Nehemi 9:26 - Songhai de Gao Bible

²⁶ Amma i ture, i tun ma ne. I na banda bere ni ašariyaa se, i na ni annabey wii kaŋ gʼi teje i ma willi ni ga, i hanse ka ni tooɲe.

Nehemi 9:26 ပူးပေါင်းရင်းမြစ်များ

Kokoyey 1na 14:9

Nʼna goy futu tee ka bisa borey kul kaŋ bisa ni jine. Ni koy, nʼna koy tanayaŋ tee ni boŋ se. Nʼna guuru mennandi kʼa tee tooruyaŋ kʼi gana, nʼnʼay binoo tunandi. Nʼnʼay warra ni banda ga.

Kokoyey 1na 18:13

Waatoo kaŋ Žezabel ga Abadantaa annabey wii, hayaa kaŋ ay nʼa tee mana maarʼa wala, ay koyoo? Ya nka annabi zangu (100) zaa Abadantaa annabey ra ka koy i tugu boro woyguu (50) woyguu (50) tondi guusu ra, ka cindi kʼi noo ŋaayan nda hari.

Kokoyey 1na 18:4

waatoo kaŋ Žezabel na Abadantaa annabey halaci, Abdiyas na annabi zangu (100) zaa kʼi tugu boro woyguu (50) woyguu (50) tondi guusu ra, ka cindi kʼi noo ŋaayan nda hari.

Kokoyey 1na 19:10

A nee: «Ay hanse ka gurgay Abadantaa, Aduɲɲakoyoo se. Amaanaa kaŋ nʼnʼa daŋ ni nda Izirayel borey game, i nʼa hasara, i na ni sargari tonadogey kayri, i na ni annabey wii nda takuba. Agay hinne ka cindi, sohõ i ga baa ngi mʼay wii.»

Kokoyey 2to 21:10

Woo sabbu se, Abadantaa šelaŋ nda nga tamey miɲey kaŋ ti annabey ka nee:

Kokoyey 2to 21:11

«Zama de Žuda kokoyoo Manase na almuhaley wey tee, zama de a na haya tee kaŋ jaase Amor borey kaŋ kaa a jine, zama de mo a na nga toorey ka Žuda jamaa daŋ zunubu ra,

Taarikey 2to 36:16

Amma i na Irkoy diyawey ɲooɲo, i si Irkoy šenney daŋ assal, i ga nga annabey fude, hala nongu kaŋ ra Abadantaa futayyanoo kaŋ nga jamaa ga, faabayan sii i se koyne.

Nehemi 9:18

Ba waatoo kaŋ i na guuru mennandi kʼa tee yagaw ka nee: ‹Ni Koyoo ne, woo kaŋ na ni fattandi Misira!› I hanse ka ni tooɲe.

Nehemi 9:29

Nʼnʼi teje hala i ma willi kate ni ašariyaa ga, amma i na binebeeray, i mana haŋajer ni yaamarey se, i na zunubu tee ni hantumey kaŋ kayandi ga, ka gar boro kaŋ gʼi ka dira, ga hin ka huna nda ey, i tee turante nda hiɲešenda, i mana haŋajer.

Nehemi 9:30

Jiiri boobo nʼnʼi suuri, nʼna ni Hundoo ka ni annabey ka teje i ga, amma i mana maa. Woo ga, nʼnʼi kaŋandi gandawey jamawey kabe ra.

Zaburey 50:17

Ka gar nʼga konna ay hoyrawey, nʼgʼay šenney fur ni dumaa ga!

Matiyu 21:35

Beerikey na tamey dii ka affoo kar, ka affoo wii, ka affaa warra nda tondi kʼa wii.

Teegoyey 7:52

May ti annaboo kaŋ war baabey manʼa gurzugay? I na borey wii kaŋ ga Boro Šerrantaa kaayanoo bayrandi, boraa kaŋ sohõ war, war tee nga zanbakaa nda nga wiikaa,

Alhukumoo 32:14

A gʼa noo haw waahoonu, nda feeji waa, nda feeji-ize maani, nda Bašaŋ gaarey, nda jindaarey maanoo, nda alkama farin hamni. Nʼga alaneb-izey haroo haŋ nda alaneb hari moora.

Alhukumoo 32:15

Yešurun warga, a na tafa. Ni warga, ni naasu, ni yuttu. A na Koyoo naŋ kaŋ nʼa tee, a na nga hallasiroo Tondoo kaynandi.

Alkaaley 10:6

Izirayel borey yee ka goy futu tee Abadantaa jine. I na toorey kaŋ se i ga nee Bal nda Astarte gana kaŋyaŋ ti Siiri gandaa koyey, nda Sidoŋ koyey, nda Mowab koyey, nda Amoŋ borey koyey, nda Filisti borey koyey. I na Abadantaa naŋ, i mana yee kʼa gana.