Piyer bataga 1na 3:1 - Songhai de Gao Bible

¹ Takaa din da, war mo woyey, wa yee ganda war kurɲey se, hala ba nda boroyaŋ goo i ra kaŋ si haŋajer Irkoy meešennoo se, wandey dira takaa mʼi ka naanay bila šenni,

Piyer bataga 1na 3:1 ပူးပေါင်းရင်းမြစ်များ

Šintinoo 3:16

A nee woyoo se: «Ay ga farayan boobo tonton ni alhaamidutaraa hottaa ga. Kala hottay hala nʼga hay. Ni kurɲoo se nʼga alhawa, amma nga no ma ni juwal.»

Yaasawey 11:30

Boro šerrante teegoyoo manʼti kala tuuri kaŋ ga hunayan noo, lakkalkoynoo ga duu borey.

Yaasawey 18:19

Arma kaŋ i nʼa tooɲe manyan ga šendi ka bisa koyra gaabante diiyan, yenje ga hima nda kokoy hugu kufaley.

Matiyu 18:15

«Nda ni armaa duu [ni ga] zunubu, koy zunuboo cebe a se ni nda a hinne game. Nda a na haŋajer ma ne, ni duu ni armaa.

Rom borey batagaa 10:16

Woo kul, manʼti borey kul ka haŋajer Alhabar Boryaa se, sanda takaa kaŋ nda Ezayi nee: «Ir Koyoo, may ka naanay ir waazoo?»

Rom borey batagaa 6:17

Albarka ma bara Irkoy se, war cindi ka tee baɲɲa zunubu se, amma war na haŋajer nda war biney kul cawandoo takaa se kaŋ war duu a.

Rom borey batagaa 7:2

Takaa din da woyhiiji, ašariyaa gʼa haw kurɲoo ga kullihinne kurɲoo ga huna, amma nda kurɲoo buu, ašariyaa kaŋ gʼa haw kurɲoo ga hun a ga.

Korent borey bataga 1na 11:3

Amma ay ga baa war ma bay kaŋ Almasihu ti aru kul boŋkoynoo, woy boŋkoynoo ti kurɲoo, Almasihu boŋkoynoo ti Irkoy.

Korent borey bataga 1na 14:34

woyey ma dangay Egilizoo margarey ra, zama a si bisa i se i ma šelaŋ. I ma ngi boŋ yeeti ganda takaa kaŋ nda ašariyaa hunday nʼa har.

Korent borey bataga 1na 7:16

Woyoo, ni mma bay wala manʼti ni no ma ni kurɲoo hallasi, aroo, ni mma bay wala manʼti ni no ma ni wandoo hallasi?

Efez borey batagaa 5:33

Haya kul kaŋ no, war affoo kul ma baa nga wandoo sanda takaa kaŋ nda a ga baa nga boŋ, haya kaŋ ti woy, a ma nga kurɲoo beerandi.

Kolos borey batagaa 3:18

Woyey, wa yee war kurɲey se ganda, takaa kaŋ nda a ga hima ir Koyoo fondaa ra.

Kolos borey batagaa 4:5

Wa dira nda lakkal taray borey game, wa goy nda waatoo kaŋ war duu a.

Tesalonik borey bataga 2to 1:8

nuune beeri ra, ka borey zukandi kaŋ si Irkoy bay, nda wey kaŋ mana yadda ir Koyoo Isa Alhabar Boryaa ga.

Eberewey batagaa 11:8

Naanayyan ka kate Ibirahima ma tuuru Irkoy ciyayanoo se ka koy nongu ra kaŋ a ga hima kʼa tubu. A koy bila nda a ma bay nongoo kaŋ ra nga ga koy.

Eberewey batagaa 5:9

Waatoo kaŋ a tee timmante, borey kul kaŋ ga haŋajer a se, a tee i se hallasiyan abadante nookaw.

Piyer bataga 1na 1:22

War na war hundey henanandi nda cimoo haŋajeryanoo ka armataray baji tee kaŋ ra almunafikitaray sii. War ma baa cere nda soobay nda bine [kaaray].

Piyer bataga 1na 3:2

zama i ga dii war dira takaa kaŋ ga henan, a teendi Irkoy hunburaa ra.

Piyer bataga 1na 3:7

Takaa din da, war mo kaŋ ti kurɲey, war ma war wandey dii nda lakkal, woy takaa ga hima nda haya kaŋ ga yalaafu nda war wanoo. Wʼi beerandi, zama ngi mo ga hunaroo anneemaa tubu, hala war ŋaarayrey, haya kul masi huru ngi nda Irkoy game.

Piyer bataga 1na 4:17

Zama waatoo too kaŋ ra ciitoo ga šintin nda Irkoy hugoo, ka gar nda a šintin nda ir, macin no borey kaŋ mana haŋajer Irkoy Alhabar Boryaa se ga ti a suba?