Matiyu 6:19 - Songhai de Gao Bible

¹⁹ «War masi alman marga aduɲɲa kaŋ ra dusu nda guuruboosu gʼa halaci, de mo kaŋ ra zayey ga kayra kʼa zay.

Matiyu 6:19 ပူးပေါင်းရင်းမြစ်များ

Ayuba 24:16

Kubaa ra, i ga hugey kayri ka huru i ra, zaaroo ra, i ga ngi boŋ daabu hugu ra, i si gaayoo bay.

Ayuba 31:24

Ya nkʼay naanaa daŋ wura ra, ya nka nee wura alhakiika se: ‹Ay ga wakkal ni ga›, wala?

Zaburey 39:6

Nʼna ay jiirey kuuyanoo tee kabe hayyan diidaa, agay aloomuroo manʼti baffoo ni do. Cimi no, adamize kul, ba kaŋ a ga huna, a manʼti kala harandaŋ. Kay-kayna

Zaburey 62:10

Adamize manʼti kala hew, boro manʼti kala yaada. Ba nda i nʼi daŋ neešihaya ga, i kul cere ra, i ga don nda hew, i ga koy beene.

Fattaroo 22:2

Amma nda a diyandi ka gar waynaa fatta, nga kuroo alhakoo ga banandi. A ga waazibi zayoo ga a ma bana, nda a sii nda haya kul, a ga neerandi nga zaytaraa maaganda.

Yaasawey 11:4

Alman si haya kul hanse futay zaari hane, šerretaray no ma boro hallasi buuyan ra.

Yaasawey 16:16

Boro ma duu lakkal baa wura, boro ma duu fahamay baa nzorfu kaaray.

Waazukaa 2:26

Zama boro kaŋ ga kan a se, a gʼa noo lakkal, nda bayray, nda ɲaali, amma zunubante, a gʼa hugandi a ma goy ka marga, kʼa jisi boraa se kaŋ ga kan Irkoy se. Woo mo sii nda addalil sanda hew gaarandiyan.

Matiyu 19:21

Isa nee a se: «Nda nʼga baa ma tee boro kaŋ tee ka timme, koy hayey kaŋ goo ma ne neere, de ma hayoo noo talkey se, woo ra nʼga duu alman beenaa ra. Nga banda ga, ma kaa ka hanga agay.»

Matiyu 6:20

Amma wa alman marga beenaa kaŋ ra dusu nda guuruboosu sʼa halaci, de kaŋ ra zayey si kayra, i si zay.

Luka 12:21

Woo no ma tee boro ga kaŋ na alman marga nga boŋ se, de Irkoy do a sii nda gomni.»

Luka 12:33

«Wa war arzakaa neere ka hayoo sarga. Wa fortomaaniyaŋ tee war boŋ se kaŋ si žen nda alman kaŋ si ben kaŋ goo beenaa ra kaŋ zay si man a, dusu sʼa ŋaa.

Luka 12:39

War ma haya foo bay kaŋ ti, nda a gar hugukoy ga bay waatoo kaŋ ga zayoo ga kaa, a si naŋ a ma nga hugoo kayri.

Luka 18:22

Isa maa, a nee a se: «Haya foo ga ni kuma hala sohõ: hayey kul kaŋ goo ma ne neere, de ma hayoo zamna talkey game, woo ra nʼga duu alman beenaa ra. Nga banda ga, ma kaa ka hanga agay.»

Luka 18:24

Isa dii kaŋ binoo maray, a nee: «A ga šendi borey kaŋ goo nda alman se i ma huru Irkoy Laamaa ra.

Timote bataga 1na 6:17

Borey yaamar kaŋ ti zamanoo woo almankoyney, i masi tee bolsanteyaŋ, i masi ngi naataa daŋ alman ra kaŋ si cindi. I ma ngi naataa daŋ Irkoy ra kaŋ ga haya kul noo ir se nda booboyan hala ir ma daame a ra.

Eberewey batagaa 13:5

Nooru baji masi war gongu, war ma wasa nda woo kaŋ goo war kone, zama ir Koyoo hunday nee: «Ay si ni naŋ abada, ay si ni fur abada.»