Nehemi 2:17 - Songhai de Gao Bible

¹⁷ Ay nee i se: «War ga dii bonaa kaŋ ra ir goo. Žerizalem tee gaa žeena, nuune na ganbey diinandi. Wa kaa, ir ma Žerizalem cetaa cin koyne, nga ra haawi ga hun ir ga.»

Nehemi 2:17 ပူးပေါင်းရင်းမြစ်များ

Ezra 9:9

Zama ir manʼti kala tamyaŋ, amma ir Koyoo manʼir naŋ ir tamtaraa ra. A nʼir noo alhormo Pers kokoyey do, kʼir noo ir ma huna, hala ir mʼir Koyoo hugoo kayandi, ir ma kayrey hanse, kʼir noo ceteyaŋ Žuda nda Žerizalem.

Nehemi 1:3

I nee ya ne: «Borey kaŋ mana buu tamtaraa ra kaŋyaŋ goo ma huna gandaa zamnaroo ra kaŋ ti Žuda ra goo binemarayyaŋ beeri ra nda kaynayan ra, kayriyaŋ goo Žerizalem cetaa ra, i na nuune ka nga ganbey ton.»

Nehemi 2:13

Cijinoo ra, ay fatta nda koyraa miɲoo kaŋ se i ga nee Gooroo miɲoo, ka koy Dragoŋoo haroo tenje, ka koy koyraa miɲoo kaŋ se i ga nee Birjoo miɲoo here ka Žerizalem cetewey lawre kaŋ ra kayriyaŋ goo nda nga ganbey kaŋ nuune nʼi diinandi.

Nehemi 2:16

Alkaaley si bay nongu kaŋ ra ay koy, i si bay haya kaŋ no ay goo mʼa tee. Hala sohõ ya na haya kul har Alyahuudey se, ya na haya har sargari juwalkey se, ya nʼa har borciney se, ya nʼa har alkaaley se, ya nʼa har borey cindey se kaŋ ga kaa ka huga nda goyey.

Nehemi 3:15

Kol-Hoze izʼaroo Šalum kaŋ ti Mispa koyraa laamaa boŋkoynoo na koyraa miɲoo kaŋ se i ga nee Hari Hundogoo miɲoo hanse. A nʼa cin taaga, a nʼa gum ka nga ganboo carawey, nda bundey kaŋ gʼa daabu kufaley daŋ a ga. A yee koyne ka cetaa cin kaŋ goo Silowe haroo jeroo kaŋ goo kokoyoo saddiɲaa nda tintimey game kaŋ ga zunbu ka hun Dawda koyraa ra.

Zaburey 102:15

Zama ni tamey ga baa nga tondey, i ga hinna nga kayriroo se.

Zaburey 44:13

Nʼna ni jamaa neere hay faala, mana duu haya kul ngi hayoo ra.

Zaburey 44:14

Nʼga naŋ ir taalammey mʼir wow, borey kaŋ gʼir kuubi kʼir bere gʼir ɲooɲo kʼir haari-haari.

Zaburey 79:12

Ir Koyoo, ir taalamma gandawey kaŋ na ni kaynandi, i banandi hala cee iyye ngi kaynandiyanoo se.

Zaburey 79:4

Ir tee kaynahaya ir taalammey se, haarayhaya nda ɲooɲohaya borey se kaŋ gʼir kuubi ka bere.

Samiyel 1na 11:2

Amma Nahaš, Amoŋ boraa nee: «Haya foo ga ay ga amaana daŋ agay nda war game, ay ga war boro foo kul kabe gumaa moɲoo looti, a ma tee Izirayel kul se kaynandiyan.»