Nehemi 9:20 - Songhai de Gao Bible

²⁰ Nʼna ni Hundi hennaa kʼi noo fahamay, mana ŋaahayaa kaŋ se i ga nee man ganji i se i mʼa ŋaa, nʼnʼi noo hari waatoo kaŋ i jaw.

Nehemi 9:20 ပူးပေါင်းရင်းမြစ်များ

Nehemi 9:30

Jiiri boobo nʼnʼi suuri, nʼna ni Hundoo ka ni annabey ka teje i ga, amma i mana maa. Woo ga, nʼnʼi kaŋandi gandawey jamawey kabe ra.

Zaburey 105:41

A na tondoo feeri, hari fatta, a doori ka koy sanda isa saajey ra.

Zaburey 143:10

Ay dendenandi ya ni ibaayoo tee, zama ni ti ay Koyoo. Yala ni Hundi hennaa mʼay gongu labu kanante ga!

Fattaroo 16:15

Izirayel borey dii a, i na cere hãa ka nee: «Macin ti woo?» Zama i mana bay haya kaŋ no. Musa nʼi zaabi ka nee: «Takulaa no kaŋ Abadantaa nʼa noo a ma tee war se ŋaayan.

Fattaroo 16:35

Izirayel borey na manoo ŋaa jiiri woytaaci (40) hala i ga too gandaa kaŋ ra boro goo. I na manoo ŋaa hala waatoo kaŋ i too Kanaŋ gandaa šintinoo ga.

Fattaroo 16:4

Abadantaa nee Musa se: «Ay ga ŋaayan tee ncirɲi ka hun beenaa ra kʼa doori war boŋ. Zaari kul jamaa ga fatta ka ngi zaaroo ŋaahayaa kuuna hala yʼi sii ka dii wala i ga agʼašariyaa dii wala i sʼa dii.

Fattaroo 17:3

No din ra hari jaw duu jamaa, i ŋuunuŋuunu Musa ga ka nee: «Cin se nʼnʼir žigandi ka hun Misira kʼir, nda ir izey, nda ir jawdey naŋ ir ma buu nda jaw?»

Fattaroo 17:6

Nga ne, ay ga kay ni jine tondoo ga kaŋ goo Horeb jeroo ga. Ma tondoo kar, hari ga fatta a ra, jamaa ga haŋ.» Musa na yaamaroo din tee Izirayel boro beerey jine.

Kabuyaney 11:17

Ay ga zunbu ka šelaŋ ni bande no din, Hundoo kaŋ goo ni ga, ay ga zaa a ra kʼa daŋ i ga, nga ra i ga jamaa jeejaa zaa ni bande, nʼsʼa zaa ni hinne.

Yehiya 4:10

Isa nʼa zaabi ka nee: «Nda a gar ni mma Irkoy nooyanoo bay nda boraa kaŋ goo ma nee ma ne: ‹Ay noo ya haŋ›, ni hunday no mʼa wiri ma haŋ, de a ga ni noo hari hunante.»

Yehiya 4:14

amma boro kaŋ na haroo haŋ kaŋ ay gʼa noo a se, šikka sii kaŋ a si jaw hala abada. Haroo kaŋ ay gʼa noo a se ga tee a ra isaɲaa kaŋ ga boosu hala hunayan abadantaa ra.»

Rom borey batagaa 15:30

Agʼarmey, ay gʼa ŋaaray war ga nda ir Koyoo Isa Almasihu nda Irkoy Hundoo bajoo, war ma wongu ay bande Irkoy ŋaarayrey ra kaŋ war gʼi tee ya ne.

Korent borey bataga 1na 10:3

I kul na ŋaayan follokaa ŋaa kaŋ Irkoy nʼa noo,

Efez borey batagaa 5:9

Zama hayaa kaŋ gaay gʼa hay manʼti kala: borohennataray dumi kul, nda šerretaray, nda cimi.

Žozuwe 5:12

Subaa ra, ŋaahayaa kaŋ se i ga nee man kay waatoo kaŋ i šintin ka gandaa ŋaayaney ŋaa. Izirayel borey mana yee ka duu man. Jiiroo din Kanaŋ gandaa ŋaayaney no i nʼi ŋaa.

Piyer bataga 2to 1:21

Annabi šenni mana bay ka tee adamize ibaayoo, Hundi Henanantaa no ma adamize tuti a ma šelaŋ Irkoy maaɲoo ga.