Rom borey batagaa 3:11 - Songhai de Gao Bible

¹¹ Lakkalkoyni sii no, boro kul sii no kaŋ ga Irkoy ceeci.

Rom borey batagaa 3:11 ပူးပေါင်းရင်းမြစ်များ

Zaburey 53:2

Lakkal jaŋantaa mma nee nga boŋ se kaŋ Irkoy si bara. I na goy laalayaŋ nda goy harramanteyaŋ tee, boro sii i ra kaŋ ga ihenna tee.

Zaburey 53:4

I kul hibi Irkoy ga, i tee boro laala, boro kul sii no kaŋ ga ihenna tee, ba affoo.

Zaburey 94:8

Saamey kaŋ goo jamaa ra, wa faham! Lakkal jaŋantey, hala waati foo no war ga duu lakkal?

Yaasawey 1:22

«Boŋbiyey, hala waati foo no war ga fay nda ka baa war boŋbiitaraa? Hala waati foo no ɲooɲokey ga fay nda ka ɲooɲoyan boonay? Hala waati foo no lakkal jaŋantey ga fay nda ka konna bayray?

Yaasawey 1:7

Ka hunbur Abadantaa ti bayray šintinoo, saama mma lakkal nda hoyray tee yaada.

Matiyu 13:19

Boro kul kaŋ ga haŋajer Laamaa šennoo se, amma a si faham, boro laalaa kaŋ ti Ibilisi ga kaa ka woo kaŋ sayandi binoo ra dogu, woo ti fondaa kaŋ bande a saya.

Rom borey batagaa 1:22

I na ngi boŋ tee sanda lakkalkoyniyaŋ ka gar i nka hollo.

Rom borey batagaa 1:28

Takaa kaŋ nda i mana ceeci ngi ma Irkoy bay, Irkoy nʼi naŋ i ma hanga ngi lakkal šiirey bande hala i ma haya tee kaŋ si hima.

Rom borey batagaa 3:10

sanda takaa kaŋ nda a hantumandi Citaaboo ra ka nee: «Boro šerrante kul sii no, ba boro foo.

Rom borey batagaa 3:12

I kul na fondaa naŋ, i tee boro kaŋ sii nda nafaw. Boro kul sii no kaŋ ga ihenna tee, ba affoo.»

Rom borey batagaa 8:7

Zama hundi-ibaayi miileyanoo manʼti kala Irkoy iberitaray, a si cindi Irkoy ašariyaa cire, koyne mo a si hin ga.

Tit batagaa 3:3

Zama ir mo, waatoo din ir manʼti kala lakkal jaŋanteyaŋ, turanteyaŋ, darganteyaŋ. Ir na boonay futu nda bine-ibaayi dumi-dumiyaŋ tee ir goyoo. Ir dira laalay nda canseyan ra. Borey nʼir konnay, ir konna cere.

Yehiya bataga 1na 5:20

Amma ir ga bay kaŋ Irkoy Izʼaroo kaa, a nʼir noo lakkal hala ir ma Cimikoynoo bay, Cimikoynoo da bande ir goo, maanaa nga Izʼaroo Isa Almasihu. Nga ti Irkoy cimikoynoo, nga ti hunayan abadantaa.