Rom borey batagaa 14:9 - Songhai de Gao Bible

⁹ Woo maaganda se Almasihu buu ka huna taaga, hala a ma duu ka bukawey nda baahunantey laama.

Rom borey batagaa 14:9 ပူးပေါင်းရင်းမြစ်များ

Matiyu 28:18

Isa man ey, a šelaŋ i se ka nee: «Hini timmante nondi ya ne beenaa nda laboo ga.

Luka 24:26

Manʼti kala Almasihu ma zarabi jina a ma huru nga daržaa ra?»

Yehiya 12:24

Nda cimi, cimoo ne kaŋ ay gʼa har war se, nda alkama gurunboo mana kaŋ laboo ra ka buu, a ga cindi nga foo, amma nda a buu, a ga ize boobo hay.

Teegoyey 10:36

A na Šennoo sanba Izirayel borey se, ka Alhabar Boryaa waazu kaŋ ra boro ga duu alaafiyaa kaŋ Isa Almasihu gʼa noo, nga ti borey kul Koyoo.

Teegoyey 10:42

A nʼir yaamar ir ma borey waazu ka seedetaray tee kaŋ nga no, Irkoy na nga kayandi baahunantey nda bukawey ciitikaa.

Rom borey batagaa 10:9

Nda nʼna ni miɲoo ka cimandi kaŋ Isa ti Koy, de mo ni naanay ni binoo ra kaŋ Irkoy nʼa tunandi bukawey ra, nʼga hallasi.

Korent borey bataga 2to 5:14

Almasihu bajoo gʼir šiita, ir ga hakiika ka bay kaŋ boro folloku buu borey kul dogoo ra, adiši borey kul buu.

Tesalonik borey bataga 1na 4:14

Nda ir ga naanay kaŋ Isa buu, a tun, takaa din da, Irkoy ga borey kaŋ faati i goo Isa bande marga nga jere.

Tesalonik borey bataga 1na 5:10

A buu ir se hala ir ma huna ka bara a bande, a ma tee ir hunayan wala ir buuyan ra.

Timote bataga 2to 4:1

Ay gʼa šendandi ni ga Irkoy jine nda Almasihu Isa jine kaŋ ga kaa ka baahunantey nda bukawey ciiti, nda Almasihu bangayyanoo, nda nga Laamaa maaganda se,

Eberewey batagaa 12:2

Ir mʼir moɲey kanji Isa ga kaŋ ti naanayyan koyoo, nga ti timmandikaa. Ɲaaloo kaŋ gʼa batu maaganda se, a yadda ka buu kanjandibundoo ga, a mana haawoo guna kaŋ goo a ra, a goo ma goro Irkoy kokoy gorodogoo kabe gumaa ga.

Piyer bataga 1na 1:21

Nga albarkaa ra war naanay Irkoy kaŋ nʼa tunandi bukawey ra kʼa noo darža taka kaŋ ra war naanaa nda war naataa ma bara Irkoy ra.

Piyer bataga 1na 4:5

I ga kaa ka kay boraa jine kaŋ soolu ka baahunantey nda bukawey ciiti.

Bangandiroo 1:18

Agay ti baahunantaa, ay bay ka buu, amma nga ne, ay ga huna abada hala abada, buuyan nda alaahara kufal-izey goo ay kone.

Bangandiroo 2:8

«Hantum almalaykaa se kaŋ goo Isimir koyraa Egilizoo ra, nee a se: ‹Hayaa ne kaŋ boraa kaŋ ti ijinaa nda ikokorantaa gʼa har, boraa kaŋ buu, a yee ka huna: