Nehemi 5:13 - Songhai de Gao Bible

¹³ Koyne mo, ay nʼay bankaaraa kokobu ka nee: «Boro kul kaŋ mana hayaa tee kaŋ a nʼa har, Irkoy mʼa kokobu kʼa kaa nga hugoo nda nga goyoo nafaa ra sanda takaa woo, takaa din da nda aroo woo ma kokobandi ka kaŋandi koonay ra.» Margaroo kul nee: «Amin!» I na Abadantaa saabu. Jamaa na hayaa tee kaŋ i nʼa har.

Nehemi 5:13 ပူးပေါင်းရင်းမြစ်များ

Kokoyey 2to 23:3

Kokoyoo kay tintimoo ga, a na amaanaa taagandi nga nda Abadantaa game ka kayandi ka hanga Abadantaa ka nga yaamarey, nda nga ašariyawey, nda nga hantumey ka dira nda nga binoo kul, nda nga hundoo kul, ka amaanaa šenney goyey tee kaŋ hantumandi citaaboo woo ra. Jamaa kul huru amaanaa ra.

Taarikey 1na 16:36

Albarka ma bara Abadantaa, Izirayel Koyoo se, za abada hala abada! Waatoo din jamaa kul nee: «Amin!» I na Abadantaa saabu.

Nehemi 8:6

Ezra na albarka tee Abadantaa, Koy beeroo se, jamaa kul na ngi kabey jer ka zaabi ka nee: «Amin! Amin!» I gunguma ka ngi ndumey ka sujudu laboo ra Abadantaa jine.

Zaburey 119:106

Ay žee, ay gʼa too, ay ga ni šerretaraa hantumey kaŋ kayandi dii.

Zaburey 50:14

Ma albarka daŋyan tee sargari Irkoy se, ma ni meefurey kaa kaŋ nʼnʼi zaa Koy Jerantaa se!

Zaburey 76:11

Ba adamizey futuroo ga ni saabu. Borey kaŋ cindi futuroo banda ga, nʼgʼi tee ni gamahawoo.

Yaasawey 28:4

Boro kaŋ ga ašariyaa naŋ mma boro futu saabu, boro kaŋ ga ašariyaa dii mma boro futu tangam.

Waazukaa 5:5

Masi naŋ ni miɲoo ma ni kul tee zunubante, masi nee Irkoy dontokaa se kaŋ ni nka dere ka meefur zaa. Macin se ni šenney ga Irkoy futandi ka ni kabe teegoyey hasara.

Kabuyaney 5:22

Nda ni goyoo no, dangayan haroo woo ma huru ni teeley ra ka ni gundoo funsandi ka ni tee woy gun. Woyoo ga nee: “Amin, amin.”

Matiyu 10:14

Waati kaŋ i wanji ka war zumandi, i wanji ka haŋajer war šenney se, wa hun hugoo din ra, wala koyraa din ra, war ma kusaa kokobu kʼa kaa war cewey ga.

Teegoyey 13:51

Pol nda Barnabas na kusaa kokobu kʼa kaa ngi cewey ga, a ma yee i ga, i koy Ikoniyom.

Teegoyey 18:6

Amma Alyahuudey si yadda, i ga wowa, Pol ga nga darbawey kokobu ka nee: «War hundey alhakoo goo war ga! Agay ya ga henan. Hõ banda ga, dumey kaŋ manʼti Alyahuudu do ay ga koy.»

Korent borey bataga 1na 14:16

Zama nda nʼga albarka daŋ Irkoy se nda ni hundoo hinne, boro kaŋ si faham hayaa kaŋ ni goo mʼa har se kaŋ goo margaroo ra, taka foo nda a ga hin ka nee: «Amin» ni albarka daŋyanoo se, ka gar hayaa kaŋ nʼnʼa har a si faham a se?

Samiyel 1na 15:28

Samiyel nee a se: «Abadantaa na Izirayel kokoytaraa kottu kʼa taa ni kone hõ, a gʼa noo boro se kaŋ baa ni.