Piyer bataga 1na 3:4 - Songhai de Gao Bible

⁴ Amma war taalamoo ma tee boro kuneheroo kaŋ goo tuguyan ra, kaŋ ti bineyaynay kaŋ ga kani, woo ti taalam kaŋ si hasara kaŋ goo nda hay beeri Irkoy do.

Piyer bataga 1na 3:4 ပူးပေါင်းရင်းမြစ်များ

Zaburey 131:2

Amma ay nʼay hundoo dangayandi, a goo binekanay ra sanda zanka kaŋ hun waa kaŋ goo ɲaŋoo jeroo ga, ay gʼay boŋ maate sanda zanka kaŋ hun waa.

Zaburey 147:6

Abadantaa ga talkey faaba, a ga boro laaley yeeti ganda.

Zaburey 149:4

Zama Abadantaa jamaa ga kan a se, a ga hallasiroo tee taalam borey se kaŋ ga taabi.

Zaburey 25:9

A ga borey kaŋ ga ngi boŋ yeeti ganda dirandi šerretaray ra, a ga nga fondaa cawandi i se.

Zaburey 45:13

Nda woo teendi, woy-izoo kaŋ ti Tir koyraa, wey kaŋ ti jamaa almankoyni ga meekaanay ma ne ka alhormo ceeci ni ga.

Zaburey 51:6

Ni ga, ni hinne ga, ay na zunubu tee, ay na goyfutu tee ni jine, hayaa kaŋ nʼnʼa har, ni goo nda cimi, ni ciitoo ga henan.

Matiyu 11:29

Wʼay tiŋay-zaa-bundoo daŋ war ga, war ma tee ay taalibey, zama ay binoo ga yay, ay binoo ga nga boŋ yeeti ganda, war hundey ga duu hunanzamay.

Matiyu 21:5

«Wa nee woy-izoo kaŋ ti Siyoŋ koyraa se: ‹Ni kokoyoo ne ma kaa ni ga, binoo ga yay, a žigi farkaa woy nda farka-ize boŋ, adabba kaarumay izʼaru.›»

Matiyu 23:26

Fariziyeŋ danaa, potoo gundoo ɲumay jina hala dumaa mo ma henan.

Matiyu 5:5

Borey duu gomni kaŋ ga ngi boŋ yeeti ganda, zama ngi no ma laboo tubu.

Luka 11:40

Lakkal jaŋantey, manʼti tarayheroo teekaa, nga da ka kuneheroo tee wala?

Luka 16:15

A nee i se: «War, war ga ceeci ka tee boro šerranteyaŋ adamizey jine, amma Irkoy ga war biney bay, zama haya kaŋ adamizey nʼa jer, haya harramante no Irkoy do.

Rom borey batagaa 1:23

Irkoy kaŋ si buu daržaa, i nʼa bere kʼa himandi nda adamize bukaw, nda cirawyaŋ, nda cee taacikoyniyaŋ, nda gandakoyyaŋ assuuraa.

Rom borey batagaa 2:29

Boro kaŋ ti Alyahuudu nga kuneheroo ra, woo din ti Alyahuudu cimoo. Bine hurubanguyanoo kaŋ Irkoy Hundoo gʼa tee, a si teendi ašariyaa hantumoo harfoo ra, woo din ti hurubanguyan cimoo. Boraa woo dumoo saabuyanoo si hun boro do, Irkoy do a ga hun.

Rom borey batagaa 6:6

Ir ma haya foo bay kaŋ ti ir kunturu žeenaa nda Almasihu kanjandi cere bande. Gaaham zunubantaa ma halaci hala ir masi yee ka tee zunubu baɲɲa.

Rom borey batagaa 7:22

Irkoy ašariyaa ga kan ya ne ay hundoo ra.

Korent borey bataga 2to 10:1

Agay hunday Pol, ay ga haya foo wiri war ga Almasihu bineyaynaa nda nga borohennataraa maaganda se, agay kaŋ borey ga nee kaŋ nda ay goo war game ka dii cere moo nda moo, ay ga tee boro yayna, amma nda ay mooru war, ay ga tee war se boro konna.

Korent borey bataga 2to 4:16

Woo se ir biney si hun, ba nda ir tarayheroo goo ma hasara, ir kuneheroo mma taaga zaari ka kaa zaari.

Galati borey batagaa 5:23

bineyaynay, boŋdiiyan. Ašariya sii no kaŋ ga konna hayey wey dumey.

Efez borey batagaa 4:2

nda boŋ-yeeti-gandayan, nda bineyaynay, nda suuri, war ma cere muɲe nda baji.

Kolos borey batagaa 3:12

War kaŋ ti Irkoy boro suubantey, nga boro henanantey, nga baakey, war ma tamallay, nda borohennataray, nda boŋ-yeeti-gandayan, nda bineyaynay, nda suuri daŋ war ga sanda darbay.

Kolos borey batagaa 3:3

zama war buu, war hunaroo tugandi Almasihu bande Irkoy ra.

Tesalonik borey bataga 1na 4:11

Wa gaabandi ka huna alaafiya ra, war ma huga nda war boŋ almušakkawey, war ma goy nda war [boŋ] kabey sanda takaa kaŋ nda ir na war yaamar.

Tesalonik borey bataga 2to 3:12

Borey wey ciney, ir gʼi yaamar kʼa šendandi i ga ir Koyoo Isa Almasihu maaɲoo ga, i ma goy henna ka ngi boŋ huna.

Timote bataga 1na 2:2

nda kokoyey se, nda boŋkoyney se, hala ir ma huna alaafiya nda lakkalkanay ra, ka dira Irkoy ganayan nda taka henna ra.

Timote bataga 2to 2:25

Nga kakawkey, a mʼi cawandi nda bineyaynay, a ga hin ka tee Irkoy mʼi noo fondo i ma tuubi ka cimoo bay

Tit batagaa 3:2

I masi boro kul wow, i masi tee yenjekaari, i ma tee boro boryo, i ma tee bineyayna borey kul here.

Žak batagaa 1:21

Woo se war ma žiibi kul naŋ, nda laalay futu kul, wa Šennoo kaŋ dumandi war biney ra dii nda bineyaynay, a goo nda hini ka war hundey hallasi.

Piyer bataga 1na 1:23

Zama war hayandi taaga, a mana teendi nda dumi kaŋ ga funbu, a mana teendi nda kala dumi kaŋ si funbu, Irkoy meešenni hunantaa kaŋ ga duumi albarkaa ra,

Piyer bataga 1na 3:15

Wa ir Koyoo Almasihu daŋ jere ga war biney ra, de mo waati kul, boro kul kaŋ na war hãa nda war naataa, war ma soolu ka boraa zaabi,

Samiyel 1na 16:7

Abadantaa nee Samiyel se: «Masi nga kunturoo wala nga kayyanoo guna, zama ay wanji a ga. Abadantaa laasaaboo nda adamize wanoo manʼti affoo. Adamize si haya guna kala nda tarayheroo, amma Abadantaa, bine no a gʼa guna.»