Matiyu 6:10 - Songhai de Gao Bible

¹⁰ ni Laamaa ma kaa, ni ibaayoo ma tee laboo ga sanda beenaa takaa.

Matiyu 6:10 ပူးပေါင်းရင်းမြစ်များ

Nehemi 9:6

Ni hinne ti Abadantaa. Ni ka beenaa tee, ka beenaa beenaa nda nga hayey kul kaŋ goo a ra, nda laboo nda haya kul kaŋ goo a boŋ, teekowey nda haya kul kaŋ goo i ra tee. Ni no ka hundi daŋ wey kul ra, haya kul kaŋ goo beenaa ra ga sujudu ma ne.

Zaburey 2:6

«Agay hunday no kʼay kokoyoo gorandi Siyoŋ tondi hondu henanantaa ga.»

Zaburey 40:8

Woo se ay nee: «Nga ne, agay ne ma kaa, sanda takaa kaŋ nda a hantumandi ay ga citaabu kunkunantaa ra.»

Matiyu 12:50

Zama boro kul kaŋ gʼay Baabaa Irkoy kaŋ goo beenaa ra ibaayoo tee, boraa din ti agʼarmaa, nga ti ay woymaa, nga ti ay ɲaa.»

Matiyu 16:28

Cimoo ne kaŋ ay gʼa har war se, boroyaŋ goo ne kaŋ si buuyan taba i mana dii Boro-izʼaroo kaa nga Laamaa ra.»

Matiyu 26:42

Isa yee koyne ka hibi i ga cee hinkantoo, a na Irkoy ŋaaray ka nee: «Ay Baabaa Irkoy, nda potoo woo si hin ka mooru agay ya nʼa haŋ, ni ibaayoo ma teendi.»

Matiyu 3:2

ka nee: «Wa tuubi, zama beenaa Laamaa man.»

Matiyu 4:17

Za waatoo woo ra Isa šintin ka waazu ka nee: «Wa tuubi, zama beenaa Laamaa man.»

Matiyu 7:21

«Manʼti boro kul kaŋ ga nee ya ne: ‹Ay Koyoo, ay Koyoo›, nga no ma huru beenaa Laamaa ra, amma boraa kaŋ gʼay Baabaa Irkoy kaŋ goo beenaa ra ibaayoo tee no ma huru a ra.

Marku 11:10

Albarka ma huru Laamaa ra kaŋ goo kaa, ir kaagaa Dawda Laamaa! Hozaana beenaa se beene!»

Marku 3:35

[Zama] boro kul kaŋ ga Irkoy ibaayoo tee, boraa din ti agʼarmaa, nga ti ay woymaa, nga ti ay ɲaa.»

Luka 19:11

Kaŋ borey goo ma haŋajer šenney wey se, Isa tonton ka filla yaasayante foo deede i se, zama a goo ma man Žerizalem, de i mma hongu kaŋ waatoo din da Irkoy Laamaa ga kaa.

Luka 19:38

I nee: «Albarka ma bara kokoyoo se kaŋ goo kaa ir Koyoo maaɲoo ga. Alaafiyaa ma bara beenaa ra, daržaa ma tee beenaa se beene!»

Luka 22:42

ka nee: «Baaba Irkoy, nda ni yadda, gurzugaa potoo woo moorandi ay ga. Amma yala agay ibaayoo masi tee, ni wanoo ma teendi.»

Yehiya 4:34

Isa nee i se: «Ay ŋaahayaa manʼti kala ya boraa kaŋ nʼay sanba ibaayoo tee, ka nga goyoo benandi.

Yehiya 6:40

Ay Baabaa Irkoy ibaayoo manʼti kala boro kul kaŋ dii Izʼaroo, a naanay a, ma duu hunayan abadantaa, de ya boraa tunandi zaari koraa hane.»

Yehiya 7:17

Boro kaŋ ga baa nga ma nga ibaayoo tee, a ga bay wala hayaa kaŋ ay gʼa cawandi, Irkoy do a hun wala ay boŋ ga ay ga šelaŋ.

Teegoyey 13:22

Kaŋ Irkoy nʼa kaa, a na Dawda tee i se kokoy. Nga ga a na seedetaray tee ka nee: ‹Ay duu Dawda, Yišay izʼaroo, aru no kaŋ ay binoo ga bagʼa, a ga agay ibaayoo kul tee.›

Teegoyey 21:14

Kaŋ a wanji ka yadda ir se, ir fay nda a, ir nee: «Ir Koyoo ibaayoo ma tee.»

Teegoyey 22:14

A nee: ‹Ir baabey Koyoo na ni kayandi hala ma nga ibaayoo bay, ma dii Boro Šerrantaa, ma maa šenniyaŋ miɲoo ra.

Rom borey batagaa 12:2

War masi hanga zamanoo woo teegoyey bande. Wa naŋ Irkoy ma lakkal taaga ka war barmay hala war ma Irkoy ibaayoo laasaabu kaŋ ga boori, a ga kan, a ga timme.

Efez borey batagaa 6:6

War masi hayey tee ngi ndumey maaganda se sanda ka ceeci ka kan adamize se, amma wa tee sanda Almasihu baɲɲayaŋ kaŋ ga goy ka Irkoy ibaayoo tee nda ngi biney kul.

Kolos borey batagaa 1:13

A nʼir kaa kubaa hinoo cire kʼir ka koy nga Izʼaroo, nga baakaa laamaa ra.

Kolos borey batagaa 1:9

Woo maaganda se ir mo, za hanoo kaŋ ir maarʼa, ir mana fay nda ka Irkoy ŋaaray, ka ŋaaray war ma too met nda nga ibaayoo bayraa, war ma too nda lakkal kul nda fahamay kaŋ hun Irkoy Hundoo ra.

Tesalonik borey bataga 1na 4:3

Irkoy ibaayoo ti war henanyanoo, war ma mooru woy nda aru izefututaray ga.

Tesalonik borey bataga 1na 5:18

Wa albarka daŋ Irkoy se haya kul ra, zama woo ti Irkoy ibaayoo war here Almasihu Isa albarkaa ra.

Eberewey batagaa 1:14

Almalaykey, manʼti hundiyaŋ no kaŋ ga goy Irkoy se wala? Manʼti i nka sanbandi hala i ma goy borey se kaŋ na hallasiyan tubu wala?

Eberewey batagaa 10:36

War ga too muɲeyan ga hala war ma duu ka Irkoy ibaayoo tee ka duu allaahidoo kaŋ a nʼa zaa.

Eberewey batagaa 10:7

Ay nee: ‹Nga ne, agay ne ma kaa ka ni ibaayoo tee, ay Koyoo, sanda takaa kaŋ nda a hantumandi ay ga Citaabu kunkunantaa ra.›»

Eberewey batagaa 13:21

ma war tee timmanteyaŋ ka teegoy henna dumi kul tee nga ibaayoo se. A ma haya tee ir ra kaŋ ga kan a se Isa Almasihu albarkaa ra kaŋ darža ma bara a ga abada [hala abada]! Amin.

Piyer bataga 1na 2:15

Irkoy ibaayoo ti war ma goy henna tee ka lakkal jaŋantey kaŋ si haya bay miɲey daabu.

Piyer bataga 1na 4:2

hala waatoo kaŋ cindi a se nga hunaroo ra gaaham here, a masʼa tee adamize boonawey se, amma a mʼa tee Irkoy ibaayoo se.

Bangandiroo 11:15

Almalayka iyyantoo na laati beeroo kar, jinde beeriyaŋ šelaŋ beenaa ra ka nee: «Aduɲɲa kokoytaraa tee ir Koyoo nda nga Almasihu wane. A ga laama abada hala abada.»

Bangandiroo 12:10

Woo banda ga, ay maa jinde beeri foo beenaa ra kaŋ ga nee: «Sohõ hallasiroo, nda gaaboo, nda ir Irkoy Laamaa, nda nga Almasihu hinoo waatoo too, zama ir armey wurrukaa, kaŋ gʼi wurru ir Irkoy jine cijin nda zaari, warrandi ganda.

Bangandiroo 19:6

Woo banda ga, ay maa ma nee alžama beeri jinde. A ga hima nda hari beeri jinde nda jiŋjiŋyan gaabanteyaŋ jinde kaŋ ga nee: «Aleluya! Zama ir Koyoo Irkoy, Hini-kul-koyoo na nga laamaa gorandi.

Bangandiroo 20:4

Ay dii kokoy gorodooyaŋ, borey kaŋ ga goro i boŋ duu hini ka ciiti. Ay dii borey hundey kaŋ i na boŋey kaa jindey ga Isa seedetaraa, nda Irkoy meešennoo maaganda se, nda borey kaŋ mana sujudu adabbaa nda nga assuuraa se, adabbaa tammaasaa mana huru teɲawey ga, a mana huru kabey ga. I huna koyne ka laama Almasihu bande jiiri zenber foo (1.000).