Matiyu 4:14 - Songhai de Gao Bible

¹⁴ Woo teendi hala šennoo kaŋ annabi Ezayi dontandi a mʼa har ma tabati, a nee:

Matiyu 4:14 ပူးပေါင်းရင်းမြစ်များ

Matiyu 1:22

Woo kul teendi hala hayaa kaŋ ir Koyoo na annaboo donto a mʼa har ma tabati, a nee:

Matiyu 2:15

I cindi no din hala Herod buuyanoo ga, hala hayaa kaŋ ir Koyoo na annaboo donto a mʼa har ma tabati, a nee: «Ay ciya agʼizʼaroo se a ma hun Misira.»

Matiyu 2:23

A kaa ka goro koyraa ra kaŋ se i ga nee Nazaret, hala šennoo kaŋ annabey nʼa har ma tabati kaŋ ti: «I ga maaɲoo daŋ Nazaret boraa.»

Matiyu 26:54

Adiši taka foo nda Citaaboo šenney ga tabati kaŋ nee takaa woo ga hima ka tee?»

Matiyu 26:56

Woo kul teendi hala annabey citaabey šenney ma tabati.» Woo banda ga, taalibey kul zuru kʼa naŋ.

Matiyu 4:13

A hun Nazaret koyraa ra, a koy goro Kaparnahum kaŋ goo Galile isabangoo miɲoo ga, Zabuloŋ nda Neftali laamaa ra.

Matiyu 4:15

«Zabuloŋ laboo nda Neftali laboo kaŋ goo teekoo fondaa ga, Žurdeŋ isaa se banda kaŋ ti Galile boro dumey kaŋ manʼti Alyahuudu gandaa,

Matiyu 8:17

hala šennoo kaŋ annabi Ezayi dontandi a mʼa har ma tabati, a nee: «Nga, a nʼir borojeretarawey zaa, a nʼir wircey jeeje nga ga.»

Luka 22:37

Zama ay ga war bayrandi kaŋ šennoo kaŋ hantumandi Citaaboo ra nee: ‹I nʼa kabu goy futu teekey ra.› Šennoo woo ga hima ka tabati ay ga, zama hayaa kaŋ hantumandi ay ga, ga tabati.»

Luka 24:44

A nee i se: «Wey ti šenney kaŋ ay nʼi har war se waatoo kaŋ ay goo war game. Kala hayey kul kaŋ hantumandi ay ga Musa ašariyaa nda annabey citaabey nda Zaburey citaaboo ra ma tabati.»

Yehiya 15:25

Amma woo tee hala šennoo kaŋ hantumandi ngi ašariyaa ra ma tabati kaŋ nee: ‹I konna agay bila addalil.›

Yehiya 19:28

Woo banda ga, Isa kaŋ ga bay kaŋ hayey kul teendi ka ben, hala Citaaboo šennoo ma tabati, a nee: «Ay jaw.»