Rom borey batagaa 11:8 - Songhai de Gao Bible

⁸ sanda takaa kaŋ nda a hantumandi Citaaboo ra ka nee: «Irkoy nʼi noo hundi kaŋ si kula, nda moo kaŋ si dii, nda haŋa kaŋ si maa, hala hõ.»

Rom borey batagaa 11:8 ပူးပေါင်းရင်းမြစ်များ

Kokoyey 2to 17:34

Hala hõ i goo alaada žeeney bande. I si hunbur Abadantaa nda cimi. I si ngi hantumey, nda ngi hantumey kaŋ kayandi, nda ašariyaa, nda yaamaroo dii kaŋ Abadantaa nʼi daŋ Yakuba hayroo se, boraa kaŋ a na maaɲoo daŋ Izirayel.

Kokoyey 2to 17:41

Gandawey wey ga hunbur Abadantaa, woo kul, i ga ngi tooru assuurawey gana. Ngi izey nda ngi izey izey mo hala hõ ga takaa follokaa tee kaŋ ngi hayragey nʼa tee.

Luka 8:10

A nee: «War, war duu Irkoy Laamaa haya tugantey fahamaa. Amma borey jerey, filla yaasayanteyaŋ nda i ga šelaŋ i se. Nga ra ‹i ga guna, amma i si dii, i ga maa, i si faham.›»

Teegoyey 28:26

ka nee: ‹Koy jamaa din do ka nee: “War ga haŋajer ka maa, amma war si kaa ka faham baffoo se, war ga moo feeri ka dii, amma war si kaa ka dii baffoo.”

Alhukumoo 29:4

Ay na war gongu saajoo ra jiiri woytaaci (40), war bankaarawey mana žen war jindey ra, war taamey mana žen war cewey ra.