Rom borey batagaa 11:36 - Songhai de Gao Bible

³⁶ Zama haya kul mana hun kala Irkoy ga, nga no ma kate haya kul ma bara, nga se haya kul ga bara. Nga, darža ma bara a ga hala abada. Amin.

Rom borey batagaa 11:36 ပူးပေါင်းရင်းမြစ်များ

Zaburey 115:1

Manʼti ir maaɲoo ga, Abadantaa, manʼti ir maaɲoo ga, amma ni maaɲoo ga daržaa ma bara ni borohennataraa nda ni laadirtaraa maaganda!

Zaburey 33:6

Beenaa mana teendi nda kala Abadantaa šennoo, nga meehewoo ka beenaa hayey kul tee.

Yaasawey 16:4

Haya kul kaŋ Abadantaa nʼa tee goo nda addalil, ba boro futu, a manʼa tee kala bone zaari se.

Matiyu 6:13

Masi naŋ ir ma siyandi ka kaŋ zunubu ra, amma ir hallasi boro laalaa ra kaŋ ti Ibilisi.›

Luka 19:38

I nee: «Albarka ma bara kokoyoo se kaŋ goo kaa ir Koyoo maaɲoo ga. Alaafiyaa ma bara beenaa ra, daržaa ma tee beenaa se beene!»

Luka 2:14

«Daržaa ma bara Irkoy se beenaa se beene, de aduɲɲa ra alaafiyaa ma bara borey kaŋ a ga bagʼey ga.»

Teegoyey 17:28

Zama nga ra ir hunaroo goo, nga ra ir ɲuutiroo goo, nga ra ir ga bara, sanda takaa kaŋ nda war donkey affoo nee: ‹Nda cimi, nga hayroo ti ir.›

Rom borey batagaa 16:27

Irkoy kaŋ hinne ti lakkalkoyni, darža ma bara a ga Isa Almasihu albarkaa ra hala abada. Amin.

Korent borey bataga 1na 11:12

Zama takaa kaŋ nda woy mana hun kala aru ra, takaa din da woy no ka aru hay, i kul mana hun kala Irkoy do.

Korent borey bataga 1na 8:6

Woo kul, ir se Irkoy folloku bara kaŋ ti Baabaa Irkoy kaŋ ga haya kul ga hun, kaŋ se ir ga huna, nda Koy folloku kaŋ ti Isa Almasihu kaŋ ga kate haya kul ma bara, nga ra ir hunaroo goo.

Galati borey batagaa 1:5

Nga, darža ma bara a ga abada hala abada. Amin.

Efez borey batagaa 3:21

darža ma bara a ga Egilizoo ra, a ma bara a ga Almasihu Isa albarkaa ra, zamaney kul izey ma darža daŋ a ga abada hala abada. Amin.

Filipi borey batagaa 4:20

Irkoy ir Baabaa, darža ma bara a ga abada hala abada. Amin.

Timote bataga 1na 1:17

Zamaney Kokoyoo, a si buu, boro si dii a, Irkoy follokaa, beeray nda darža ma bara a ga abada hala abada. Amin.

Timote bataga 1na 6:16

Nga kaŋ hinne ka si buu, a ga goro gaay ra kaŋ do boro kul si hin ka too, boro kul mana bay ka dii a, i si hin ka dii a mo. Beeray nda hini abadante ma bara a ga. Amin.

Timote bataga 2to 4:18

Ir Koyoo gʼay dii goy futu kul masi duu agay, kʼay hallasi nga beene Laamaa se. Nga, darža ma bara a ga, abada hala abada. Amin.

Eberewey batagaa 13:21

ma war tee timmanteyaŋ ka teegoy henna dumi kul tee nga ibaayoo se. A ma haya tee ir ra kaŋ ga kan a se Isa Almasihu albarkaa ra kaŋ darža ma bara a ga abada [hala abada]! Amin.

Eberewey batagaa 2:10

A ga hima boraa kaŋ na haya kul taka, koyne mo hayaa kul mana takandi kala a se, a na izʼaru boobo ka koy daržaa ra. Irkoy na Isa zarabey kʼa tee boro timmante. Woo ka kate a ma tee ngi hallasiroo koyoo.

Piyer bataga 1na 4:11

Boro kaŋ ga waazu, a ma tee Irkoy meešennoo no a gʼa har. Boro kaŋ ga goy mʼa tee nda gaaboo kaŋ Irkoy gʼa noo a se, hala haya kul ra darža ma bara Irkoy se Isa Almasihu albarkaa ra, nga kaŋ darža nda gaabi goo a se abada hala abada! Amin.

Piyer bataga 1na 5:11

Nga se hini ma bara hala abada! Amin.

Piyer bataga 2to 3:18

Amma wa koy jine ir Koyoo nda ir Hallasikaa Isa Almasihu anneemaa nda nga bayyanoo ra. Darža ma bara a ga sohõ da hala abada-abada. [Amin.]

Žud batagaa 1:25

Irkoy follokaa, ir Hallasikaa, Isa Almasihu ir Koyoo albarkaa ra, darža, nda beeray, nda gaabi, nda hini ma bara a se za zamaney mana tee, nda sohõ da, hala abada. Amin.

Bangandiroo 19:1

Woo banda ga, ay maa ma nee alžama boobo jinde beeri beenaa ra kaŋ ga nee: «Aleluya! Hallasiyan, nda darža, nda hini ti ir Irkoy wane.

Bangandiroo 21:6

A yee ka nee ya ne: «A tee ka ben, agay, agay ti Alfa nda Omega, maanaa šintinoo nda benantaa. Boro kaŋ ga jaw, ay gʼa noo a ma haŋ yaada hunaroo haroo dandidogoo ra.

Bangandiroo 7:10

I ga jinde jer ka kaati ka nee: «Hallasiroo manʼti kala ir Koyoo kaŋ ga goro kokoy gorodogoo boŋ nda Feeji-izoo wane.»

Bangandiroo 7:12

ka nee: «Amin! Saabu, nda darža, nda lakkal, nda albarka, nda beeray, nda gaabi, nda sahã manʼti kala ir Koyoo wane abada hala abada. Amin.»