Piyer bataga 2to 1:3 - Songhai de Gao Bible

³ Irkoy hinoo nʼir noo hayaa kul kaŋ ga ir ga too hunayan nda Irkoy ganayan here, ka boraa bayrandi ir se kaŋ nʼir cee nga boŋ daržaa nda nga gaaboo ra.

Piyer bataga 2to 1:3 ပူးပေါင်းရင်းမြစ်များ

Zaburey 110:3

Han kaŋ ni tun ka ni iberey wongu, de ni jamaa soolu hanoo din se, wongu-ize soogey ga kaa ni do henanyan ra sanda subbaahi biyaa harandaŋoo.

Zaburey 84:11

Ka zaari foo tee ni hugoo batumawey ra baa ka zaari zenber (1.000) tee nongu tana ra. Ya kay ay Koyoo hugoo jindoo ga, ay bagʼa nda ya goro boro laala hukkumey cire.

Yaasawey 12:4

Woy alkadarante ti nga kurɲoo kokoy fuulaa, woy kaŋ ga boro haawandi ga hima nda dori kaŋ goo kurɲoo birey ra.

Yaasawey 31:10

May no ma duu woy alkadarante? Nga hayoo ga hanse ka šendi ka bisa hiiri caadanteyaŋ.

Yaasawey 31:29

«Ize woy boobo na ngi alkadaroo cebe, amma ni, ni bisa i kul.»

Matiyu 28:18

Isa man ey, a šelaŋ i se ka nee: «Hini timmante nondi ya ne beenaa nda laboo ga.

Rom borey batagaa 8:32

Nga kaŋ mana nga Izʼaru gundoo kaa, amma a nʼa nondi ir kul maaganda se, taka foo nda a sʼir noo haya kul nga boŋ Izʼaroo nooyanoo banda ga?

Rom borey batagaa 9:24

Ir ya, a nʼir cee, ir mana hun Alyahuudey hinne ra, ir mana hun mo kala dumi ra kaŋ manʼti Alyahuudu.

Korent borey bataga 1na 1:9

Irkoy ga laadir, nga no ka war cee ka war tee affoo nda nga Izʼaroo Isa Almasihu ir Koyoo.

Korent borey bataga 2to 12:9

A nee ya ne: «Agay anneemaa ga ni wasa, zama gaabi jaŋay ra ay hinoo ga diyandi kaaray.» Adiši a ga hanse ka kan ya ne ya bolsay nda ay gaabi jaŋaa hala Almasihu hinoo ma cindi ay ga.

Efez borey batagaa 4:1

Woo maaganda se ay gʼa ŋaaray war ga, agay kaŋ ti kasa-ize ir Koyoo maaɲoo se, ciyayanoo kaŋ nda war ciyandi, war ma dira nda taka kaŋ ga hima nda a,

Efez borey batagaa 4:4

Gaaham folloku bara, Hundi folloku bara, takaa kaŋ nda war ciyandi naata folloku se kaŋ ti war ciyayanoo naataa.

Filipi borey batagaa 3:8

Cimi no, ay ga hayey kul mo guna sanda mursay Almasihu Isa, ay Koyoo bayraa nafaw beeroo maaganda se. Nga kaŋ maaganda se ay ga hayey kul guna sanda mursay, ay gʼi guna sanda žiibi hala ya duu ka duu Almasihu.

Filipi borey batagaa 4:8

Aywa agʼarmey, haya kul kaŋ ti cimi, haya kul kaŋ ti beeray, haya kul kaŋ ga šerre, haya kul kaŋ ga henan, nda hayayaŋ goo kaŋ ga boori, haya kul kaŋ goo nda maa henna, nda hayayaŋ goo kaŋ ga hima, nda hayayaŋ goo kaŋ ga saabandi, i ma tee war miileyanoo.

Kolos borey batagaa 1:16

zama nga ra haya kul takandi, hayey kaŋ goo beenaa ra, nda hayey kaŋ goo laboo ga, wey kaŋ boro ga dii ey nda wey kaŋ si diyandi, a ma tee laama, wala koytaray, wala kokoytaray, wala hini. Nga ka hayey kul taka, nga se i takandi.

Tesalonik borey bataga 1na 2:12

Ir na war hoyray ka war biney daŋ. Ir gaabandi war ga war ma dira nda taka kaŋ ga hima Irkoy jine, nga kaŋ ga war cee nga Laamaa ra nda nga daržaa se.

Tesalonik borey bataga 1na 4:7

Irkoy manʼir cee žiibi se, henanyan ra a nʼir cee.

Tesalonik borey bataga 2to 2:14

Woo se a na war cee [mo] ir Alhabar Boryaa albarkaa ra, hala war ma duu ir Koyoo Isa Almasihu daržaa.

Timote bataga 1na 4:8

Gaaham feeriyan goo nda nafaw kayna, Irkoy hunburay binde goo nda nafaw nongu kul here, allaahidu goo a ra sohõ da hunaroo se, allaahidu goo a ra hunaroo kaŋ goo kaa se.

Timote bataga 2to 1:9

Irkoy nʼir hallasi, a nʼir cee nda ciyayan henanante. Woo mana teendi ir teegoyey maaganda se, nga boŋ dunbandiroo nda nga anneemaa no kaŋ nondi ir se Almasihu Isa alhormaa ra za alwaatey kul jine.

Eberewey batagaa 1:3

Izʼaroo din manʼti kala Irkoy daržaa nereyanoo, nga ti hayaa kaŋ ti Irkoy zaati. A ga haya kul dii nda nga šenni gaabantaa. Waatoo kaŋ a na adamizey henanandi ngi zunubey ra ka ben, a goro Koy Jerantaa kabe gumaa ga beene nongey ra.

Piyer bataga 1na 1:15

Takaa kaŋ nda boraa kaŋ na war cee ga henan, war mo ma henan war dira takaa kul ra.

Piyer bataga 1na 1:5

War kaŋ naanaa albarkaa ra, Irkoy hinoo ga war lakkal hallasiyan se kaŋ soolu ka bangandi waati kokorantaa ga.

Piyer bataga 1na 2:21

Woo ti hayaa kaŋ se war ciyandi, zama Almasihu mo nka zarabi war se, a na himakasine naŋ war se kaŋ war mʼa guna kʼa tee.

Piyer bataga 1na 2:9

Amma war, war manʼti kala dumi suubante, «Kokoyoo sargari juwalkey, ganda henanante», jama kaŋ ti Irkoy wane, hala war ma haya beerey deede kaŋ a nʼi tee war se, nga kaŋ na war cee ka war kaa kubaa ra ka war daŋ nga gaay hennaa ra.

Piyer bataga 1na 3:9

War masi ifutu ka ifutu bana, war masi šenni futu bana nda šenni futu, amma wa albarka daŋ, zama woo se war ciyandi hala war ma duu ka albarkaa tubu.

Piyer bataga 1na 5:10

Irkoy kaŋ ti Anneema-kul-koyoo kaŋ na war cee war ma huru nga darža abadantaa ra Isa Almasihu albarkaa ra, waati kaŋ war zarabi haya kayna, a ga war tee boro tabatanteyaŋ ka war noo hini, ka war noo gaabi, ka war daŋ asaasu boŋ kaŋ si kaŋ.

Piyer bataga 2to 1:10

Woo maaganda se, agʼarmey, wa gaabandi ka koy jine war ciyayanoo nda war suubayanoo tabatandiroo ra. Zama nda war ga wey tee, war si kaŋ abada.

Piyer bataga 2to 1:2

Irkoy anneemaa nda nga alaafiyaa ma boobo war ga Irkoy nda ir Koyoo Isa bayyanoo ra.

Piyer bataga 2to 1:5

Woo hunday maaganda se war ma gaabandi ka attabiya henna tonton war naanaa ga, ka bayray tonton attabiyaa ga,

Piyer bataga 2to 1:6

ka hin ni boŋ tonton bayraa ga, ka muɲeyan tonton ka hin ni boŋ ga, ka Irkoy ganayan tonton muɲeyan ga,

Piyer bataga 2to 1:8

Zama nda hayey wey goo war ra, i ga koy de i ga tonton nda booboyan, i ga war gaabandi war ma goy, war ma haya henna tee kʼir Koyoo Isa Almasihu bay.

Piyer bataga 2to 2:20

Nda borey kaŋ hun aduɲɲa hayey žiiboo cire ir Koyoo nda ir Hallasikaa Isa Almasihu kaŋ i nʼa bay albarkaa ra, nda i naŋ haya žeeney din ma yee ka ngi yeeti ngi cire, ngi taka kokorantaa ga jaase ijinaa.

Piyer bataga 2to 3:18

Amma wa koy jine ir Koyoo nda ir Hallasikaa Isa Almasihu anneemaa nda nga bayyanoo ra. Darža ma bara a ga sohõ da hala abada-abada. [Amin.]

Rutti 3:11

Sohõ ay izoo, ni lakkaloo ma kani. Haya kul kaŋ nʼnʼa har, ay gʼa tee, zama koyraa kul ga bay kaŋ woy atabiya hennakoyni ti ni.