Rom borey batagaa 2:2 - Songhai de Gao Bible

² Ir ga bay kaŋ borey kaŋ ga hayey wey dumey tee, Irkoy gʼi ciiti nda cimoo.

Rom borey batagaa 2:2 ပူးပေါင်းရင်းမြစ်များ

Šintinoo 18:25

Woo manʼti ni goyoo: ka boro šerrantey halaci ifutawey bande taka kaŋ ra išerrantey nda ifutawey kul ma tee afolloku. Woo manʼti ni goyoo! Ni kaŋ ga aduɲɲa kul ciiti, manʼti cimi nda nʼga ciiti wala?»

Ayuba 34:23

A si too Irkoy ma adamize koroši waati kuku jina ka duu kʼa ciiti.

Zaburey 145:17

Abadantaa ga šerre nga fondawey kul ra, a ga laadir nga teegoyey kul ra.

Zaburey 9:4

Waati kaŋ agay iberey yee banda, i ga kaŋ, i ga dere ni jine.

Zaburey 96:13

Abadantaa jine, zama a goo ma kaa, zama a goo ma kaa ka laboo ciiti, a ga aduɲɲa ciiti nda šerretaray, a ga nga cimoo ka jamawey ciiti.

Zaburey 98:9

I ma woo tee Abadantaa jine, zama a ga kaa ka laboo ciiti, a ga aduɲɲa ciiti nda šerretaray, a ga jamawey ciiti nda fondaa.

Teegoyey 17:31

zama a na zaari daŋ kaŋ ra boraa kaŋ a nʼa kayandi ga hima ka aduɲɲa kul ciiti nda šerretaray. A na tammaasa kaŋ ga kaaray kʼa cebe borey kul se kʼa tunandi bukawey ra.»

Rom borey batagaa 2:1

Woo se ni kaŋ ga borey ciiti, boro kul kaŋ ti ni, ni sii nda cimi ka borey ciiti, zama šennoo kaŋ ra nʼga ni cinaa ciiti, ni mma ni boŋ hunday zukandi, zama ni kaŋ ga borey ciiti, haya follokey kaŋ i gʼi tee no nʼgʼi tee.

Rom borey batagaa 2:3

He ni, nʼga hongu, ni kaŋ ga borey ciiti kaŋ ga hayey wey dumey tee, nʼgʼi ka goy, nʼga hallasi Irkoy ciitoo ra wala?

Rom borey batagaa 2:5

Nʼga šendi, ni binoo si barmay, ni goo ma futay marga ni boŋ se futuroo hane kaŋ ra Irkoy ciiti šerrantaa ga bangay.

Rom borey batagaa 9:14

Macin no ir ma nee? Irkoy nka si šerre? Abada!

Bangandiroo 16:5

Ay maa harey almalaykaa ga nee: «Ni kaŋ ga bara, kaŋ gay a ga bara, Irkoy Boro Henanantaa, ni ciiti nda takaa woo, nʼga šerre.

Bangandiroo 19:2

Zama nga ciitey ti cimi, i ga šerre, a na woykuuru beeroo ciiti kaŋ na laboo halaci nda nga woy nda aru izefututaraa. A na woykuuroo banandi nga hunday Irkoy baɲɲey kuroo alhakoo.»