Rom borey batagaa 12:18 - Songhai de Gao Bible

¹⁸ Nda a ga hin ka tee, kullihinne war ga hin kʼa tee, alaafiya ma bara war nda borey kul game.

Rom borey batagaa 12:18 ပူးပေါင်းရင်းမြစ်များ

Šintinoo 21:24

Ibirahima nʼa zaabi ka nee: «Ay gʼa žee ma ne.»

Samiyel 2to 20:19

Izirayel ra, ir koyraa no ma hanse ka bara nda alaafiya nda laadirtaray. Ni, nʼga baa ma koyra halaci kaŋ ti koyra beeri. Macin se nʼga baa ma Abadantaa tuboo tuusu?»

Zaburey 34:14

Boraa ma hin nga miɲoo, taari masi hun deenoo ga.

Yaasawey 12:20

Borey kaŋ ga ifutu dabari, zanbayan goo biney ra, ɲaali goo borey se kaŋ ga hoyray alaafiya ma tee.

Yaasawey 3:30

Masi yenje boro bande bila addalil, ka gar a mana baffoo tee ma ne.

Matiyu 5:24

ni sargaroo naŋ no din da sargari tonadogoo jeroo ga. Ma koy waafaku nda ni armaa jina, woo banda ga, ma kaa ka ni sargaroo kaa.

Matiyu 5:5

Borey duu gomni kaŋ ga ngi boŋ yeeti ganda, zama ngi no ma laboo tubu.

Matiyu 5:9

Borey duu gomni kaŋ ga kate alaafiyaa, zama ngi se i ga nee Irkoy izey.

Marku 9:50

Ciiri ga boori, amma nda ciiri tenbaa hun, macin nda boro ga yee kʼa noo tenbe? Ciiri tenbe ma bara war ra, alaafiya ma bara war nda cere game.»

Rom borey batagaa 1:15

Woo maaganda se agay hunday ga baa ya Alhabar Boryaa har war mo se kaŋ goo Rom.

Rom borey batagaa 14:17

Zama Irkoy Laamaa manʼti ŋaayan nda haŋyan, a manʼti kala šerretaray, nda alaafiya, nda ɲaali Hundi Henanantaa albarkaa ra.

Rom borey batagaa 14:19

Woo maaganda se ir ma hanga hayey kaŋ ga koy alaafiya here nda wey kaŋ ti ir cere tontonyanoo.

Korent borey bataga 1na 7:15

Nda boraa kaŋ manʼti ganakaw ga baa nga ma fay, a ma fay, woo ra ir armaa wala ir woymaa mana hawa koyne. Irkoy nkʼir cee ir ma dira alaafiya ra.

Korent borey bataga 2to 13:11

Aywa agʼarmey, wa ɲaali, wa yadda ka tee boro kaŋ tee ka timme, wa yadda hoyray, wa tee anniya foo, alaafiya ma bara war game. Woo ra Irkoy kaŋ ti Bajikoyoo nda Alaafiyakoyoo goo war bande.

Galati borey batagaa 5:22

Amma hayaa kaŋ Irkoy Hundoo gʼa hay ti: baji, ɲaali, alaafiya, suuri, borohennataray, binehennay, allaahidutaray,

Efez borey batagaa 4:3

War ma gaabandi war cere diiyanoo ga Irkoy Hundoo albarkaa ra, alaafiyaa ma tee linjoo kaŋ ga war dii cere ga.

Tesalonik borey bataga 1na 5:13

Wa hanse kʼi beerandi nda baji ngi goyoo maaganda se. Wa huna alaafiya ra.

Timote bataga 2to 2:22

Zuru soogataray boonay futawey se, hanga šerretaray, nda naanayyan, nda baji, nda alaafiya borey bande kaŋ gʼir Koyoo cee nda bine henanante.

Eberewey batagaa 12:14

Wa ceeci alaafiya ma bara war nda borey kul game, nda henanyan, bila henanyan boro kul si dii ir Koyoo.

Piyer bataga 1na 3:11

A ma mooru ifutu ka ihenna tee, a ma alaafiya ceeci ka gaabandi a bande.

Alkaaley 11:14

Žefte yee ka dontokawyaŋ sanba Amoŋ borey kokoyoo do