Nehemi 9:19 - Songhai de Gao Bible

¹⁹ Amma ni, ni hinnari beeroo ra, manʼi fur saajoo ra. Duulaa kaŋ ga kay mana fay nda kʼi gongu zaari here nda nuunaa kaŋ ga kay cijin here ngi diraa ra, ka ngi fondaa noo gaay kaŋ i ga hima kʼa zaa.

Nehemi 9:19 ပူးပေါင်းရင်းမြစ်များ

Nehemi 9:12

Nʼna duula kaŋ ga kay i jine kʼi gongu zaari here, nʼna nuune kaŋ ga kay i jine cijin here ka ngi fondaa noo gaay kaŋ i ga hima kʼa zaa.

Nehemi 9:27

Woo ga, nʼnʼi kaŋandi ngi torrokey kabey ra kaŋ nʼi šiita. Amma ngi binemaraa waati i kaati ka ni cee, nʼna haŋajer i se beenaa ra, ni hinnari beeroo ra nʼnʼi noo hallasikawyaŋ kaŋ nʼi feeri kʼi kaa ngi iberey kabey ra.

Nehemi 9:31

Ni tamallayan beeroo ra manʼi halaci, manʼi fur, zama ni manʼti kala Koy kaŋ ga hinna a ga tamalla.

Zaburey 106:45

Ngi sabbu se a hongu nga amaanaa, a ga hanse ka boori hala nongu kaŋ ra a tun woo kaŋ a nʼa kayandi ga.

Zaburey 136:16

Nga no ka nga jamaa gongu saajoo ra, zama nga borohennataraa si ben abada.

Fattaroo 40:36

Waati kaŋ duulaa tun Irkoy gorodogoo boŋ, nga no Izirayel borey ga koy jine ngi naarumaa ra. I ga koy nongu nda nongu.

Fattaroo 40:38

Zama zaari here Abadantaa duulaa goo Irkoy gorodogoo boŋ, cijin here nuune ga dii duulaa ra, Izirayel hugoo borey kul jine, woo teendi ngi naarumaa kul ra, nongu ka koy nongu.

Kabuyaney 14:14

i nʼa har gandaa woo borey se. I maa kaŋ ni, Abadantaa, ni goo jamaa woo game, ni, Abadantaa, nʼga bangay moo nda moo, ni duulaa ga kay i boŋ, nʼga dira i jine duula kaŋ ga kay i jine ra zaari here, cijin here nuune kaŋ ga kay i jine ra.

Alhukumoo 8:2

Ma hongu fondaa kul kaŋ nda Abadantaa, ni Koyoo na ni ka bisa jiiri woytaacaa (40) woo ra saajoo ra, ka ni yeeti ganda, ka ni sii, hala nga ma hayaa bay kaŋ goo ni binoo ra, ka guna wala nʼga nga yaamarey dii wala nʼsʼi dii.

Samiyel 1na 12:22

Abadantaa si nga jamaa naŋ nga maa beeroo maaganda se, Abadantaa nka kayandi nga ma war tee nga jamaa.