Piyer bataga 1na 2:9 - Songhai de Gao Bible

⁹ Amma war, war manʼti kala dumi suubante, «Kokoyoo sargari juwalkey, ganda henanante», jama kaŋ ti Irkoy wane, hala war ma haya beerey deede kaŋ a nʼi tee war se, nga kaŋ na war cee ka war kaa kubaa ra ka war daŋ nga gaay hennaa ra.

Piyer bataga 1na 2:9 ပူးပေါင်းရင်းမြစ်များ

Zaburey 106:5

hala ya dii borey kaŋ nʼnʼi suuba gomnoo, ya yafarhã nda ni gandaa ɲaaloo, ka fooma nda tuboo kaŋ ti ni wane!

Zaburey 118:27

Abadantaa ti Irkoy, a nʼir noo gaay. Wa fitayaŋ haw ka jingaroo hooraa tee, ka koy hala sargari tonadogoo hilley ga!

Zaburey 135:4

Zama Abadantaa na Yakuba suuba nga boŋ se, ka Izirayel suuba a ma tee nga kabe wanoo.

Zaburey 22:30

Laboo gaabikoyney kul ga ŋaa ka sujudu a jine, nga jine, borey kul ga sujudu kaŋ ga kaa ka huru laboo cire, wey kaŋ si hin ka ngi hundey ganji buuyan.

Zaburey 33:12

Gandaa duu gomni kaŋ se Abadantaa ga tee Koy, jamaa kaŋ a nʼa suuba sanda nga wanoo.

Zaburey 73:15

Nda a gar ya nka nee kaŋ ay ga šelaŋ sanda ngi takaa, nga ne, ay ga ni izey zanba.

Matiyu 4:16

Jamaa woo kaŋ goro kubaa ra dii gaay beeri, wey kaŋ goro gandaa ra nda buuyan biyoo ra, gaay fatta i se.»

Matiyu 5:16

Takaa din da, war gaayoo ma dii adamizey jine, taka kaŋ ra i ma dii war teegoy henney, de i ma war Baabaa Irkoy kaŋ goo beenaa ra beerandi.»

Luka 1:79

ka borey kaŋ goo kubaa ra nda wey kaŋ goo buuyan fondaa ra noo gaay, kʼir cee diraa gongu alaafiyaa fondaa ga.»

Yehiya 17:19

[Agay,] ay gʼay boŋ jisandi jere ga ma ne ngi maaganda se, hala ngi mo ma jisandi jere ga ma ne nda cimi.»

Teegoyey 20:28

Wa war boŋ hawgay, war ma feeji kuroo kul hawgay kaŋ se Hundi Henanantaa na war tee jinehun, ka Irkoy Egilizoo kur kaŋ a nʼa day nda nga boŋ Izʼaroo kuroo.

Teegoyey 26:18

hala ma moɲey feeri, i ma bere ka hun kubaa ra ka koy gaayoo ra, ka hun Ibilisi hinoo cire ka koy Irkoy do hala i ma duu zunubey yaafaa, ka duu baa borey bande kaŋ yeetandi jere ga Irkoy se ngi naanaa kaŋ i nʼa daŋ ay ra maaganda se.›»

Teegoyey 26:28

Agripa nee Pol se: «Ne nda kayna nʼgʼay bere kʼay tee kretiyeŋ!»

Rom borey batagaa 9:24

Ir ya, a nʼir cee, ir mana hun Alyahuudey hinne ra, ir mana hun mo kala dumi ra kaŋ manʼti Alyahuudu.

Korent borey bataga 1na 3:17

Boro kaŋ na Irkoy hugoo halaci, Irkoy ga boraa halaci, zama Irkoy hugoo kaŋ ti war nka jisandi jere ga a se.

Efez borey batagaa 1:14

Hundi Henanantaa woo ti tolmaa ir tuboo se kaŋ gʼir hakiikandi kaŋ ir ga duu gomnoo ir feeriyanoo ga ka Irkoy daržaa saabu.

Efez borey batagaa 1:6

hala ir ma Irkoy daržaa saabu nda nga anneemaa kaŋ a nʼa doori ir boŋ nga Baakaa albarkaa ra.

Efez borey batagaa 3:21

darža ma bara a ga Egilizoo ra, a ma bara a ga Almasihu Isa albarkaa ra, zamaney kul izey ma darža daŋ a ga abada hala abada. Amin.

Alhukumoo 10:15

Ni baabey hinne ga Abadantaa hawa, ngi no a bagʼey, a na ngi hayroo suuba dumawey ga, war no a na war suuba dumey kul ra, sanda hõ takaa.

Alhukumoo 14:2

Zama ni manʼti kala jama henanante Abadantaa, ni Koyoo se. Ni no Abadantaa, ni Koyoo nʼa suuba hala ma tee nga halaalaa dumey kul kaŋ goo laboo ga game.»

Alhukumoo 18:2

I sii nda tubu ngi armey game, Abadantaa ti ngi tuboo sanda takaa kaŋ nda a nʼa har i se.

Alhukumoo 4:20

Amma war, Abadantaa nka war zaa ka war kaa Misira ra kaŋ ga hima nda guuru mennandi alforon, hala war ma tee nga jamaa, nga tuboo, sanda takaa kaŋ war gʼa tee hõ.

Alhukumoo 7:6

Zama ni manʼti kala jama henanante Abadantaa, ni Koyoo se. Ni Koyoo na ni suuba hala ma tee nga halaalaa dumey kul kaŋ goo laboo ga game.»

Filipi borey batagaa 3:14

Ay ga zuru ka koy guwoo ga hala ya duu Irkoy beenaa ciyayanoo gomnoo kaŋ ga duwandi Almasihu Isa sabboo ra.

Kolos borey batagaa 1:13

A nʼir kaa kubaa hinoo cire kʼir ka koy nga Izʼaroo, nga baakaa laamaa ra.

Timote bataga 2to 1:9

Irkoy nʼir hallasi, a nʼir cee nda ciyayan henanante. Woo mana teendi ir teegoyey maaganda se, nga boŋ dunbandiroo nda nga anneemaa no kaŋ nondi ir se Almasihu Isa alhormaa ra za alwaatey kul jine.

Tit batagaa 2:14

Nga kaŋ na nga boŋ noo ir maaganda se, kʼir kaa goy futu kul cire, kʼir henanandi ka tee nga boŋ jama cere-cerantaa kaŋ ga durkutu goy henna teeyan bande.

Piyer bataga 1na 1:2

War suubandi ka sawa nda woo kaŋ Baabaa Irkoy nʼa kayandi, ka tee henanante nga Hundoo albarkaa ra hala war ma haŋajer Isa Almasihu se, de mo nga kuroo ma say-say war ga ka war henanandi. Irkoy anneemaa nda nga alaafiyaa ma kaa war ga nda booboyan.

Piyer bataga 1na 2:5

War hunday mo, sanda tondi hunanteyaŋ wa huru hugoo cinaroo ra kaŋ ra Irkoy Hundoo ga kaa ka goro, ka tee sargari juwalkaw margari henanante, ka sargari kaa ka sawa nda Irkoy Hundoo kaŋ ga kan Irkoy se Isa Almasihu albarkaa ra.

Piyer bataga 1na 4:11

Boro kaŋ ga waazu, a ma tee Irkoy meešennoo no a gʼa har. Boro kaŋ ga goy mʼa tee nda gaaboo kaŋ Irkoy gʼa noo a se, hala haya kul ra darža ma bara Irkoy se Isa Almasihu albarkaa ra, nga kaŋ darža nda gaabi goo a se abada hala abada! Amin.

Bangandiroo 1:6

A nʼir tee kokoytaray nda sargari juwalkaw nga Baabaa maaɲoo ga kaŋ ti nga Irkoy. Nga, darža nda hini ma bara a se abada hala abada. Amin.

Bangandiroo 20:6

Boraa duu gomni kaŋ goo tunyan jinaa woo ra, a jisandi jere ga Irkoy se, buuyan hinkantoo si duu borey wey ga hini. I ga tee Irkoy nda Almasihu sargari juwalkawyaŋ. I ga laama a bande jiiri zenber faa (1.000) ra.

Bangandiroo 5:10

Nʼnʼi tee kokoytaray nda sargari juwalkaw ir Irkoy maaɲoo ga. I ga laama laboo ga.»

Samiyel 1na 12:22

Abadantaa si nga jamaa naŋ nga maa beeroo maaganda se, Abadantaa nka kayandi nga ma war tee nga jamaa.