa 3:3

zama ir ti hurubanguyan cimoo, ir kaŋ ga Irkoy gana nga Hundoo albarkaa ra, ka bolsay nda Almasihu Isa, ir si felle gaaham ga.

Filipi borey batagaa 4:4

Wa ɲaali waati kul nda ir Koyoo, ay ga yee koyne kʼa har: wa ɲaali.

Kolos borey batagaa 2:6

Takaa kaŋ nda war yadda Almasihu Isa ga, ir Koyoo, takaa din da wa dira a bande.

Piyer bataga 1na 1:8

Nga kaŋ, ba kaŋ war mana dii a, war ga bagʼa, war ga naanay a, ba kaŋ se sohõ da war si dii a, war ga yafarhã nda ɲaali daržante kaŋ si hin ka fillandi,

Samiyel 1na 2:1

Anna na Irkoy ŋaaray, a nee: «Ay binoo ga too nda ɲaali Abadantaa sabbu se, Abadantaa ra ay boŋoo ga jer, ay miɲoo feeri agay iberey ga, zama ay ga ɲaali nda ni hallasiroo.