Nehemi 9:12 - Songhai de Gao Bible

¹² Nʼna duula kaŋ ga kay i jine kʼi gongu zaari here, nʼna nuune kaŋ ga kay i jine cijin here ka ngi fondaa noo gaay kaŋ i ga hima kʼa zaa.

Nehemi 9:12 ပူးပေါင်းရင်းမြစ်များ

Nehemi 9:19

Amma ni, ni hinnari beeroo ra, manʼi fur saajoo ra. Duulaa kaŋ ga kay mana fay nda kʼi gongu zaari here nda nuunaa kaŋ ga kay cijin here ngi diraa ra, ka ngi fondaa noo gaay kaŋ i ga hima kʼa zaa.

Zaburey 105:39

A na duula daaru kʼi gum nda nuune kʼi noo gaay cijin here.

Zaburey 107:7

A nʼi ka koy fondo šerrante bande hala i ma koy goro koyra ra.

Zaburey 143:8

Naŋ ya maa za subbaahoo ra ni borohennataraa. Zama ay nʼay naanaa daŋ ni ra. Fondaa cebe ya ne kaŋ ra ay ga hima ka dira. Zama ay gʼay binoo bere ni here.

Zaburey 78:14

A gʼi gongu nda duula zaari here, cijinoo kul a gʼi gongu nda nuune gaay.

Fattaroo 15:13

Ni arrahamaa nda nʼna ni jamaa gongu, jamaa kaŋ nʼnʼa feeri. Ni hinoo ra, nʼga huru i jine ka koy nda ey ni gorodoo henanantaa ra.

Kabuyaney 9:16

Takaa woo da waati kul, duulaa gʼa gum, cijin here a ga tee nuune alhaali.

Kabuyaney 9:21

Nda duulaa si kay kala cijinoo ra ka koy subbaahi, nda duulaa tun subbaahoo ra, i ga koy. Nda duulaa tun cijin foo nda zaari foo banda ga, i ga tun ka koy.

Alhukumoo 1:33

kaŋ ga dira war jine fondaa ra ka nongu ceeci war se kaŋ ra war ga goro. Cijin here, a ga huru war jine nuune ra ka fondaa kaarandi war se kaŋ ra war ga hima ka dira. Zaari here, a ga huru duula ra ka fondaa cebe war se.