Rom borey batagaa 2:3 - Songhai de Gao Bible

³ He ni, nʼga hongu, ni kaŋ ga borey ciiti kaŋ ga hayey wey dumey tee, nʼgʼi ka goy, nʼga hallasi Irkoy ciitoo ra wala?

Rom borey batagaa 2:3 ပူးပေါင်းရင်းမြစ်များ

Samiyel 2to 10:3

Amoŋ borey boŋkoyney nee ngi koyoo Hanun se: «Ni nka hongu kaŋ Dawda nka ni baabaa beerandi waatoo kaŋ a na boroyaŋ sanba ka beray fondi ma ne? Nʼsi bay kaŋ Dawda nka nga borey sanba ni do hala i ma ir koyraa Raba laasaabu, kʼa monno, kʼa halaci?»

Ayuba 35:2

«Nʼga hongu ni goo nda cimi ka nee: ‹Ay ga šerre ka bisa Irkoy.›

Zaburey 50:21

Woo ti hayaa kaŋ nʼnʼa tee, amma ay dangay, ni nka hongu kaŋ ni cinaa ti agay, amma ay ga citi ni ga, ka ni teegoyey kaataray ni moɲey cire.»

Zaburey 56:7

I ga hawandifutay ay ga, i gʼay monno, i gʼay dira takaa kul laasaabu, zama i ga baa ngi mʼay hundoo kaa.

Yaasawey 11:21

Taka kul ra, boro futu si kabandi boro kaŋ mana haya kul tee, boro šerrante hayroo ga hallasi.

Yaasawey 16:5

Binebeeritaray kul manʼti kala almuhal Abadantaa do, šikka kul sii kaŋ a si goro a mana zukandi.

Matiyu 23:33

Gandakarfey, gondi izey, taka foo ra war ga zuru žahannam ciitoo se?

Matiyu 26:53

Ni mma hongu kaŋ ay si hin kʼay Baabaa Irkoy ŋaaray kaŋ gʼay noo sohõ da haya kaŋ bisa almalayka wongu jama woy cindi hinka (12)?

Luka 12:14

A nee a se: «Aroo, may kʼay tee war se alkaali wala zamnakaw?»

Luka 22:58

Alwaati kayna banda ga, boro foo dii a kaŋ nee: «Ni mo goo i ra.» Amma Piyer nee: «He aroo, ay sii i ra.»

Luka 22:60

Piyer nee: «He aroo, ay si hayaa bay kaŋ ni goo mʼa har.» A mma bara no a ga šelaŋ kaŋ dogoo din da gorgaa ciya.

Rom borey batagaa 1:32

Ba kaŋ i ga Irkoy šerretaraa bay kaŋ ti borey kaŋ ga hayey wey dumey tee ga hima nda buuyan, woo kul, i ga teegoyey wey tee, de mo a ga kan i se ngi ga dii borey gʼi tee.

Rom borey batagaa 2:1

Woo se ni kaŋ ga borey ciiti, boro kul kaŋ ti ni, ni sii nda cimi ka borey ciiti, zama šennoo kaŋ ra nʼga ni cinaa ciiti, ni mma ni boŋ hunday zukandi, zama ni kaŋ ga borey ciiti, haya follokey kaŋ i gʼi tee no nʼgʼi tee.

Rom borey batagaa 2:2

Ir ga bay kaŋ borey kaŋ ga hayey wey dumey tee, Irkoy gʼi ciiti nda cimoo.

Rom borey batagaa 9:20

He ni, ni ti may kaŋ ga kakaw Irkoy bande? Haya kaŋ hansandi ga hin ka nee nga hansekaa se: «Macin se nʼnʼay tee nda takaa woo?»

Tesalonik borey bataga 1na 5:3

Waati kaŋ borey ga nee: «Baani nda lakkalkanay», dogoo din da halaciyan ga kaŋ i boŋ sanda takaa kaŋ nda taamari ga kaa woy gundekoyni ga, i si fatta a ra kul.

Eberewey batagaa 12:25

Wa hawgay war masi wanji boraa ga kaŋ ga šelaŋ. Zama nda borey din kaŋ wanji boraa ga kaŋ ga šelaŋ laboo ga mana hallasi, taka foo nda ir ga hin ka hallasi nda ir na banda bere boraa se kaŋ šennoo hun beenaa ra?

Eberewey batagaa 2:3

de ir, taka foo nda ir si zukandi nda ir na hallasiyan beeroo woo yala kaŋ ir Koyoo jin kʼa har, borey kaŋ maarʼa nʼa tabatandi ir se?