Nehemi 9:16 - Songhai de Gao Bible

¹⁶ Amma ngi nda ir hayragey bolsay, i boŋšenday. I mana haŋajer ni yaamarey se.

Nehemi 9:16 ပူးပေါင်းရင်းမြစ်များ

Kokoyey 2to 17:14

Amma i mana haŋajer. I boŋšenday sanda ngi hayragey kaŋ mana naanay Abadantaa, ngi Koyoo.

Taarikey 2to 29:6

Zama ir hayragey tooɲe, i na goy futu tee Abadantaa, ir Koyoo jine, i nʼa naŋ, i na ngi ndumey kaa Abadantaa gorodogoo here, i na banda bere a se.

Taarikey 2to 30:8

Sohõ, war masi hiɲešenday sanda war baabey. Wa war boŋ noo Abadantaa se, wa kaa nga nongu henanantaa ra kaŋ a nʼa yeeti jere ga hala abada, war ma goy Abadantaa, war Koyoo se hala nga futay beeroo ma hun war ga.

Taarikey 2to 36:13

A ture ba kokoyoo Nebukanezar ga kaŋ nʼa žeendi Irkoy maaɲoo ga. A na boŋšenday, a na nga binoo šendandi, a mana yadda ka willi Abadantaa, Izirayel Koyoo ga.

Nehemi 9:10

Nʼna tammaasayaŋ nda kayfiyaŋ tee, ka Firawuuna nda nga borey gande, nda nga gandaa jamaa kul, zama nʼga kabekunafutaa bay kaŋ i nʼa tee ir hayragey se. Nʼna ni maaɲoo kaataray, woo se a ga bara hala hõ.

Nehemi 9:29

Nʼnʼi teje hala i ma willi kate ni ašariyaa ga, amma i na binebeeray, i mana haŋajer ni yaamarey se, i na zunubu tee ni hantumey kaŋ kayandi ga, ka gar boro kaŋ gʼi ka dira, ga hin ka huna nda ey, i tee turante nda hiɲešenda, i mana haŋajer.

Zaburey 106:6

Ir nda ir baabey duu zunubu, ir na laybu tee, ir na goy futu tee.

Zaburey 81:8

Ni wurru waatoo kaŋ nʼga torro, ay na ni feeri, ay na ni zaabi jiŋjiŋoo duulaa ra. Ay na ni sii Meriba harey jere. Kay-kayna

Fattaroo 15:26

A nee: «Nda nʼga haŋajer ka boori Abadantaa, ni Koyoo šennoo se, nda nʼga haya tee kaŋ ga henan a jine, nda nʼga haŋajer nga ašariyawey, nda nʼga nga yaamarey kul dii, wircey kaŋ ay nʼi daŋ Misira borey ra, ba affoo si duu ni, zama agay ti Abadantaa kaŋ ga ni noo gaaham baani.»

Fattaroo 32:9

Abadantaa nee Musa se: «Ay dii jamaa woo, nga ne, jamaa no kaŋ hiɲoo ga šendi.

Yaasawey 29:1

Boro kaŋ ga nga hiɲoo šendandi ka wanji ka maa hoyray, a ga jirsi ka say, safari sii a ra.

Teegoyey 7:51

War boŋey ga šendi, war biney nda war haŋawey ga šendi, waati kul war mo, war ga wanji Hundi Henanantaa se sanda war baabey takaa.

Rom borey batagaa 2:5

Nʼga šendi, ni binoo si barmay, ni goo ma futay marga ni boŋ se futuroo hane kaŋ ra Irkoy ciiti šerrantaa ga bangay.

Alhukumoo 31:27

Zama agay, ay ga ni turantetaraa nda ni hiɲešendaa bay. Zama war ture Abadantaa ga ay hunaroo ga, soko ay buuroo banda ga.

Alhukumoo 32:15

Yešurun warga, a na tafa. Ni warga, ni naasu, ni yuttu. A na Koyoo naŋ kaŋ nʼa tee, a na nga hallasiroo Tondoo kaynandi.

Alhukumoo 5:29

Jalla, nda a gar ba i mma bara nda binoo woo waati kul ka hunbur agay kʼay yaamarey kul dii, hala ngi nda ngi izey ma duu ka duu gomni hala abada!

Alhukumoo 9:13

Abadantaa šelaŋ ya ne ka nee: ‹Ay dii jamaa woo, dumi no kaŋ hiɲoo ga šendi.

Alhukumoo 9:27

Hongu ni tamey Ibirahima, nda Isiyaka, nda Yakuba. Masi hanga jamaa woo hiɲešendaa, nda nga laalaroo, nda nga zunuboo bande.

Alhukumoo 9:6

Adiši ma bay kaŋ manʼti ni šerretaraa se Abadantaa, ni Koyoo ga ni noo ganda hennaa woo mʼa mayray, zama ni manʼti kala jama hiɲešenda.»

Eberewey batagaa 3:13

Wa cere kunahennay zaari kul, kullihinne ir goo waatoo woo ra kaŋ se i ga nee «hõ», boro kul war ra masi binešenday ka naŋ zunubu ma nga darga.

Eberewey batagaa 3:15

Citaaboo nee: «Hõ, nda war maa Irkoy jindoo, war masi war biney šendandi sanda tureyanoo waati.»