Nehemi 8:12 - Songhai de Gao Bible

¹² Jamaa kul koy ŋaa ka haŋ, ka borey noo ŋaayan, i na hooray beeri tee, zama i faham šenney se kaŋ harandi i se.

Nehemi 8:12 ပူးပေါင်းရင်းမြစ်များ

Taarikey 1na 29:22

Hanoo woo, i ŋaa, i haŋ Abadantaa jine nda ɲaali beeri. I na Dawda izʼaroo Sulaymaana gorandi kokoytaraa ra nga cee hinkantoo, i nʼa yon Abadantaa jine kʼa tee boŋkoyni. I na Sadok mo yon kʼa tee sargari juwalkaw.

Nehemi 8:10

A nee i se koyne: «Wa koy, war ma ham naasayaŋ ŋaa, war ma haŋhaya kaanayaŋ haŋ, war ma sanba borey se kaŋ sii nda haya kaŋ i gʼa hina. Hõ manʼti kala zaari kaŋ yeetandi jere ga ir Koyoo maaɲoo ga. War biney masi hẽe, zama Abadantaa ɲaaloo ti war gaaboo.»

Nehemi 8:11

Lewi borey na borey kul dangayandi ka nee i se: «Wa dangay, zama hõ manʼti kala zaari kaŋ yeetandi jere ga Irkoy se, war biney masi hẽe.»

Nehemi 8:13

Zaari hinkantoo hane, jamaa kul hugu boŋey, nda sargari juwalkey, nda Lewi borey na cere marga citaaboo baykaw alfagaa Ezra jere ka faham ašariyaa šennoo se.

Ester 9:22

zama zaarey wey cine ra, Alyahuudey duu ngi boŋ ngi iberey ra. Handoo woo ra, ngi binehẽenoo bere ka tee ɲaali, ngi bonaa bere ka tee ɲaali zaari. A nee i se kaŋ i ma haney din kayandi kʼi tee hoyandi zaari, nda ɲaali zaari, nda ka gomni tee cere se, ka talkey gaakasinay.

Ayuba 23:12

Ya na hibi nga miɲoo yaamarey ga, ay na nga miɲoo šenney dii ka bisa ay boŋ waney.

Zaburey 119:111

Ni seedetarawey ti ay tuboo hala abada, ngi ti ay binoo ɲaaloo.

Zaburey 119:127

Woo se ay ga baa ni yaamarey ka bisa wura, wura alhakiika.

Zaburey 119:130

Ni šennoo fahamyanoo ga boro noo gaay, a ga boŋbiyey noo lakkal.

Zaburey 119:14

Ɲaali nda ay ga dira ni seedetarawey bande, ni mma nee kaŋ alman beeri bara ya ne.

Zaburey 119:16

Ni hantumey ti ay ɲaaloo, ay si dirɲa ni meešennoo.

Zaburey 119:171

Yala ni saaburoo ma boobo ay miɲoo ra, zama nʼgʼay cawandi ni hantumey.

Zaburey 119:174

Abadantaa, ay ga hẽe ni hallasiroo bande, ni ašariyaa ti ay ɲaaloo.

Zaburey 119:72

Ay baa ni miɲoo ašariyaa ka bisa wura nda nzorfu kaaray tamma zenberyaŋ.

Zaburey 119:97

Ay ga hanse ka baa ni ašariyaa! Zaaroo kul ay ga miile a ga.

Luka 24:32

Woo banda ga, i nee cere se: «Ir biney nka mana hanse ka ɲaali ir gundey ra waatoo kaŋ ra a ga šelaŋ ka hayey kaŋ hantumandi Citaaboo ra feeri ir se fondaa ra wala?»

Rom borey batagaa 7:18

Zama ay ga bay kaŋ ay ra, maanaa ay hamoo, haya henna kul sii a ra, zama ay goo nda anniya, amma ka ihenna tee, woo ay mongu a se.

Bangandiroo 11:10

Woo kaŋ duu ey kan laboo gorokey se, i ɲaali, i ga gomniyaŋ sanba cere se, zama annabi hinkaa woo nka laboo gorokey zarabi.