Rom borey batagaa 12:20 - Songhai de Gao Bible

²⁰ Koyne mo Citaaboo nee: «Nda ni iberoo ga heray, a noo a ma ŋaa, nda a ga jaw, a noo a ma haŋ. Nda nʼna woo tee, denji cirayyaŋ no nʼnʼi fur boŋoo boŋ.»

Rom borey batagaa 12:20 ပူးပေါင်းရင်းမြစ်များ

Šintinoo 42:25

Isufi daŋ kaŋ i ma ngi saakey too i se nda alkama, de i ma affoo kul nooroo daŋ nga saakoo ra, i mʼi noo šilfanda. Woo kaŋ a nʼa har i nʼa tee.

Kokoyey 2to 6:22

A zaabi ka nee: «Masʼi wii! Nda ni koy wongu nda ni takuba, wala nda ni biraa, borey kaŋ nʼnʼi dii i ga huna ka kate ey, nʼgʼi wii wala? Ŋaayan nda haŋyan daŋ i jine i ma ŋaa, i ma haŋ, nga banda ga, i ma willi ngi koyoo do.»

Zaburey 120:4

Wongaari biraw-ize mee kaanayaŋ nda denji cirayyaŋ, wey ti war banaa.

Zaburey 140:10

Borey kaŋ gʼay kuubi kʼay bere, yala bonaa kaŋ miɲey nʼa soolu ma gum i boŋ.

Matiyu 5:44

Amma agay, ay ga war bayrandi, wa baa war iberey, wa Irkoy ŋaaray wey kaŋ ga war gurzugay se,

Luka 6:27

«Amma war kaŋ goo ma haŋajer ya ne, ay ga nee war se: Wa baa war iberey, wa haya henna tee wey kaŋ ga konna war se.

Rom borey batagaa 12:21

Masi naŋ ilaala ma hin ni, ihenna ka hin ilaala.

Samiyel 1na 26:21

Sawul nee: «Ay na zunubu tee, yee kate, Dawda ay izʼaroo. Ay si yee ka ifutu tee ma ne, zama hõ ay hundoo duu beeray ni do, ay na lakkal jaŋante goy tee, ay hanse ka dere.»