Nehemi 2:19 - Songhai de Gao Bible

¹⁹ Waatoo kaŋ Horoŋ boraa Sanbalat, nda Amoŋ boraa Tobiya kaŋ ti goykaw, nda Laaraboo Gešem maa šennoo, i nʼir fude, i nʼir dondaceray. I nee: «Macin no war ga tee ne ra? Kokoyoo ga war ga ture wala?»

Nehemi 2:19 ပူးပေါင်းရင်းမြစ်များ

Nehemi 13:28

Sargari juwalkey jineboraa Elyašib izʼaroo Yoyada, nga izʼaru foo ti Horoŋ boraa Sanbalat nzuraa. Woo maaganda se ay nʼa gaaray kʼa moorandi agay.

Nehemi 2:10

Waatoo kaŋ Horoŋ boraa Sanbalat, nda Amoŋ borey goykaa Tobiya maa šennoo, i hanse ka dor kaŋ boro ma kaa Izirayel borey gomnoo se.

Nehemi 4:1

Amma waatoo kaŋ Sanbalat, nda Tobiya, nda Laarabey, nda Amoŋ borey, nda Ašdod borey maa kaŋ Žerizalem cetewey hanseyanoo ga koy nda jine, de mo funey šintin ka lutandi, i hanse ka futu.

Nehemi 6:6

A nka nee nga hantumoo ra: «A goo ma harandi dumey nda cere game, Gešem mo gʼa har, šennoo ti ni nda Alyahuudey, war mma baa war ma ture, woo maaganda se ni goo ma cetaa cin. Miimandaa woo ra, i nee kaŋ ni ka nee kaŋ ni mma baa ma tee kokoy.

Nehemi 6:9

Borey wey kul ga baa ngi mʼir hunburandi, i ga nee kaŋ ir biney ga kaa ka hun, goyoo si teendi. Ay na Irkoy ŋaaray ka nee: «Sohõ ay Koyoo, bine daŋ ay ra.»

Ayuba 30:1

«Amma sohõ, boroyaŋ kaŋ ay žen ey ga haaru ay ra, ngi kaŋ ay cindi ka donda baabey kʼi daŋ ay alman kurey hanšey ra.

Zaburey 123:4

Ir hundoo kungu foomantey dookoraa ra, nda binebeerey kaynandoo.

Zaburey 79:4

Ir tee kaynahaya ir taalammey se, haarayhaya nda ɲooɲohaya borey se kaŋ gʼir kuubi ka bere.

Zaburey 80:6

Nʼga ngi mundawey tee i se ngi ŋaahayaa, nʼgʼi haŋandi ngi mundawey hala i ma too met.

Zaburey 80:7

Nʼgʼir tee haya kaŋ gʼir taalammey ga yenje, ir iberey ga haaru ir ra.

Matiyu 9:24

a nee: «Wa fatta, zankawoyoo mana buu, a mma jirbi.» I nʼa kašikaši.

Marku 5:40

Borey nʼa kašikaši. A na borey kul fattandi taray jina, a duu ka zankaa ɲaa nda baaboo nda borey kaŋ a nʼi hangandi nga bande, ka huru nongoo kaŋ ra zankaa goo.

Luka 23:2

I šintin ka daŋ a ga ka nee: «Aroo woo, ir nkʼa gar a gʼir gandaa borey tuti i ma ture, i masi alkaasi bana kokoy beeroo se, a ga nee mo kaŋ nga ti Almasihu, kokoy ti nga.»

Yehiya 19:12

Za waatoo woo, Pilat ceeci kʼa taŋ. Amma Alyahuudey ga kaati ka nee: «Nda nʼna woo taŋ, ni manʼti kokoy beeroo cere. Boro kul kaŋ nee kokoy ti nga cebe kaŋ kokoy beeroo iberi ti nga.»

Teegoyey 24:5

zama ir nka gar kaŋ aroo woo manʼti kala bone teekaw, a na Alyahuudey kul kaŋ goo laboo ga turandi, de mo Nazaret borey kondaa jineboro no.

Eberewey batagaa 11:36

Affooyaŋ mo i nʼi sii kʼi kašikaši, kʼi barzu, kʼi haw kʼi daŋ kasu.