Rom borey batagaa 12:19 - Songhai de Gao Bible

¹⁹ Ay baakey, war masi faasa war boŋ se, wa naŋ Irkoy futayyanoo ma goy, zama a hantumandi Citaaboo ra ka nee: «Ir Koyoo nee: ‹Agay no ma faasa, agay no ma boro bana.›»

Rom borey batagaa 12:19 ပူးပေါင်းရင်းမြစ်များ

Yaasawey 20:22

Masi nee: «Ay gʼay boŋ faasa.» Ni naataa daŋ Abadantaa ra, a ga ni hallasi.

Yaasawey 24:29

Masi nee: «Ay ga hayaa tee a se kaŋ a nʼa tee ya ne, ay ga boro bana ka sawa nda nga teegoyoo.»

Sargarey 19:18

Masi faasa ni boŋ se, masi dooray dii ni binoo ra ni ɲaa-izey se, amma ma baa ni cinaa sanda takaa kaŋ nda nʼga baa ni boŋ. Agay ti Abadantaa.

Matiyu 5:39

Amma agay, ay ga war bayrandi, war masi faasa war boŋ se boro laala jine. Nda boro na ni saŋ ni garbe hennaa ga, ma affaa mo šerre a se.

Rom borey batagaa 12:14

Wa gaara borey se kaŋ ga [war] gurzugay. Wa gaara, war masi danga.

Rom borey batagaa 12:17

Boro kul masi ifutu ka ifutu bana. Wa huga nda goy henna teeyan adamizey kul jine.

Rom borey batagaa 13:4

Hinoo manʼti kala Irkoy goykaw ni nafaa se. Amma nda nʼga goy laala tee, ma hunbur de, zama a si takubaa zaa yaada. Irkoy goykaw no, a ga Irkoy futayyanoo cebe ka boraa zukandi kaŋ na ilaala tee.

Efez borey batagaa 4:27

War masi Ibilisi noo fondo kul.

Alhukumoo 32:35

Agay no ma bana, agay no ma alhaku kaa waati kaŋ ngi cewey ga tanši. Zama almasiibaa zaaroo ga baa ka kaa i ga. Hayaa kaŋ kayandi i se ga kaŋ i boŋ nda cahãyan.›

Alhukumoo 32:43

Gandawey cindey, wa war ɲaaloo cebe Irkoy jamaa se. Zama a ga faasa nga tamey kurey se, a ga alhakoo kaa nga yenjekaarey ra, a ga nga laboo zunubey yaafa nga jamaa se.»

Tesalonik borey bataga 1na 4:6

Woo ga, boro masi kaŋ nga armaa ga, a masʼa tooɲe, zama ir Koyoo ti hayey wey kul faasakaa, sanda takaa kaŋ nda ir bay kʼa har war se, ka yee kʼa šendandi war ga.

Timote bataga 2to 4:14

Garaasaa kaŋ maaɲoo ti Aleksander hanse kʼay dor, ir Koyoo gʼa bana nda woo kaŋ nda a ga hima.

Eberewey batagaa 10:30

Zama ir ga boraa bay kaŋ nee: «Agay no ma boro zukandi, agay no ma boro bana.» A nee mo: «War Koyoo ga nga jamaa ciiti.»

Samiyel 1na 25:26

Sohõ ay koyoo, ay ga žee nda Abadantaa kaŋ ga huna maaɲoo nda ni maaɲoo, Abadantaa ka ni ganji ma kuri mun, ka ni boŋ faasa. Ay koyoo, yala ni iberey nda borey kaŋ ga ceeci kʼi ifutu tee ma ne, ma tee sanda Nabal.

Samiyel 1na 25:33

Albarka ma huru ni lakkaloo ra, albarka ma huru ni ra kaŋ nʼay ganji hõ ya boro wii yaada, yʼay dukuroo kaa.

Samiyel 1na 26:10

Dawda nee koyne: «Ay ga žee nda Abadantaa kaŋ ga huna maaɲoo, Abadantaa no ma hin kʼa kar, nga waatoo mma too a ma buu, wala a ma doo wongoo ra i mʼa halaci.

Samiyel 1na 26:11

Yala Abadantaa mʼay waa ay kaboo ma too Abadantaa suubantaa kaŋ yonandi do. Sohõ ay gʼa wiri ni ga, yaajoo zaa kaŋ goo boŋoo jere nda hooboo, ir ma koy.»