Rom borey batagaa 3:4 - Songhai de Gao Bible

⁴ Abada! Ma bay kaŋ Irkoy ga diyandi cimi, adamize kul ti taariharkaw, sanda takaa kaŋ nda a hantumandi Citaaboo ra ka nee: «Hala ni šenney ma tee cimi, nda i na ciiti dunbu, ma duu cimi.»

Rom borey batagaa 3:4 ပူးပေါင်းရင်းမြစ်များ

Ayuba 36:3

Ay gʼay bayraa ceeci nongu mooro ra ka šelaŋ kʼay Takakaa noo cimi.

Ayuba 40:8

Nʼga baa ma nee kaŋ ay ciitoo si henan? Nʼga baa ma nee kaŋ ay tooɲe, ka ni boŋ noo cimi?

Zaburey 100:5

Zama Abadantaa ga boori, nga borohennataraa si ben abada, nga laadirtaraa ga cindi zaman ka kaa zaman.

Zaburey 116:11

Ay cahãyanoo ra, ay nee: «Adamize kul ti taariharkaw.»

Zaburey 119:160

Ni meešennoo asaasoo manʼti kala cimi, ni šerretaraa hantumey kaŋ kayandi kul ga bara hala abada.

Zaburey 138:2

Ay ga sujudu ni hugu henanantaa here ka ni maaɲoo šifa ni borohennataraa nda ni laadirtaraa maaganda, zama nʼna ni šennoo beerandi ka bisa ni maaɲoo kul.

Zaburey 51:4

Hanse kʼay ɲumay kʼay layboo kaa, ay henanandi ay zunuboo ra!

Zaburey 62:9

Jamaa, waati kul war ma war naanaa daŋ Irkoy ra! Wa haya kaŋ goo war biney ra har a se! Irkoy ti nongoo kaŋ ra ir ga ir boŋ talfi. Kay-kayna

Matiyu 11:19

Boro-izʼaroo kaa, a ga ŋaa a ga haŋ, i nee: ‹Ŋaabagante nda harifutu haŋkaw no, alkaasidiikey nda zunubu teekey ceroo no.› Amma Irkoy teegoyey no ma cebe kaŋ nga lakkaloo ga šerre.»

Luka 20:16

A ga kaa ka beerikey wey halaci ka faaroo yeeti itanayaŋ se.» Waatoo kaŋ haŋajerkey maa woo, i nee: «Jam!»

Yehiya 3:33

Boro kaŋ na nga seedetaraa dii tabatandi kaŋ Irkoy ti cimi.

Rom borey batagaa 11:1

Ay nee: «Irkoy nka nga jamaa fur wala?» Abada! Zama agay hunday manʼti kala Izirayel boro, Ibirahima hayroo, Benžameŋ alkabiilaa.

Rom borey batagaa 11:11

Aywa, ay nee: «I nka tanši hala i ma kaŋ cee folloku wala?» Abada! Amma Izirayel borey dereroo kate dumey kaŋ manʼti Alyahuudu ma hallasi hala Izirayel borey ma canse.

Rom borey batagaa 3:31

Adiši ir mma ašariyaa tee yaada naanaa maaganda se wala? Abada! Ir mma ašariyaa kayandi.

Rom borey batagaa 6:15

Adiši macin? Ir ma zunubu tee, zama ir sii ašariyaa hinoo cire, Irkoy anneemaa hinoo cire ir goo? Abada!

Rom borey batagaa 6:2

Abada! Ir kaŋ zunubu tenje ir buu, taka foo nda ir ga yee ka huna a ra?

Rom borey batagaa 7:13

Haya henna ka tee ay buuyanoo addaliloo wala? Abada! Amma zunubu no ka haya henna dii ka duu kʼay wii, hala zunuboo ma duu ka cebandi sanda zunubu, hala yaamaroo ma zunuboo meeroo kul cebe.

Rom borey batagaa 7:7

Macin no ir ma nee? Ašariyaa, zunubu no wala? Abada! Amma nda manʼti ašariyaa sii a ra, ay si zunubu bay. Zama ay si bay haya kaŋ ti boonay futu nda a gar ašariyaa nka mana nee: «Masi boonay futu.»

Rom borey batagaa 9:14

Macin no ir ma nee? Irkoy nka si šerre? Abada!

Korent borey bataga 1na 6:15

War nka si bay kaŋ war gaahamey manʼti kala Almasihu gaahamoo nonguyaŋ? Ay ga hima ka Almasihu gaahamoo nonguyaŋ zaa kʼi tee woykuuru gaaham se nonguyaŋ wala? Abada!

Korent borey bataga 2to 1:18

Amma Irkoy ga laadir, ir šennoo kaŋ ir nʼa har war se, a manʼti «ayyo» nda «kalaa».

Galati borey batagaa 2:17

Nda ir ga ceeci kʼir boŋ tee boro šerrante Almasihu albarkaa ra, ka gar mo zunubanteyaŋ ti ir hunday, Almasihu ti zunubu cere wala? Abada!

Galati borey batagaa 2:21

Ay si Irkoy anneemaa kaa, zama nda a gar šerretaray mma duwandi ašariyaa ra, adiši Almasihu nka buu yaada.

Galati borey batagaa 6:14

Agay, abada ay si fooma nda haya kul nda manʼti ir Koyoo Isa Almasihu buuyanoo kanjandibundoo ga kaŋ albarkaa ra aduɲɲa kanjandi ya ne sanda takaa kaŋ nda agay mo kanjandi aduɲɲa se.

Alhukumoo 32:4

Nga ti Tondoo, nga teegoyey ga timme, zama nga fondawey kul ga šerre. Koy no kaŋ ga laadir, šerre jaŋay sii a do, a ga šerre, cimikoyni no.

Timote bataga 1na 3:16

Kakaw sii a ra, Irkoy ganayanoo sirroo ga hanse ka beeri: Irkoy na nga boŋ cebe gaaham ra, nga Hundoo yadda kaŋ a ga šerre, a bangandi almalaykayaŋ se. A waazandi dumiyaŋ se, aduɲɲa ra a naanayandi, a zandi ka huru daržaa ra.

Tit batagaa 1:2

I ma duu hunayan abadantaa naataa kaŋ Irkoy kaŋ si taari na nga allaahidoo zaa za alwaatey kul jine.

Eberewey batagaa 6:18

Haya hinka goo no kaŋ si tun kaŋ ti žeeyan nda allaahidu, a si hin ka tee Irkoy ma tun i ga. Woo ti haya kaŋ ga hanse kʼir biney daŋ, ir kaŋ zuru ka haya kul naŋ ka hanga naataa kaŋ allaahidoo zandi.

Yehiya bataga 1na 5:10

Boro kul kaŋ ga naanay Irkoy Izʼaroo, seedetaraa woo goo boraa ra. Boro kaŋ si naanay Irkoy nkʼa tee taariharkaw, zama a mana naanay seedetaraa kaŋ Irkoy nʼa tee nga Izʼaroo ga.

Yehiya bataga 1na 5:20

Amma ir ga bay kaŋ Irkoy Izʼaroo kaa, a nʼir noo lakkal hala ir ma Cimikoynoo bay, Cimikoynoo da bande ir goo, maanaa nga Izʼaroo Isa Almasihu. Nga ti Irkoy cimikoynoo, nga ti hunayan abadantaa.

Bangandiroo 3:7

«Hantum almalaykaa se kaŋ goo Filadelfi koyraa Egilizoo ra, nee a se: ‹Hayaa ne kaŋ boraa kaŋ ti Irkoy Boro Henanantaa, nga kaŋ ti Cimikoynoo, boraa kaŋ kone Dawda kufal-izoo goo gʼa har, boraa kaŋ ga haya feeri, boro kul si hin kʼa daabu, boraa kaŋ ga haya daabu, boro kul si hin kʼa feeri: