Nehemi 9:25 - Songhai de Gao Bible

²⁵ I na koyrayaŋ kaŋ kuubandi nda cete dii nda labu hennayaŋ, huguyaŋ huru ngi mayraa ra kaŋ ga too nda haya henna dumi kul, day fanšanteyaŋ, nda alaneb faari, nda zaytuɲaa, nda tuuri boobo kaŋ izey ga ŋandi. I ŋaa hala i kungu, i na gaaham tee, i huna kaani ra ni borohennataray beeroo ra.

Nehemi 9:25 ပူးပေါင်းရင်းမြစ်များ

Kokoyey 1na 14:9

Nʼna goy futu tee ka bisa borey kul kaŋ bisa ni jine. Ni koy, nʼna koy tanayaŋ tee ni boŋ se. Nʼna guuru mennandi kʼa tee tooruyaŋ kʼi gana, nʼnʼay binoo tunandi. Nʼnʼay warra ni banda ga.

Kokoyey 1na 8:66

Jirbiiyye hinkantoo woo subaa ra, Sulaymaana na jamaa sallama. I gaara kokoyoo se jina i koy ngi do. I ga ɲaali, biney ga kan nda haya henney kul kaŋ Abadantaa nʼi tee nga tamoo Dawda nda nga jamaa Izirayel se.

Nehemi 9:35

Ba kaŋ i goo ngi laamaa ra, ba kaŋ nʼnʼi noo gomni beeri, ganda beeri hennaa ra kaŋ nʼnʼa daŋ i jine, i mana alhaadimay ma ne, i mana willi ngi goy futawey se bande.

Zaburey 105:44

A nʼi noo dumiyaŋ gandawey, i duu jamayaŋ faraa bagaa,

Zaburey 65:11

Nʼga faarey nonguyaŋ haŋandi ka labu gungutey kanandi, nʼgʼi haŋandi nda harey ka dumarey zayandi.

Yaasawey 30:9

ya si koy kungu ka ni yankar ka nee: ‹May ti Abadantaa?› Wala ya talka ka koy zay kʼay Koyoo maaɲoo hasara.

Rom borey batagaa 2:4

Ni mma Irkoy borohennataraa beeriyanoo, nda nga suuroo, nda nga batuyan kukoo kaynandi wala? Nʼsi bay kaŋ Irkoy borohennataraa mma ni tuti ma tuubi?

Alhukumoo 3:5

Koyrawey wey kul, cete kukuyaŋ no mʼi kuubi kʼi bere, nda ganbuyaŋ kaŋ kufalandi. Koyra booboyaŋ mo goo no kaŋ ga cete sii.

Alhukumoo 32:13

A nʼa dirandi gandaa hodaddawey ra kʼa ŋandi faarey izey, tondi yuu no a gʼa sunsumandi, a gʼa noo jii kaŋ nin tondi ra.

Alhukumoo 32:14

A gʼa noo haw waahoonu, nda feeji waa, nda feeji-ize maani, nda Bašaŋ gaarey, nda jindaarey maanoo, nda alkama farin hamni. Nʼga alaneb-izey haroo haŋ nda alaneb hari moora.

Alhukumoo 32:15

Yešurun warga, a na tafa. Ni warga, ni naasu, ni yuttu. A na Koyoo naŋ kaŋ nʼa tee, a na nga hallasiroo Tondoo kaynandi.