Nehemi 6:9 - Songhai de Gao Bible

⁹ Borey wey kul ga baa ngi mʼir hunburandi, i ga nee kaŋ ir biney ga kaa ka hun, goyoo si teendi. Ay na Irkoy ŋaaray ka nee: «Sohõ ay Koyoo, bine daŋ ay ra.»

Nehemi 6:9 ပူးပေါင်းရင်းမြစ်များ

Taarikey 2to 15:7

Amma war, wa albarka daŋ war boŋ ra, war biney masi hun, zama war teegoyey ga duu alhaku.»

Taarikey 2to 32:18

Senakerib dontokey na jinde jer ka kaati ka šelaŋ Žuda borey šenni ra hala ngi ma duu ka Žerizalem jamaa hunburandi kaŋ goo cetaa ga hala ngi ma koyraa dii.

Ezra 1:6

Ngi taalammey kate i se faabari, nzorfu kaaray jinayyaŋ, nda wura jinayyaŋ, nda alman, nda adabba nda gomni beeriyaŋ kaŋ sii hayey ra kaŋ i gʼi noo nda ngi boŋ.

Nehemi 6:14

Ay na Irkoy ŋaaray ka nee: «Ay Koyoo, hongu Tobiya nda Sanbalat, mʼi bana ka sawa nda ngi teegoyey. Ma hongu annabi woyoo Nowadiya nda annabey jerey kaŋ ga baa ngi mʼay hunburandi.»

Zaburey 138:3

Hanoo kaŋ ay na ni cee, nʼnʼay zaabi, nʼnʼay hundoo noo bine nda gaabi.

Zaburey 56:3

Ay Koyoo kaŋ goo beene, zaaroo kul agay iberey gʼay zaa ka kay, i ga boobo, i gʼay wongu.

Zaburey 68:35

Wa Irkoy gaaboo bay Izirayel ga, wa nga boŋkoynitaraa nda nga gaaboo bay duulawey ra.

Zaburey 71:1

Abadantaa, ni ga ay gʼay boŋ talfi, yala ya si haw abada!

Korent borey bataga 2to 12:9

A nee ya ne: «Agay anneemaa ga ni wasa, zama gaabi jaŋay ra ay hinoo ga diyandi kaaray.» Adiši a ga hanse ka kan ya ne ya bolsay nda ay gaabi jaŋaa hala Almasihu hinoo ma cindi ay ga.

Efez borey batagaa 3:16

A ma kate war kunehere boraa albarkaa ma tonton nda hini nga Hundoo albarkaa ra ka sawa nda nga daržaa beeriyanoo,

Efez borey batagaa 6:10

Woo kul banda ga, wa duu gaabi ir Koyoo ra nda nga hini gaabantaa.

Filipi borey batagaa 4:13

Ay ga hin hayey wey kul boraa kaŋ gʼay noo gaabi albarkaa ra.

Eberewey batagaa 12:12

Woo maaganda se «wa war kabey kaŋ fara šerre ka boori nda war kanjey kaŋ ga jijiri.»

Piyer bataga 1na 5:10

Irkoy kaŋ ti Anneema-kul-koyoo kaŋ na war cee war ma huru nga darža abadantaa ra Isa Almasihu albarkaa ra, waati kaŋ war zarabi haya kayna, a ga war tee boro tabatanteyaŋ ka war noo hini, ka war noo gaabi, ka war daŋ asaasu boŋ kaŋ si kaŋ.

Samiyel 1na 30:6

Dawda binoo hanse ka maray, zama jamaa goo ma nee kaŋ i ma Dawda warra nda tondi kʼa wii, zama jamaa kul biney tun, boro foo kul nga izʼarey wala ize woyey maaganda. Amma Dawda na bine tee Abadantaa, nga Koyoo albarkaa ra.