Rom borey batagaa 1:30 - Songhai de Gao Bible

³⁰ Ciinaykawyaŋ no, nda Irkoy iberiyaŋ, nda boro wowkawyaŋ, nda boro binebeeriyaŋ, nda foomante, nda haya futu takakawyaŋ, i si ngi hayragey beerandi,

Rom borey batagaa 1:30 ပူးပေါင်းရင်းမြစ်များ

Kokoyey 1na 20:11

Amma Izirayel kokoyoo na Ben-Hadad zaabi, a nee: «Wa koy nee Ben-Hadad se: ‹Boro kaŋ ga nga gamoo haw wongu se si hima ka bolsay sanda boro kaŋ kaa ka hun wongu ra.›»

Taarikey 2to 19:2

Žehu, gunandikaa Hanani izʼaroo fatta kʼa kubay ka nee kokoyoo Žozafat se: «Boro futu ga hima ka faabandi wala? Nʼga baa borey kaŋ ga konna Abadantaa wala? Woo maaganda se Abadantaa futuroo ga kaŋ ni ga.

Taarikey 2to 25:19

Žowas nee koyne: «Ni ka hin Edom borey, woo se nʼga bolsay, nʼga ni boŋ šifa. Sohõ goro ni do. Macin se nʼga huru bone jine? Nʼga kaŋ, de mo Žuda kul ga kaŋ ni bande.»

Zaburey 10:3

Boro laalaa ga fooma nda hayaa kaŋ a ga bagʼa, albahiiri ga Abadantaa wow, a gʼa ɲooɲo.

Zaburey 106:39

I na ngi teegoyey ka ngi boŋ žiibandi, i na izefututaray tee ngi goyey maaganda.

Zaburey 49:6

Macin se ay ga hunbur bone zaari, waati kaŋ almunafikey goy futawey gʼay kuubi kʼay bere?

Zaburey 5:5

Zama ni manʼti Koy kaŋ ga baa ifutu, ifutu sii nda doo ni jeroo ga.

Zaburey 52:1

Donkey boŋkoynoo ka woo don. Woo ti Dawda bayti dooni foo.

Zaburey 81:15

sohõ da kala ya tun ngi iberey se, ay ga bere ngi torrokey ga.»

Zaburey 94:4

I ga deenebeeray ka šelaŋ nda moɲɲay, borey kul kaŋ ga šerretaray jaŋay tee ga bolsay.

Zaburey 97:7

Tooru ganakey kul kaŋ ga fooma nda ngi koyey ga haw. Koyey kul, wa sujudu a jine!

Zaburey 99:8

Abadantaa, ir Koyoo, ni kʼi zaabi. Ni tee i se Koy kaŋ ga yaafa, amma nʼga ngi teegoy futawey bana i ra.

Yaasawey 24:8

Boro kaŋ ga ifutu miile, i mma nee a se hasarawkaw.

Yaasawey 25:23

Takaa kaŋ nda hawsa here hewoo ga ncirɲi hay, deene kaŋ ga ciinay ga boro futandi.

Yaasawey 30:17

Boro kaŋ ga nga baaba kašikaši, de a ga nga ɲaa šenney yala, gooroo gaaru-gaarey ga moɲey looti, dutal-izey gʼa ŋaa.

Yaasawey 8:36

Amma boro kaŋ na zunubu tee ay ga, koyoo na nga hundoo tooɲe, borey kaŋ ga konna agay kul si baa kala buuyan.»

Waazukaa 7:29

Woo kul hayaa kaŋ ay duu a ne: Irkoy nka adamizey tee i ga šerre, amma ngi, i na šenday boobo ceeci.»

Kabuyaney 10:35

Sundukoo koyyanoo ga, Musa ga nee: «Tun Abadantaa, hala ni iberey ma say, borey kaŋ ga konna ni ma zuru ni jine.»

Matiyu 15:4

Zama Irkoy nka nee: ‹Ma ni ɲaa nda ni baabaa beerandi.› De mo: ‹Boro kaŋ na nga ɲaa wala nga baabaa kaynandi, a waazibi boraa ma wiiyandi.›

Matiyu 16:21

Za woo tee, Isa šintin ka nga taalibey cebe kaŋ kala nga ma koy Žerizalem ka hanse ka zarabi boro beerey, nda sargari juwalkey jineborey, nda Citaaboo baykey kabey ra. A nee kaŋ i ga nga wii, de jirbi hinzantoo hane nga ga tun.

Luka 21:16

War hayragey, nda war armey, nda war boro maanawey, nda war cerey ga war daŋ kabe ra. Boroyaŋ ga wiiyandi war ra.

Yehiya 7:7

Aduɲɲa si hin ka konna war, amma agay, a ga konna agay, zama ay goo ma seedetaray tee a ga kaŋ nga teegoyey ga laala.

Teegoyey 5:36

zama a mana gay, Tedas tun ka nga boŋ tee boro beeri, boro zangu taaci (400) cine hanga a, a wiiyandi, de mo borey kul kaŋ naŋ a na ngi boŋey bere say, i tee yaada.

Rom borey batagaa 2:17

Ni kaŋ ga Alyahuudu maa goo, nʼga ni boŋ kul fur ašariyaa ga, nʼga fooma nda Irkoy,

Rom borey batagaa 2:23

Ni kaŋ ga fooma nda ašariyaa, amma nʼga Irkoy kaynandi, zama nʼga ašariyaa hoo.

Rom borey batagaa 3:27

Man bolsiyan addaliloo? A sii no! Macin se a sii no? Teegoy henney kʼa kaa wala? Kalaa, kalaa, naanaa kʼa kaa.

Korent borey bataga 2to 10:15

Ir si hanse ka bolsay nda goy waaney, amma ir ga naata, nda war naanaa koy jine ka tonton, ir goyoo ga tonton ka sawa nda kanjey kaŋ ir nʼi kayandi.

Korent borey bataga 2to 12:20

Ay ga hunbur waati kaŋ ay kaa ya si war gar taka kaŋ ga kan ya ne ga, de mo war mo masʼay gar taka kaŋ ga kan war se ga. Ay ga hunbur ya yenjeyaŋ gar war game, nda canseyaŋ, nda binetunyaŋ, nda alhaasiditarayyaŋ, nda cere maahasaraw, nda miimandayaŋ, nda bolsay, nda taka šiirayaŋ.

Alhukumoo 27:16

Boraa laali kaŋ ga nga baabaa nda nga ɲaa kaynandi. Jamaa kul ga nee: ‹Amin.›

Alhukumoo 7:10

Amma borey kaŋ ga konna a, a gʼi bana dogoo din da. A gʼi tuusu, a si gay a mana huga nda boraa kaŋ ga konna a. A gʼa bana dogoo din da.

Tesalonik borey bataga 2to 2:4

Haya kul kaŋ se i ga nee koy, nda haya kul kaŋ adamize gʼa gana, a gʼi kul wongu ka nga boŋ jer i se beene hala nongu kaŋ ra a ga goro Irkoy hugoo ra ka nee nga ti Irkoy.

Timote bataga 2to 3:2

zama adamizey ga tee alhaasidi, nooru baakaw, foomante, binebeeri, wowkaw, i si ngi hayragey beerandi, gomnimuna, i si Irkoy hayey beerandi,

Tit batagaa 3:3

Zama ir mo, waatoo din ir manʼti kala lakkal jaŋanteyaŋ, turanteyaŋ, darganteyaŋ. Ir na boonay futu nda bine-ibaayi dumi-dumiyaŋ tee ir goyoo. Ir dira laalay nda canseyan ra. Borey nʼir konnay, ir konna cere.

Žak batagaa 3:5

Takaa din da, deene mo manʼti kala gaaham nongu kaccu, a ga hin ka haya beeriyaŋ ka bolsay. Wa guna takaa kaŋ nda nuune-ize ga hawsa beeri ton!

Žak batagaa 4:16

Amma sohõ, war ga war boŋ jer war bolsiyaney ra. Bolsiyanoo woo dumoo kul ga laala.

Piyer bataga 2to 2:18

I ga bolsay šenni yaadayaŋ har, i ga ngi gaaham boonay futawey ka borey derandi kaŋ mana gay ka hun borey ra kaŋ ga dira dereyan ra.

Žud batagaa 1:16

Borey din manʼti kala ŋuunuŋuunukoyniyaŋ, i mma hẽe nda ngi takaa. I ga dira nda ngi boonay futawey. Deeney ga beeri, i ga borey meekaanay haya maaganda se.