Nehemi 9:30 - Songhai de Gao Bible

³⁰ Jiiri boobo nʼnʼi suuri, nʼna ni Hundoo ka ni annabey ka teje i ga, amma i mana maa. Woo ga, nʼnʼi kaŋandi gandawey jamawey kabe ra.

Nehemi 9:30 ပူးပေါင်းရင်းမြစ်များ

Kokoyey 2to 18:11

Asiri kokoyoo ka Izirayel borey dii ka koy nda ey Asiri kʼi gorandi Haala koyraa ra Habor isaa miɲoo ga kaŋ goo Gozaŋ laamaa ra, nda Med gandaa koyrawey ra.

Kokoyey 2to 21:10

Woo sabbu se, Abadantaa šelaŋ nda nga tamey miɲey kaŋ ti annabey ka nee:

Taarikey 2to 24:19

Abadantaa na annabiyaŋ sanba i ga hala i ma yee kate nga ga. Annabey koy lakkaley zumandi, amma i mana haŋajer.

Ezra 9:10

Sohõ ir Koyoo, macin no ir gʼa har woo banda ga? Ir na ni yaamarey naŋ,

Nehemi 9:20

Nʼna ni Hundi hennaa kʼi noo fahamay, mana ŋaahayaa kaŋ se i ga nee man ganji i se i mʼa ŋaa, nʼnʼi noo hari waatoo kaŋ i jaw.

Nehemi 9:26

Amma i ture, i tun ma ne. I na banda bere ni ašariyaa se, i na ni annabey wii kaŋ gʼi teje i ma willi ni ga, i hanse ka ni tooɲe.

Nehemi 9:29

Nʼnʼi teje hala i ma willi kate ni ašariyaa ga, amma i na binebeeray, i mana haŋajer ni yaamarey se, i na zunubu tee ni hantumey kaŋ kayandi ga, ka gar boro kaŋ gʼi ka dira, ga hin ka huna nda ey, i tee turante nda hiɲešenda, i mana haŋajer.

Zaburey 86:15

Amma ni, ay Koyoo, ni manʼti kala Koy kaŋ ga tamalla, a ga alhormo tee, nʼsi cahã ka futu, ni borohennataraa nda ni laadirtaraa ga beeri.

Zaburey 95:10

Jiiri woytaaci (40) kaŋ zamanoo woo borey si kan ya ne, ay nee: «Jama no kaŋ biney dere, i sʼay fondawey bay.»

Kabuyaney 11:26

Aru hinka kaŋ affoo maaɲoo ti Eldad, affaa maaɲoo ti Medad cindi kaloo ra. Irkoy Hundoo zunbu ngi mo ga, maaɲey goo boro beerey ra kaŋ hantumandi, amma i mana fatta ka koy cere kubayyan hukkumoo miɲoo ga, i ga annabitaray tee jamaa kaloo ra.

Teegoyey 13:18

Jiiri woytaaci (40) cine a gʼi suuri saajoo ra.

Teegoyey 28:25

I mana faham cere se, i koy waatoo kaŋ Pol na šenni foo har i se ka nee: «Hundi Henanantaa ga cum kaŋ šelaŋ war baabey se nda annabi Ezayi miɲoo

Teegoyey 7:51

War boŋey ga šendi, war biney nda war haŋawey ga šendi, waati kul war mo, war ga wanji Hundi Henanantaa se sanda war baabey takaa.

Rom borey batagaa 2:4

Ni mma Irkoy borohennataraa beeriyanoo, nda nga suuroo, nda nga batuyan kukoo kaynandi wala? Nʼsi bay kaŋ Irkoy borohennataraa mma ni tuti ma tuubi?

Piyer bataga 1na 1:11

Almasihu Hundoo kaŋ goo i ra no mʼi bayrandi Almasihu laazaabawey nda daržaa kaŋ a ga duu a laazaabawey bandawey ga. Hayey kaŋ Hundoo gʼi bayrandi annabey se, annabey ga ceeci nda hinay ka ngi waatey nda ngi teetakaa bay.

Piyer bataga 2to 1:21

Annabi šenni mana bay ka tee adamize ibaayoo, Hundi Henanantaa no ma adamize tuti a ma šelaŋ Irkoy maaɲoo ga.

Piyer bataga 2to 3:9

Allaahidoo kaŋ ir Koyoo nʼa zaa, a si gay a manʼa tee sanda takaa kaŋ boro fooyaŋ ga hongu kaŋ a gay a manʼa tee. Amma a ga suuri war se, zama a si baa boro kul ma halaci, a si baa kala borey kul ma hin ka tuubi.