Matiyu 5:6 - Songhai de Gao Bible

⁶ Borey duu gomni kaŋ ga boonay šerretaray sanda heraykoyni nda jawkoyni, zama ngi, i ga kaa ka kungu.

Matiyu 5:6 ပူးပေါင်းရင်းမြစ်များ

Zaburey 107:9

Zama boraa kaŋ kormollaa kogu, a na nga jawoo kaa, heraykoynoo a nʼa noo hennayaŋ kaŋ ga wasa a se.

Zaburey 145:19

A ga borey kaŋ ga hunbur a almuraadey feeri, a ga maa ngi faaba ceeci kaatiroo, a gʼi hallasi.

Zaburey 17:15

Agay, ay ga dii ni ndumoo ni šerretaraa ra, za ay tun jirboo ra, ay ga dii ni ka wasa.

Zaburey 63:5

Woo se ay ga albarka daŋ ma ne ay hunayanoo kul ra, kʼay kabey jer ni maaɲoo ga.

Zaburey 65:4

Ay laybey ga hanse ka tiŋ ya ne, ni no kʼir tooɲeyaney yaafa.

Zaburey 84:2

Abadantaa, Aduɲɲakoyoo, ni gorodogey ga hanse ka kan!

Yaasawey 10:24

Woo kaŋ boro futu ga hunbur a, nga no ma duu a, amma woo kaŋ boro šerrante ga bagʼa ga nondi a se.

Yaasawey 21:21

Boro kaŋ ga hanga šerretaray nda borohennataray ga duu hunayan, nda šerretaray, nda beeray.

Luka 1:53

A na heraykoyney kungandi nda haya hennayaŋ ka almankoyney naŋ kabe koonu.

Luka 6:21

War kaŋ ti borey kaŋ ga heray sohõ da duu gomni, zama war ga kaa ka kungu. War kaŋ ti borey kaŋ ga hẽe sohõ da duu gomni, zama war ga kaa ka haaru.

Luka 6:25

War bone, war kaŋ kungu, zama war ga kaa ka heray. War bone, war kaŋ goo ma haaru sohõ da, zama war biney ga kaa ka maray, de war ga hẽe.

Yehiya 4:14

amma boro kaŋ na haroo haŋ kaŋ ay gʼa noo a se, šikka sii kaŋ a si jaw hala abada. Haroo kaŋ ay gʼa noo a se ga tee a ra isaɲaa kaŋ ga boosu hala hunayan abadantaa ra.»

Yehiya 6:27

War masi goy ŋaahayaa kaŋ ga mursu se, amma wa goy ŋaahayaa se kaŋ ga cindi hala hunayan abadantaa ra. Ŋaahayaa, Boro-izʼaroo gʼa noo war se, zama nga no Baabaa Irkoy nʼa tabatandi.»

Yehiya 7:37

Zaari kokorantaa hane, jingaroo zaari beeroo, Isa tun ka kay ka kaati ka nee: «Boro kaŋ ga jaw, a ma kaa ay do ka haŋ.

Bangandiroo 7:16

I si yee ka heray, i si yee ka jaw. Waynaa si yee kʼi kar, konni kul si yee kʼi kar.