Nehemi 9:7 - Songhai de Gao Bible

⁷ Ni ti Abadantaa, Irkoy kaŋ na Ibirim suuba, kaŋ nʼa fattandi Ur koyraa kaŋ goo Kalde gandaa ra, de nʼna maaɲoo daŋ Ibirahima.

Nehemi 9:7 ပူးပေါင်းရင်းမြစ်များ

Šintinoo 11:31

Tera na nga izʼaroo Ibirim zaa, nda nga haamaa Lotu kaŋ ti Haraŋ izʼaroo, nda nga nzura woyoo Saray kaŋ ti Ibirim wandoo. I hun Ur kaŋ goo Kalde ka koy gandaa ra kaŋ maaɲoo ti Kanaŋ. Kaŋ i too Karaŋ, i na no din tee ngi gorodogoo.

Šintinoo 15:7

A nee a se koyne: «Agay ti Abadantaa kaŋ na ni kaa Ur koyraa kaŋ goo Kalde gandaa ra, ka ni noo gandaa woo a ma tee ni wane.»

Šintinoo 17:5

Nʼsi yee ka ciyandi nda Ibirim (maanaa «baaba kaŋ jerandi»), ni maaɲoo ga tee Ibirahima (maanaa «boro boobo baaba»), zama ay na ni tee dumi boobo hayraa.

Šintinoo 18:19

Ya nkʼa suuba hala a ma nga izey nda nga hugoo borey kaŋ goo dumaa ga yaamar i ma Abadantaa fondaa gana ka goy nda šerretaray nda cimi. Woo ra Abadantaa ga Ibirahima noo hayaa kaŋ a bay kʼa har a se.»

Taarikey 1na 1:27

Tera ti Ibirim baabaa, Ibirim kaŋ maaɲoo bere ka tee Ibirahima.

Alhukumoo 10:15

Ni baabey hinne ga Abadantaa hawa, ngi no a bagʼey, a na ngi hayroo suuba dumawey ga, war no a na war suuba dumey kul ra, sanda hõ takaa.