Matiyu 7:14 - Songhai de Gao Bible

¹⁴ Amma hugoo miɲoo ga kacca, fondaa ga šiita kaŋ ga koy hunayan here, de boro kaynayaŋ no ma duu a.»

Matiyu 7:14 ပူးပေါင်းရင်းမြစ်များ

Zaburey 16:11

Nʼga hunaroo fondaa bayrandi ya ne, boro ga duu ɲaali beeri ni jine, ni kabe gumaa ga gomni abadanteyaŋ ga bara.

Yaasawey 8:20

Ay si dira kala šerretaray fondaa ra, ka bisa fondawey ra kaŋ ra cimi goo,

Matiyu 20:16

Takaa woo no, ikokorantey ga tee ijinawey, de ijinawey ga tee ikokorantey.»

Matiyu 22:14

Zama boro boobo goo no kaŋ ciyandi, amma Irkoy boro suubantey ga kacca.»

Matiyu 7:13

«Wa huru nda hugu mee kaccaa, zama hugoo miɲoo ga yilwa, fondaa ga hay kaŋ ga koy halaciyanoo here, de boro boobo goo no kaŋ ga huru nda a.

Matiyu 7:15

«Wa war boŋ hawgay taari annabey ga. I ga kaa war ga sanda feejiyaŋ, amma ngi kuneheroo manʼti kala ganjihanši futuyaŋ.

Marku 8:34

Woo banda ga, Isa ciya alžamaa nda nga taalibey se, a nee i se: «Boro kaŋ ga baa nga ma hanga ay bande, kala a ma nga alhawaa naŋ, a ma nga kanjandibundoo zaa jina, a ma hanga agay.

Luka 12:32

Feeji kur kaccaa, masi hunbur, zama a kan war Baabaa Irkoy se nga ma war noo Laamaa.»

Yehiya 16:2

I ga war kaa ngi margahugey ra, de mo waati ga kaa kaŋ boro kul kaŋ na war wii ga hongu nga nka Irkoy gana.

Yehiya 16:33

Ay na wey har war se hala ay bande war ma duu alaafiyaa. War ga zarabi aduɲɲa ra, amma wa bine tee, agay, ay duu aduɲɲa ga hinay.»

Teegoyey 14:22

ka taalibey biney daŋ, kʼi hoyray i ma gaabandi naanaa ga, ka bayrandi i se ka nee: «Kala zarabi boobo ma duu ir hala ir ga huru Irkoy Laamaa ra.»

Rom borey batagaa 12:2

War masi hanga zamanoo woo teegoyey bande. Wa naŋ Irkoy ma lakkal taaga ka war barmay hala war ma Irkoy ibaayoo laasaabu kaŋ ga boori, a ga kan, a ga timme.

Rom borey batagaa 9:32

Macin se? Hayaa kaŋ se i manʼa ceeci naanaa fondaa ra, teegoy nda i nʼa ceeci. I cabu tondoo ga kaŋ gʼi kaŋandi.