Piyer bataga 1na 5:6 - Songhai de Gao Bible

⁶ Woo se wa war boŋ yeeti ganda Irkoy kabe gaabantaa se, hala a ma war jer waatoo kaŋ kayandi ra.

Piyer bataga 1na 5:6 ပူးပေါင်းရင်းမြစ်များ

Kokoyey 1na 21:29

«Ni dii takaa kaŋ nda Akab na nga boŋ yeeti ganda ay jine? Zama de a na nga boŋ yeeti ganda ay jine, ay si bonaa tee nga hugoo se nga hunaroo ra. Ay gʼa tee nga izʼaroo waatoo ra.»

Kokoyey 2to 22:19

ni binoo maray, nʼna ni boŋ yeeti ganda Abadantaa jine ka maa hayaa kaŋ ay nʼa har nongoo woo ga nda nga gorokey ga, ay gʼa halaci, a ga laali, zama de nʼna ni bankaarawey kottu, de mo ni hẽe ay jine, agay mo, ay maa, woo ti haya kaŋ Abadantaa nʼa har.

Taarikey 2to 12:12

Zama Roboham na nga boŋ yeeti ganda, Abadantaa futuroo hun a bande, a manʼa halaci hala a ma ben pat. Haya hennayaŋ cindi koyne Žuda gandaa ra.

Taarikey 2to 30:11

Woo kul, Aser, nda Manase, nda Zabuloŋ boroyaŋ na ngi boŋ yeeti ganda, i kaa Žerizalem.

Taarikey 2to 32:26

Amma Ezekiyas, ba kaŋ se a na binebeeray, a na nga boŋ yeeti ganda, nga nda Žerizalem borey, woo ra Abadantaa futayyanoo mana kaŋ i ga Ezekiyas hunaroo ra.

Taarikey 2to 33:12

Waatoo kaŋ binoo maray, a ceeci ka Abadantaa, nga Koyoo binoo yaynandi, a hanse ka nga boŋ yeeti ganda Abadantaa, nga baabey Koyoo jine.

Taarikey 2to 33:19

Nga Irkoy ŋaarayroo, nda takaa kaŋ nda Irkoy na haŋajer a se, nda zunuboo nda nga laadir jaŋaa, nda nongey kaŋ ra a na tooru ganadogey cin ka Ašera bundu toorey nda tooru assuurawey daŋ waatoo kaŋ a mana nga boŋ yeeti ganda, wey hantumandi Hozay citaaboo ra.

Taarikey 2to 33:23

A mana nga boŋ yeeti ganda Abadantaa jine, sanda takaa kaŋ nda nga baabaa Manase na nga boŋ yeeti ganda. Amma nga, Amoŋ hanse ka laybu tee.

Taarikey 2to 36:12

A na goy futu tee Abadantaa, nga Koyoo jine. A mana nga boŋ yeeti ganda annabi Žeremi se kaŋ ga šelaŋ Abadantaa maaɲoo ga.

Ayuba 36:22

Nga ne, Irkoy hinoo ga beeri, may ti cawandikaw sanda nga?

Zaburey 75:10

Agay, ay gʼa har waati kul, ay ga don Yakuba Koyoo se.

Zaburey 89:13

Ni no ka hawsa nda gurma taka, Tabor nda Hermoŋ tondi hondey ga kaati ka ni maaɲoo cee.

Fattaroo 10:3

Musa nda Haruna huru Firawuuna do, i nee a se: «Hayaa ne kaŋ Abadantaa, Eberewey Koyoo nʼa har, a nee: ‹Hala waati foo no nʼga ni boŋ yeeti ya ne ganda? Ay jamaa naŋ i ma koy hala i mʼay gana.

Fattaroo 3:19

Amma ay ga bay kaŋ Firawuuna, Misira kokoyoo si war naŋ war ma koy nda manʼti a nka waazibi a ga.

Fattaroo 32:11

Amma Musa na nga Koyoo, Abadantaa suurandi ka binoo yaynandi ka nee: «Abadantaa, macin se ni futuroo kaŋ ni jamaa ga kaŋ nʼnʼi fattandi Misira gandaa ra nda gaabi albarkante nda kabe gaabante?

Yaasawey 29:23

Boro foomayanoo no mʼa yeeti ganda. Bine kaŋ ga yee ganda ga duu darža.

Sargarey 26:41

Woo se agay mo si yadda ngi ga, ay nʼi ka koy ngi iberey gandaa ra. Nda i na ngi bine beerey yeeti ganda, nda i na ngi zunubey garaa bana,

Matiyu 23:12

Boro kaŋ na nga boŋ jer ga yee ganda, boro kaŋ na nga boŋ yeeti ganda ga jerandi.»

Luka 1:52

a na borey kaŋ kone hinoo goo kaa fuulaa ra, de a na borey jer kaŋ na ngi boŋ yeeti ganda.

Luka 14:11

Zama boro kul kaŋ na nga boŋ jer ga yee ganda, boro kaŋ na nga boŋ yeeti ganda ga jerandi.»

Luka 18:14

Ay gʼa har war se kaŋ boraa woo zunbu ka koy nga hugoo do, a tee boro šerrante. Zama boro kul kaŋ na nga boŋ jer ga yee ganda, de boro kaŋ na nga boŋ yeeti ganda ga jerandi.»

Rom borey batagaa 5:6

Waatoo kaŋ ir sii nda hini, waatoo kaŋ kayandi ra, Almasihu buu, a buu boro laaley se.

Korent borey bataga 1na 10:22

Wala ir mma baa ir Koyoo ma canse wala? Ir mma bara nda gaabi nda a wala?

Alhukumoo 32:35

Agay no ma bana, agay no ma alhaku kaa waati kaŋ ngi cewey ga tanši. Zama almasiibaa zaaroo ga baa ka kaa i ga. Hayaa kaŋ kayandi i se ga kaŋ i boŋ nda cahãyan.›

Timote bataga 1na 2:6

kaŋ na nga boŋ noo ka adamizey kul zunubey alhakoo bana kʼi hallasi. Seedetaraa woo teendi alwaatoo kaŋ kayandi ra.

Tit batagaa 1:3

Alwaatoo kaŋ kayandi ra, a na nga meešennoo cebe waazoo ra kaŋ a nʼa talfi ay ga ka sawa nda Irkoy ir Hallasikaa yaamaroo.

Žak batagaa 4:10

Wa war boŋ yeeti ganda ir Koyoo se, a ga war jer.

Žak batagaa 4:7

Adiši, wa cindi Irkoy cire, wa kay Ibilisi se, a ga zuru ka mooru war ga.

Žak batagaa 5:10

Agʼarmey, zarabi nda suuri here, wa annabey kaŋ šelaŋ ir Koyoo maaɲoo ga guna ka tee.