Nehemi 8:6 - Songhai de Gao Bible

⁶ Ezra na albarka tee Abadantaa, Koy beeroo se, jamaa kul na ngi kabey jer ka zaabi ka nee: «Amin! Amin!» I gunguma ka ngi ndumey ka sujudu laboo ra Abadantaa jine.

Nehemi 8:6 ပူးပေါင်းရင်းမြစ်များ

Šintinoo 14:22

Amma Ibirim na Sodom kokoyoo zaabi ka nee: «Ay gʼay kaboo jer ka žee nda Abadantaa kaŋ ti Irkoy Jerantaa kaŋ na beenaa nda laboo taka,

Šintinoo 24:26

Woo banda ga, aroo sujudu Abadantaa se,

Taarikey 1na 16:36

Albarka ma bara Abadantaa, Izirayel Koyoo se, za abada hala abada! Waatoo din jamaa kul nee: «Amin!» I na Abadantaa saabu.

Taarikey 1na 29:10

Dawda na albarka daŋ Abadantaa se jamaa kul jine, Dawda nee: «Ir ga albarka daŋ ma ne waati kul hala abada, Abadantaa, ir baabaa Izirayel Koyoo,

Taarikey 1na 29:20

Dawda nee jamaa kul se: «Wa albarka daŋ Abadantaa, war Koyoo se.» Woo ga, jamaa kul na albarka daŋ Abadantaa, ngi baabey Koyoo se. I gunguma ka sujudu Abadantaa nda kokoyoo jine.

Taarikey 2to 20:18

Žozafat na nga ndumoo sinji laboo ra, de Žuda borey kul, nda Žerizalem borey kul kaŋ Abadantaa jine ka sujudu a se.

Taarikey 2to 29:10

Sohõ ay goo nda anniya ka amaana daŋ agay nda Abadantaa, Izirayel Koyoo game, hala nga futay beeroo ma mooru ir.

Taarikey 2to 29:30

Woo banda ga, kokoyoo Ezekiyas nda boŋkoyney nee Lewi borey se kaŋ i ma Abadantaa saabu nda Dawda nda gunandikaa Asaf šenney. I nʼa saabu nda ɲaali, i gunguma, de i sujudu.

Taarikey 2to 6:4

A nee: «Ay ga albarka daŋ Abadantaa, Izirayel Koyoo se kaŋ šelaŋ nda nga miɲoo ay baabaa Dawda se, nga kabey na hayaa tee kaŋ a nʼa har ka nee:

Nehemi 5:13

Koyne mo, ay nʼay bankaaraa kokobu ka nee: «Boro kul kaŋ mana hayaa tee kaŋ a nʼa har, Irkoy mʼa kokobu kʼa kaa nga hugoo nda nga goyoo nafaa ra sanda takaa woo, takaa din da nda aroo woo ma kokobandi ka kaŋandi koonay ra.» Margaroo kul nee: «Amin!» I na Abadantaa saabu. Jamaa na hayaa tee kaŋ i nʼa har.

Nehemi 8:7

Waatoo din Yešuwa, nda Bani, nda Šerebiya, nda Yamin, nda Akub, nda Šabtay, nda Hodiya, nda Maseya, nda Kelita, nda Azariya, nda Yozabad, nda Hanaŋ, nda Pelaya kaŋ ti Lewi borey kaŋ ga ašariyaa fahamandi jamaa se, jamaa ga kay ngi boŋ ga.

Zaburey 134:2

Wa war kabey jer nongu henanantaa ra ka albarka daŋ Abadantaa se!

Zaburey 141:2

Yala ay ŋaarayroo ma tee ma ne sanda dugu, de ay kabey jeryanoo ma tee ma ne alaasaroo taasu sargaroo.

Zaburey 28:2

Haŋajer ay suurandiyaney se waati kaŋ ay ga kaati ka faaba ceeci ni ga, waati kaŋ ay gʼay kabey jer ni nongu henanantaa gundoo ra.

Zaburey 41:13

Agay, nʼnʼay faaba ay laadirtaraa ra, waati kul nʼgʼay daŋ ni jeroo ga.

Zaburey 63:4

Zama ni borohennataraa bisa hunayan, ay miɲoo ga ni saaburoo har.

Zaburey 95:3

Zama Abadantaa manʼti kala Koy beeri, Kokoy beeri no kaŋ goo koyey kul boŋ.

Fattaroo 12:27

Wa nee: ‹Borcintaraa jingaroo kaŋ teendi Abadantaa maaɲoo ga sargaroo no, nga kaŋ waatoo kaŋ a ga Misira borey kar, a bisa Izirayel borey hugey ga Misira, a nʼir hugey hallasi.›» Jamaa gunguma ka sujudu.

Fattaroo 4:31

Jamaa naanay. Waatoo kaŋ i maa kaŋ Abadantaa ɲeli Izirayel borey ga, a dii ngi torraa, i gunguma ka sujudu.

Sargarey 9:24

Nuune hun Abadantaa do ka sargari kukurantaa nda maaney ton sargari tonadogoo boŋ. Jamaa kul dii a, i kaati nda ɲaali, i na ngi ndumey ka sujudu.

Matiyu 26:39

A koy jine kayna, de a na nga ndumoo sinji laboo ra ka Irkoy ŋaaray ka nee: «Ay Baabaa Irkoy, nda ay ga duu a, gurzugaa potoo woo moorandi ay ga. Amma agay ibaayoo masi tee, ni wanoo ma tee.»

Matiyu 6:13

Masi naŋ ir ma siyandi ka kaŋ zunubu ra, amma ir hallasi boro laalaa ra kaŋ ti Ibilisi.›

Korent borey bataga 1na 14:16

Zama nda nʼga albarka daŋ Irkoy se nda ni hundoo hinne, boro kaŋ si faham hayaa kaŋ ni goo mʼa har se kaŋ goo margaroo ra, taka foo nda a ga hin ka nee: «Amin» ni albarka daŋyanoo se, ka gar hayaa kaŋ nʼnʼa har a si faham a se?

Efez borey batagaa 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. A na nga Hundoo albarka dumey kul daŋ ir ra beenaa nongey ra Almasihu alhormaa ra.

Timote bataga 1na 2:8

Adiši ay ga baa arey ma Irkoy ŋaaray nongu kul ra ka ngi kabe henanantey jer bila futay bila kakaw.

Piyer bataga 1na 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. Nga tamalla beeroo ra a nʼir hayandi taaga naata hunante se Isa Almasihu kaŋ tun bukawey ra albarkaa ra.

Bangandiroo 7:11

Almalaykey kul kaŋ ga kay ka kokoy gorodogoo, nda boro beerey, nda hundikoyni taacaa kuubi kʼi bere na ngi ndumey sinji laboo ra kokoy gorodogoo jine ka sujudu Irkoy se