Rom borey batagaa 11:29 - Songhai de Gao Bible

²⁹ Zama Irkoy si nimsi nda nga anneemaa nooyaney nda nga ciyayanoo.

Rom borey batagaa 11:29 ပူးပေါင်းရင်းမြစ်များ

Kabuyaney 23:19

Irkoy manʼti adamize kaŋ ga hin ka taari, a manʼti boro kaŋ ga hin ka nimsi. Haya kaŋ a nʼa har, a sʼa tee wala? Šenni kaŋ a nʼa har, a sʼa too wala?

Rom borey batagaa 11:30

Sanda takaa kaŋ nda waatoo din war mana haŋajer Irkoy se, amma sohõ kaŋ Izirayel borey si haŋajer Irkoy se, war duu tamallayan,

Rom borey batagaa 8:28

Ir ga bay kaŋ hayey kul no ma goy cere bande ka ihenna tee borey se kaŋ ga baa Irkoy, wey kaŋ ciyandi ka sawa nda nga dunbandiroo.

Rom borey batagaa 8:30

Borey kaŋ a jin kʼi suuba, a nʼi cee mo. Borey kaŋ a nʼi cee, a nʼi dii boro šerrante. Borey kaŋ a nʼi dii boro šerrante, a na darža mo daŋ i ga.

Korent borey bataga 1na 1:26

Agʼarmey, wa hongu waatoo kaŋ Irkoy na war cee, borey kaŋ aduɲɲa gʼi dii lakkalkoyni, i si boobo war ra, hinikoyney si boobo war ra, boro kayantey si boobo war ra.

Efez borey batagaa 1:18

A ma war biney moɲey feeri hala war ma naataa bay kaŋ se a na war cee, ka nga daržaa beeriyanoo bay kaŋ Irkoy boro henanantey gʼa tubu,

Efez borey batagaa 4:1

Woo maaganda se ay gʼa ŋaaray war ga, agay kaŋ ti kasa-ize ir Koyoo maaɲoo se, ciyayanoo kaŋ nda war ciyandi, war ma dira nda taka kaŋ ga hima nda a,

Efez borey batagaa 4:4

Gaaham folloku bara, Hundi folloku bara, takaa kaŋ nda war ciyandi naata folloku se kaŋ ti war ciyayanoo naataa.

Filipi borey batagaa 3:14

Ay ga zuru ka koy guwoo ga hala ya duu Irkoy beenaa ciyayanoo gomnoo kaŋ ga duwandi Almasihu Isa sabboo ra.

Tesalonik borey bataga 2to 1:11

Woo maaganda se waati kul ir ga ŋaaray war se Irkoy ma war dii boroyaŋ kaŋ ga hima nda nga ciyayanoo, a ma war ibaayi hennaa nda war naanaa teegoyoo timmandi nga hinoo ra

Timote bataga 2to 1:9

Irkoy nʼir hallasi, a nʼir cee nda ciyayan henanante. Woo mana teendi ir teegoyey maaganda se, nga boŋ dunbandiroo nda nga anneemaa no kaŋ nondi ir se Almasihu Isa alhormaa ra za alwaatey kul jine.

Eberewey batagaa 3:1

Woo maaganda se, agʼarma henanantey kaŋ goo nda baa ciyayanoo ra kaŋ hun beenaa ra, wa Isa guna kaŋ tee diyaw a tee sargari juwalkey jineboro ir naanaa fondaa kaŋ ir gʼa har ra.

Eberewey batagaa 7:21

Isa tee sargari juwalkaw, Irkoy ka žee kʼa har. A nee a se: «War Koyoo nka žee, a si nimsi, sargari juwalkaw ti ni hala abada.»

Piyer bataga 2to 1:10

Woo maaganda se, agʼarmey, wa gaabandi ka koy jine war ciyayanoo nda war suubayanoo tabatandiroo ra. Zama nda war ga wey tee, war si kaŋ abada.