Nehemi 9:13 - Songhai de Gao Bible

¹³ Ni zunbu Sinay tondi hondoo boŋ, ni goo beenaa ra ka šelaŋ i se, nʼna hantum šerranteyaŋ kaŋ kayandi dunbu i se nda ašariya cimikoyniyaŋ, nda hantumyaŋ, nda yaamar hennayaŋ.

Nehemi 9:13 ပူးပေါင်းရင်းမြစ်များ

Kokoyey 2to 17:37

War ma gaabandi kʼay hantumey, nda ay hantumey kaŋ kayandi, nda agay ašariyaa, nda yaamaroo kaŋ ay nʼi hantum war se ka dira waati kul, war masi hunbur koy tanayaŋ.

Ezra 7:6

Ezra din mana hun kala Babiloŋ. Citaaboo baykaw no kaŋ ti goni Musa ašariyaa here kaŋ Abadantaa, Izirayel Koyoo nʼa noo. Haya kul kaŋ a nʼa wiri, kokoyoo gʼa noo a se, zama Abadantaa, nga Koyoo albarkaa goo a ga.

Zaburey 119:137

Abadantaa, nʼga šerre, de mo ni ciitey ga henan.

Zaburey 119:160

Ni meešennoo asaasoo manʼti kala cimi, ni šerretaraa hantumey kaŋ kayandi kul ga bara hala abada.

Zaburey 119:4

Nʼna ni hayey gorandi kaŋ nʼnʼi har hala boro mʼi gana nda anniya.

Fattaroo 16:23

Musa nee i se: «Woo ti hayaa kaŋ Abadantaa nʼa har. Suba ti hunanzamzaaroo, hunanzamzaari henanante Abadantaa maaɲoo ga. Wa hayaa hina kaŋ ga hima ka hina, war ma hayaa zargandi kaŋ ga hima ka zargandi. Woo kaŋ cindi, war mʼa jisi war boŋ se hala suba.»

Fattaroo 19:11

I ma soolu jirbi hinzantoo se, zama jirbi hinzantoo ra Abadantaa ga zunbu Sinay tondi hondoo ga jamaa kul jine.

Fattaroo 20:1

Šenney ne kaŋ Irkoy nʼi har, a nee:

Fattaroo 20:22

Abadantaa nee Musa se: «Nee Izirayel borey se: ‹War hunday dii kaŋ beenaa ra ay goo kaŋ ay šelaŋ war bande.

Rom borey batagaa 7:16

Adiši nda hayaa kaŋ ay si bagʼa no ay gʼa tee, ay yadda ašariyaa ga, ay yadda kaŋ a ga boori.

Alhukumoo 33:2

A nee: «Abadantaa hun Sinay tondi hondoo do ka kaa, a tun Seyir ka koy i do. Paraŋ tondi hondoo boŋ a bangay nga daržaa ra, a fatta boro henanante zenber woy woyyaŋ ra. Nga kabe gumaa ga a na ašariyaa kaŋ ga dii ma nee nuune sanba i se.

Alhukumoo 4:33

Dumi goo no kaŋ bay ka maa koy jinde a ga šelaŋ nuune game wala, sanda takaa kaŋ ni, ni maarʼa, de nʼga huna?

Alhukumoo 4:36

A na ni mandi nga jindoo kaŋ hun beenaa ra ka ni cawandi. Laboo ga, a na ni cebe nga nuune beeroo, nuunaa gamoo ra, ni maa nga šenney.

Alhukumoo 4:8

Ganda beeri foo bara no kaŋ goo nda yaamar nda hantum šerranteyaŋ kaŋ kayandi sanda ašariyaa woo kul kaŋ ay gʼa daŋ war jine hõ?»

Alhukumoo 5:4

Abadantaa šelaŋ war se mee nda mee tondi hondoo boŋ nuunaa game.