Rom borey batagaa 2:5 - Songhai de Gao Bible

⁵ Nʼga šendi, ni binoo si barmay, ni goo ma futay marga ni boŋ se futuroo hane kaŋ ra Irkoy ciiti šerrantaa ga bangay.

Rom borey batagaa 2:5 ပူးပေါင်းရင်းမြစ်များ

Taarikey 2to 30:8

Sohõ, war masi hiɲešenday sanda war baabey. Wa war boŋ noo Abadantaa se, wa kaa nga nongu henanantaa ra kaŋ a nʼa yeeti jere ga hala abada, war ma goy Abadantaa, war Koyoo se hala nga futay beeroo ma hun war ga.

Taarikey 2to 36:13

A ture ba kokoyoo Nebukanezar ga kaŋ nʼa žeendi Irkoy maaɲoo ga. A na boŋšenday, a na nga binoo šendandi, a mana yadda ka willi Abadantaa, Izirayel Koyoo ga.

Ayuba 21:30

Bone zaari hane, boro futu ga hallasi, futay zaari hane, haya si duu a.

Zaburey 110:5

Ay Koyoo kaŋ goo ni kaŋ ti Abadantaa kabe gumaa ga, ga kokoyyaŋ motti nga futuroo hane.

Zaburey 95:8

war masi war biney šendandi sanda takaa kaŋ nda a teendi Meriba, sanda takaa kaŋ nda a teendi Masa zaaroo hane saajoo ra

Fattaroo 14:17

Nga ne, agay, ay ga Misira borey biney šendandi hala i ma duu ka huru dumawey ga. Woo ra ay ga Firawuuna nda nga wongu-izey kul, nda nga bari torkawey, nda nga bari kaarukey kʼay daržaa cebe.

Fattaroo 32:34

Sohõ koy, ma jamaa gongu ka koy nongoo kaŋ ay nʼa har ma ne ra. Nga ne, agay almalaykaa no ma dira ni jine. Han kul kaŋ ay tun i se ay gʼi zukandi ngi zunuboo se.»

Fattaroo 8:15

Kottekoyney nee Firawuuna se: «Irkoy kaboo no.» Amma Firawuuna binoo šendi, a mana haŋajer i se sanda takaa kaŋ nda Abadantaa nʼa har.

Yaasawey 1:18

Borey wey, ngi boŋ hunday se i ga kumsay daŋ, i mma gum ka ngi hunaroo halaci.

Yaasawey 11:4

Alman si haya kul hanse futay zaari hane, šerretaray no ma boro hallasi buuyan ra.

Yaasawey 28:14

Boraa duu gomni kaŋ waati kul a ga hunbur Irkoy, amma boro kaŋ ga nga binoo šendandi ga kaŋ bone ra.

Yaasawey 29:1

Boro kaŋ ga nga hiɲoo šendandi ka wanji ka maa hoyray, a ga jirsi ka say, safari sii a ra.

Waazukaa 12:14

Zama Irkoy ga teegoy kul ciiti, ba wey kaŋ teendi tuguyan ra, a ma tee ihenna wala ilaala.

Rom borey batagaa 1:18

Irkoy futayyanoo ga bangandi ka hun beenaa ra adamizey Irkoy hunburay jaŋaa nda ngi šerretaray jaŋaa se. Ngi no ma cimi ganji nda ngi šerretaray jaŋaa.

Rom borey batagaa 11:25

Agʼarmey, ay si baa war ma jaŋ ka sirroo woo bay hala war masi koy war boŋ dii lakkalkoyni. Izirayel jere faa binešendaa ga cindi hala waati kaŋ dumey jerey kul yee kate Irkoy ga.

Rom borey batagaa 9:22

De nda Irkoy baa nga ma nga futaa cebe, nga ma nga hinoo bayrandi, a na nga futayyanoo jinawey kaŋyaŋ soolu halaciyan se muɲe nda suuri beeri.

Korent borey bataga 2to 5:10

Zama a nka tilasu ir kul ma bangay Almasihu ciitidogoo ra, hala boro foo kul ma duu woo kaŋ a nʼa tee ihenna ra wala ilaala ra waatoo kaŋ a goo nga kunturoo ra.

Alhukumoo 2:30

Amma Sihoŋ, Hešboŋ kokoyoo mana yadda ir ma bisa nda nga do, zama Abadantaa, ni Koyoo nka hiɲoo šendandi, ka binoo kogandi hala nga mʼa noo ma ne sanda takaa kaŋ nda a goo ni kaboo ra hõ.

Alhukumoo 32:34

Woo mana tugandi ay jeroo ga wala? Manʼti agay alman jisidogoo ra a goo wala?

Tesalonik borey bataga 2to 1:5

Wey ga cebe kaŋ Irkoy ciitoo ga šerre, war ma laasaabandi boroyaŋ kaŋ ga hima nda Irkoy Laamaa kaŋ se mo war goo ma zarabi.

Eberewey batagaa 3:13

Wa cere kunahennay zaari kul, kullihinne ir goo waatoo woo ra kaŋ se i ga nee «hõ», boro kul war ra masi binešenday ka naŋ zunubu ma nga darga.

Eberewey batagaa 3:15

Citaaboo nee: «Hõ, nda war maa Irkoy jindoo, war masi war biney šendandi sanda tureyanoo waati.»

Eberewey batagaa 4:7

Woo maaganda se Irkoy yee ka zaari foo kayandi kaŋ ti «hõ». Waati gaya banda ga, a na Dawda ka šelaŋ ir se, sanda takaa kaŋ nda a harandi ka bisa, a nee: «Hõ, nda war maa Irkoy jindoo, war masi war biney šendandi.»

Žak batagaa 5:3

Guuruboosu tun war wuragoo nda war nzorfu kaaraa ra, ngi guuruboosoo ga seedetaray tee war ga, a ga war gaahamey ŋaa sanda nuune. Zaari korawey kaŋ ga kaa ra war na alman marga.

Žozuwe 11:20

Zama Abadantaa do a hun i ma hiɲešenday ka Izirayel wongu, hala a ma duu kʼi halaci sõy bila nda a ma hinna i ga, a mʼi halaci sanda takaa kaŋ nda Abadantaa na Musa yaamar.

Piyer bataga 2to 2:9

nda ir Koyoo na hayey wey kul tee, a ga cebe kaŋ a ga wan ka borey kaŋ ga Irkoy gana kaa siiyan ra ka borey kaŋ si šerre soolu ciitoo zaaroo se kʼi zukandi.

Piyer bataga 2to 3:7

Beenaa nda laboo, nongoo kaŋ ra i goo, šenni follokaa kʼi marga nuunaa se, i jisandi ciitoo zaaroo nda adamize laaley halaciroo se.

Žud batagaa 1:6

Almalaykey kaŋ mana ben ngi dogey ra, i na ngi gorodogey naŋ, a nʼi gaala nda gaala kaŋ si hun i ga, kʼi dii kubaa ra hala zaari beeroo ciitoo hane.

Bangandiroo 2:21

Ay nʼa noo waati hala a ma tuubi, amma a si baa nga ma tuubi ka fay nda nga izefututaraa.

Bangandiroo 6:17

Zama ngi futuyanoo zaari beeroo kaa, may no ma hin ka kay a jine?»

Samiyel 1na 6:6

Macin se war ga war biney šendandi sanda takaa kaŋ nda Misira nda Firawuuna na ngi biney šendandi? Waatoo kaŋ Irkoy goy goy i ga, i mana Izirayel borey naŋ i ma koy wala? Nda cimi i koy.