Rom borey batagaa 14:10 - Songhai de Gao Bible

¹⁰ De ni, macin se nʼga ni armaa ciiti? Ni mo, macin se nʼga ni armaa kaynandi? Ir kul ga kaa ka kay Irkoy ciitidogoo ra.

Rom borey batagaa 14:10 ပူးပေါင်းရင်းမြစ်များ

Waazukaa 11:9

Aru soogaa, daame ni soogataraa ra, ni binoo ma ni daŋ gomni ra ni zankataraa zaarey ra, hanga ni bine-ibaayoo nda woo kaŋ ga kan ni moɲey se, amma ma bay kaŋ Irkoy ga ni ciiti hayey wey kul se.

Waazukaa 12:14

Zama Irkoy ga teegoy kul ciiti, ba wey kaŋ teendi tuguyan ra, a ma tee ihenna wala ilaala.

Matiyu 7:1

«War masi boro ciiti, nga ra war si ciitandi,

Luka 18:9

Isa yee ka filla yaasayantaa woo har borey se kaŋ ga hongu boro šerranteyaŋ ti ngi, de i ga borey cindey kaynandi.

Luka 23:11

Herod nda nga lakkalkey nʼa kaynandi. I nʼa ɲooɲo ka darbay nerante foo daŋ a ga kʼa yeeti Pilat do.

Yehiya 5:22

Koyne mo Baabaa Irkoy si boro kul ciiti, amma a na ciitoo kul noo Izʼaroo se,

Teegoyey 10:42

A nʼir yaamar ir ma borey waazu ka seedetaray tee kaŋ nga no, Irkoy na nga kayandi baahunantey nda bukawey ciitikaa.

Teegoyey 17:31

zama a na zaari daŋ kaŋ ra boraa kaŋ a nʼa kayandi ga hima ka aduɲɲa kul ciiti nda šerretaray. A na tammaasa kaŋ ga kaaray kʼa cebe borey kul se kʼa tunandi bukawey ra.»

Teegoyey 4:11

‹Nga ti tondoo kaŋ war kaŋ ti cinakey konna a, amma a kaa ka tee hugoo kanjoo tondoo.›

Rom borey batagaa 2:16

I ga bangay zaaroo hane kaŋ Irkoy ga Isa Almasihu ka borey teegoy tugantey ciiti ka sawa nda Alhabar Boryaa kaŋ ay gʼa har.

Korent borey bataga 1na 4:5

Woo se war masi baffoo ciiti nda nga waatoo mana too, hala waati kaŋ ir Koyoo kaa kaŋ ga hayey mo kaŋ ga tugu kubaa ra daŋ gaayoo ra, ka borey biney miilewey fatawandi. Waatoo din Irkoy ga boro foo kul saabu nda woo kaŋ nda a ga hima.

Korent borey bataga 2to 5:10

Zama a nka tilasu ir kul ma bangay Almasihu ciitidogoo ra, hala boro foo kul ma duu woo kaŋ a nʼa tee ihenna ra wala ilaala ra waatoo kaŋ a goo nga kunturoo ra.