Rom borey batagaa 15:9 - Songhai de Gao Bible

⁹ Hala dumey kaŋ manʼti Alyahuudu ma Irkoy beerandi nga tamallaa maaganda se, sanda takaa kaŋ nda a hantumandi Citaaboo ra ka nee: «Woo se ay ga ni saabu dumey jerey game. Ay ga ni maaɲoo ka don.»

Rom borey batagaa 15:9 ပူးပေါင်းရင်းမြစ်များ

Samiyel 2to 22:50

Woo maaganda se, Abadantaa, ay ga albarka daŋ ma ne gandawey ra, ka don ni maaɲoo se.

Zaburey 18:49

A gʼay kaa agay iberey ra. Nʼgʼay fur agay nkuwawey boŋ, nʼgʼay kaa boro futu ra.

Zaburey 57:9

Tun, ay hundoo! Tun, kurboo! Tun, kuntijoo! Ay ga alfazaroo tunandi.

Matiyu 9:8

Kaŋ alžamaa dii woo, i hunbur, de i ga Irkoy beerandi kaŋ na adamizey noo hinoo woo cine.

Rom borey batagaa 11:30

Sanda takaa kaŋ nda waatoo din war mana haŋajer Irkoy se, amma sohõ kaŋ Izirayel borey si haŋajer Irkoy se, war duu tamallayan,

Rom borey batagaa 3:29

Wala Irkoy manʼti kala Alyahuudey hinne Koyoo? Manʼti dumey jerey mo Koyoo no wala? Šikka sii kaŋ dumey jerey mo Koyoo no,